完整藏文原文 · 德格版页 当前仅加载第 5 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ནི་དེ་མ་ཐག་ཏུ་ཕྱུང་བའོ། །རྨི་ལམ་གྱི་མ་གཏོགས་ཏེ་ཞེས་བྱ་བ་ནི་རྨི་ལམ་གྱི་བཞག་སྟེའོ། །དགེ་འདུན་ལྷག་མའོ་ཞེས་བྱ་བ་ནི་ལྟུང་བ་དེ་དགེ་འདུན་ལ་རག་ལས་པ་དང་། དགེ་འདུན་དང་འབྲེལ་པ་དང་། དགེ་འདུན་ལ་རྟོན་པ་ཡིན་ཏེ། ལྟུང་བ་དེ་དགེ་འདུན་ལས་རྣམ་པར་ལྡང་བར་འགྱུར་
D3.005.0204b01.01གྱི་གང་ཟག་ལས་མ་ཡིན་པའོ། །གཞན་ཡང་ཕམ་པར་འགྱུར་བའི་ཆོས་བཞི་པོ་དག་ནི་ལྷག་མ་མེད་པ་ཡིན་གྱི། འདི་ནི་ལྷག་མ་དང་བཅས་པ་ཡིན་པ་སྟེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་ལྔས་ཏེ་བདེ་བ་འདོད་པ་དང་། ས་བོན་
D3.005.0204b02.01འདོད་པ་དང་། རིག་སྔགས་འདོད་པ་དང་། སྨན་འདོད་པ་དང་། བརྟག་པ་འདོད་པས་སོ། །ཇི་ལྟར་བདེ་བ་འདོད་པས་ཤེ་ན། དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད་ལ་ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་
D3.005.0204b03.01མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང་། རིག་སྔགས་འདོད་པ་དང་། སྨན་འདོད་པ་དང་། བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད།
D3.005.0204b04.01རིལ་གྱིས་འཆང་བར་བྱེད། དམ་དུ་འཆང་བར་བྱེད། ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང་། རིག་སྔགས་འདོད་པ་དང་། སྨན་འདོད་པ་དང་། བརྟག་པ་འདོད་པས་
D3.005.0204b05.01ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད། རིལ་གྱིས་འཆང་བར་བྱེད། དམ་དུ་འཆང་བར་བྱེད་ལ་དེས་ཀྱང་བྱེ་བྲག་ངེས་པར་མྱོང་བའི་བདེ་བ་ཉམས་སུ་མྱོང་བར་བྱེད་ཅིང་ཁུ་བ་འབྱིན་ན་དགེ་འདུན་ལྷག་མར་
D3.005.0204b06.01འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང་། རིག་སྔགས་འདོད་པ་དང་། སྨན་འདོད་པ་དང་། བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་
D3.005.0204b07.01