完整藏文原文 · 德格版页 当前仅加载第 5 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་མི་འགྱུར་ན་ཅིའི་ཕྱིར་དེ་དྲིན་བགྲང་དུ་གཞུག་པར་བྱ་སྙམ་དུ་བསམས་ནས། བག་རྫངས་ཅན་གདོལ་པའི་གནས་ཁང་དུ་ཞུགས་ཏེ་སྣམ་སྦྱར་བལྟ་བར་བརྩམས་པ་དང་། ཇི་ཙམ་ན་ཆོས་གོས་ཀྱི་གདང་ལ་སྣམ་སྦྱར་དམར་སེར་འདུག་པ་མཐོང་ནས། བག་རྫངས་
D3.005.0090a01.01ཅན་གྱིས་ཕོག་སྟེ། གྱོན་ཞིང་བསྙམས་ནས། ངོས་དང་ངོས་ལ་རྟོག་པར་བྱེད་པ་ན་གདོལ་པ་འོངས་ཏེ་མཐོང་མ་ཐག་ཏུ་སྨྲས་པ། ཚེ་དང་ལྡན་པ་ཁྱེད་ཀྱིས་སྣམ་སྦྱར་འདི་རྐུ་སེམས་ཀྱིས་བླངས་སོ། །བག་རྫངས་ཅན་གྱིས་སྨྲས་པ། ཚེ་དང་ལྡན་པ་ཁོ་བོས་རྐུ་སེམས་ཀྱིས་མ་
D3.005.0090a02.01བླངས་ཏེ། འདི་ལྟར་ཁོ་བོ་ལ་གདོལ་པ་ནི་ལུས་ཆུང་བ་ཡིན་པས་ཇེ་འདིའི་ཆོས་གོས་གཞལ་བར་བྱ་སྟེ། གལ་ཏེ་བདག་གི་ལུས་ཀྱི་ཚད་དུ་འགྱུར་ན་བསླང་བར་བྱའི། གལ་ཏེ་མི་འགྱུར་ན་ཡོ་བྱད་དོན་མེད་པ་འདི་ཅི་བྱ་སྙམ་པའི་བློ་སྐྱེས་སོ། །གདོལ་པས་སྨྲས་པ། ཚེ་དང་ལྡན་པ་
D3.005.0090a03.01ཅིའི་ཕྱིར་གཞན་ནས་གཞན་དུ་འཕྲོ་བར་བྱེད། ཁྱོད་ཀྱིས་རྐུ་སེམས་ཀྱིས་བླངས་པས་ཁྱོད་ལ་ཕམ་པར་འགྱུར་བའི་ལྟུང་བ་བྱུང་ངོ་། །བག་རྫངས་ཅན་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་
D3.005.0090a04.01སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨས་པ། དགེ་སློང་ཁྱོད་ཀྱིས་བསམ་པ་ཇི་ལྟ་བུས་སྣམ་སྦྱར་དེ་བགོས། བག་རྫངས་ཅན་གྱིས་ཇི་ལྟར་གྱུར་པ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D3.005.0090a05.01ཀྱིས་བཀའ་སྩལ་པ། དགེ་སློང་དག་དགེ་སློང་དཔྱོད་པའི་བསམ་པ་ཅན་འདི་ལ་ནི་ལྟུང་བ་མེད་དེ། ཡང་དགེ་སློང་གིས་ཡིད་གཅུགས་པ་མ་ཡིན་པ་ལ་ཡིད་གཅུགས་པ་བསྐྱེད་པར་མི་བྱའོ། །འདི་ལྟར་མཛའ་བཤེས་ནི་གསུམ་སྟེ། ཐ་མ་དང་། འབྲིང་དང་། ཆེན་པོའོ། །དེ་ལ་
D3.005.0090a06.01མཛའ་བཤེས་ཐ་མ་ལ་ནི་ཡིད་གཅུགས་པ་ཆུང་ངུ་བྱའི། འབྲིང་ཡང་མི་བྱ། ཆེན་པོ་ཡང་མི་བྱའོ། །མཛའ་བཤེས་འབྲིང་ལ་ནི་ཡིད་གཅུགས་པ་ཆུང་ངུ་དང་། འབྲིང་བྱའི་ཆེན་པོ་མི་བྱའོ། །མཛའ་བཤེས་ཆེན་པོ་ལ་ནི་ཡིད་གཅུགས་པ་ཆུང་ངུ་དང་། འབྲིང་དང་། ཆེན་པོ་
D3.005.0090a07.01