完整藏文原文 · 德格版页 当前仅加载第 5 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་ནང་རྗེ་ག་ལས་འོངས། མི་དེས་སྨྲས་པ། རི་བྲག་ཆེ་གེ་མོ་ཞིག་ནས་སོ། །དེ་དག་གིས་སྨྲས་པ། ཀྱེ་ནང་རྗེ་རི་བྲག་དེ་ན་བྱང་ལམ་པའི་དོན་མཐུན་འདུག་ཅེས་གྲག་ན་ཁྱོད་ཀྱིས་དེ་མ་མཐོང་ངམ། མི་དེས་སྨྲས་པ། ཤེས་ལྡན་དག་ཁོ་བོ་ནི་དོན་མཐུན་དེ་ཉིད་དང་བྲལ་ཞིང་འགྲོ་བ་
D3.005.0083b01.01ཡིན་ཏེ་དེ་ནི་སྔར་སོང་ཟིན་ཏོ། །ཤོ་གམ་པ་དག་གིས་ཐོས་ནས་ཡིད་མི་བདེ་བར་གྱུར་ཏེ་སྨྲས་པ། ཀྱེ་ནང་རྗེ་ཁོ་བོ་ཅག་སྒོ་གནོན་ཅིང་འཁོད་ན་དེ་ག་ལས་ཞུགས། མི་དེས་སྨྲས་པ། ཤེས་ལྡན་དག་གལ་ཏེ་ཁྱེད་ཅག་ཡིད་མི་ཆེས་ན་ཚུར་ཤོག་སྲང་དུ་འདོང་དང་རང་ཉིད་ཀྱིས་མཐོང་བར་
D3.005.0083b02.01འགྱུར་རོ། །དེ་དག་དེ་དང་ལྷན་ཅིག་སྲང་དུ་དོང་བ་དང་དོན་མཐུན་དག་བྱང་ལམ་པའི་ཟོང་བཀྲམ་ཞིང་ཚོང་པ་མཐོང་ནས་དེ་དག་གིས་དྲིས་པ། ཤེས་ལྡན་དག་ཁྱེད་ཅག་གང་གིས་ཞུགས། དོན་མཐུན་དག་གིས་སྨྲས་པ། རྐང་པ་དག་གིས་སོ། །ཤོ་གམ་པ་དག་གིས་སྨྲས་པ།
D3.005.0083b03.01ཁྱེད་ཅག་ཇི་ལྟར་རྐང་པ་དག་གིས་ཞུགས་པ་ལྟ་ཁོ་བོ་ཅག་གིས་ཀྱང་ཤེས་ཀྱི། འདི་ལྟར་ཁྱེད་ཅག་གང་གིས་འཇུག་ཏུ་བཅུག་པ་དང་། སྒོ་གང་ནས་ཞུགས་པ་དེ་འདྲིས་སྨྲོས་ཤིག་དང་། ཁྱེད་ཅག་དང་བཤེས་པར་བྱའོ། །དེ་དག་གིས་སྨྲས་པ། འཕགས་པ་དྲུག་སྡེ་དག་གིས་
D3.005.0083b04.01སྒེའུ་ཆུང་ནས་འཇུག་ཏུ་བཅུག་གོ། །ཤོ་གམ་པ་དེ་དག་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་པ་ཡིན་ནོ། །བྲམ་ཟེའི་ཚུལ་ནི་ཚིག་པ་ཡིན་ཏེ། གང་ལ་ད་ལྟར་གཞན་གྱི་འཚོ་བ་ལ་ཡང་གནོད་པ་བྱེད་དོ། །ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་
D3.005.0083b05.01ཟེར་བར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཞན་གྱི་འཚོ་བ་ལ་གནོད་པར་མི་བྱའོ། །གནོད་པ་བྱེད་ན་འགལ་ཚབས་ཅན་དུ་འགྱུར་རོ། །ཤོ་གམ་པ་དག་གིས་དྲུག་སྡེ་འདི་
D3.005.0083b06.01དག་ནི་དགེ་སྦྱོང་མི་སྲུན་པ་དག་ཡིན་པས་ངོ་བྱའོ་སྙམ་དུ་བསམས་ནས། ཇི་ཙམ་དུས་གཞན་ཞིག་ན་ཚེ་དང་ལྡན་པ་ཉེ་དགའ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་ཤོ་གམ་པ་ཞིག་གིས་མཐོང་ནས་དེས་སྨྲས་པ། འཕགས་
D3.005.0083b07.01