完整藏文原文 · 德格版页 当前仅加载第 5 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་ཀྱི་དགོས་པ་ལ་སོང་བ་ཡིན་གྱི། ཁོ་བོའི་དགོས་པ་ལ་སོང་བ་མ་ཡིན་པས་ཁོ་བོས་མི་སྦྱིན་ནོ། །མཚན་{བཟངས་ཀྱིས་,བཟང་གིས་}སྨྲས་པ། གལ་ཏེ་མི་སྦྱིན་ན་ཁོ་བོ་རང་ཉིད་ཀྱིས་བླང་བར་བྱའོ། །གལ་ཏེ་ཐོབ་ནའོ། །ཇི་ཙམ་ན་ནོར་གྱིས་བྱིན་ཕྱིར་བྱུང་བ་དེ་ན་
D3.005.0091a01.01མཚན་{བཟངས་ཀྱིས་,བཟང་གིས་}ལྷུང་བཟེད་ཆུང་ངུ་བླངས་ཏེ་རང་གི་ལྷུང་བཟེད་དུ་བཅུག་སྟེ་བཞག་གོ། །ཇི་ཙམ་ན་ནོར་གྱིས་བྱིན་འོངས་པ་ན་ལྷུང་བཟེད་ཆུང་ངུ་མི་སྣང་ནས་དེས་སྨྲས་པ། ཚེ་དང་ལྡན་པ་ཁོ་བོའི་ལྷུང་བཟེད་ཆུང་ངུ་སུས་བླངས་མཚན་{བཟངས་ཀྱིས་,བཟང་གིས་}སྨྲས་པ། སུ་དབང་བས་
D3.005.0091a02.01སོ། །སུ་དབང་། ཁོ་བོ་དབང་ངོ་། །ནོར་གྱིས་བྱིན་གྱིས་སྤྱོས་ཏེ་སྨྲས་པ། ཁྱོད་ཀྱིས་རྐུ་སེམས་ཀྱིས་བླངས་པས་ཁྱོད་ལ་ཕམ་པར་འགྱུར་བའི་ལྟུང་བ་བྱུང་ངོ་། །མཚན་{བཟངས་,བཟང་}བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་
D3.005.0091a03.01དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། སངས་རྒྱས་བཅོམ་ལྡན་འདས་ཀྱིས་མཚན་{བཟངས་,བཟང་}ལ་བཀའ་སྩལ་པ། དགེ་སློང་ཁྱོད་ཀྱིས་བསམ་པ་ཇི་ལྟ་བུས་ལྷུང་བཟེད་ཆུང་ངུ་དེ་བླངས། དེས་ཇི་ལྟར་གྱུར་པ་བཅོམ་ལྡན་
D3.005.0091a04.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་རང་གི་འདུ་ཤེས་པས་ལྷུང་བཟེད་ཆུང་ངུ་བླངས་པ་འདི་ལ་ནི་ལྟུང་བ་མེད་དེ། ཡང་དགེ་སློང་གིས་གླ་རྔན་གྱིས་ལས་མི་བྱ་བར་འདི་ལྟར་ལག་པོད་དམ། བསོད་ནམས་འདོད་པས་
D3.005.0091a05.01ལས་བྱའོ། །དགེ་སློང་གིས་གླ་རྔན་གྱིས་ལས་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མི་ཕམ་དང་། ཟླ་བས་སྦས་ཞེས་བྱ་བ་
D3.005.0091a06.01གཏམ་འདྲེ་བ། ཕེབས་པར་སྨྲ་བ། འགྲོགས་བཤེས་སྨོས་འདྲིན་གཉིས་ཤིག་འཁོད་དེ། ཟླ་བས་སྦས་ནི་གྲགས་པ་དང་། བསོད་ནམས་ཆེ་བ་ཡིན་ཏེ། དེ་ལ་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་ཡོད་དོ། །མི་ཕམ་ནི་
D3.005.0091a07.01