完整藏文原文 · 德格版页 当前仅加载第 5 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཚོགས་ཡན་ལག་བཞི་པོ་གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ། ཡངས་པ་ཅན་ནས་འབྱུང་བར་བརྩམས་པ་དང་། དེ་དག་འབྱུང་བ་ན་ཚེ་དང་ལྡན་པ་མཽད་གལ་གྱི་བུ་ཆེན་པོ་ཡང་སྔ་དྲོ་ཤམ་ཐབས་བགོས་ལྷུང་
D3.005.0192b01.01བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་སོ། །ཡངས་པ་ཅན་གྱི་ལིཙྪ་བཱི་རྣམས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་དེ་དག་འདི་སྙམ་དུ་སེམས་ཏེ། ཤེས་ལྡན་དག་འདི་ནི་མཆོག་གསུམ་པ་ཡིན་ཏེ།
D3.005.0192b02.01འདིས་མི་ཤེས་པའམ། མ་མཐོང་བའམ། མ་རིག་པའམ། རྣམ་པར་མི་ཤེས་པ་ཅུང་ཟད་ཀྱང་མེད་དོ་ཞེས་གྲག་གིས་བདག་ཅག་གིས། འདི་ལ་བདག་ཅག་གང་རྒྱལ་བར་འགྱུར་བ་དྲི་བར་བྱའོ་སྙམ་ནས། དེ་དག་གིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་དྲིས་པ། འཕགས་
D3.005.0192b03.01པ་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲས་ཡུལ་སྤོང་བྱེད་འཇོམས་པར་བགྱིས་པས་བདག་ཅག་གཡུལ་འགྱེད་པའི་སླད་དུ་མངོན་དུ་མཆིས་ན། བདག་ཅག་གང་རྒྱལ་བར་འགྱུར། མཽད་གལ་གྱི་བུ་ཆེན་པོས་སྨྲས་པ། བ་སིཥྛའི་རིགས་དག་ཁྱེད་ཅག་རྒྱལ་
D3.005.0192b04.01བར་འགྱུར་རོ། །དེ་དག་འཕགས་པ་མཽད་གལ་གྱི་བུ་ཆེན་པོས་བདག་ཅག་རྒྱལ་བར་ལུང་བསྟན་ཏོ་ཞེས་རངས་པ་དང་། དགའ་བ་དང་། མཆོག་ཏུ་དགའ་བ་དང་། མགུ་བ་དང་། ཡིད་བདེ་བ་སྐྱེས་ནས་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་མ་བརྩིས་པར་
D3.005.0192b05.01ཚམ་ཚོམ་མེད་པ་ཁོ་ནར་དེའི་སྟེང་དུ་བརྟུལ་བ་དང་། དེ་ནས་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་ཕམ་པ་དང་། སྐྲག་པ་དང་། བཅོམ་པ་དང་། གཞན་རྒྱལ་བ་དང་། རྒྱབ་ཀྱིས་ཕྱོགས་པར་བྱས་ཏེ། ཆུ་ཀླུང་གང་གཱའི་འགྲམ་དུ་ཕྱིན་ཏོ། །ཡངས་
D3.005.0192b06.01པ་ཅན་གྱི་ལིཙྪ་བཱི་རྣམས་རྒྱ་ཆེར་རབ་ཏུ་དགའ་བའི་ཡིད་ཀྱིས་ཕྱི་བཞིན་ཁོ་ནར་འབྲང་བ་དང་། ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲས་བསམས་པ། ཡངས་པ་ཅན་གྱི་ལིཙྪ་བཱི་འདི་དག་ནི་གདུག་ཅིང་རྣམ་པར་གནོན་པ་ཡིན་པས་གལ་ཏེ་བདག་གང་གཱའི་
D3.005.0192b07.01