完整藏文原文 · 德格版页 当前仅加载第 5 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་
D3.005.0159a01.01མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །ཇི་ཙམ་དུས་
D3.005.0159a02.01གཞན་ཞིག་ན་ཁྱིམ་བདག་དེའི་ཉེ་དུ་ཟད་པར་གྱུར་ཅིང་ནོར་དང་ལོངས་སྤྱོད་ཀྱང་ཟད་པར་གྱུར། དེའི་ཆུང་མ་ཡང་དུས་ལ་བབ་ནས་དེས་བུ་ལ་སྨྲས་པ། བུ་ཁོ་བོས་ནི་རྒས་པའི་གནས་སྐབས་སུ་ནོར་བསྒྲུབ་ཏུ་འགྲོ་མི་ནུས་ཀྱིས་རབ་ཏུ་འབྱུང་དུ་འགྲོའོ། །བུས་སྨྲས་པ། ཡབ་གལ་ཏེ་དེ་ལྟ་ན་བདག་
D3.005.0159a03.01ཀྱང་རབ་ཏུ་འབྱུང་ངོ་། །བུ་ལེགས་སོ། །ཞེས་དེས་ཁྱེའུ་ཁྲིད་དེ་རྒྱལ་བྱེད་ཀྱི་ཚལ་དུ་སོང་ནས་དགེ་སློང་གི་དྲུང་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དགེ་སློང་དེས་སྨྲས་པ། ཅི་ཁྱེའུ་འདི་ཡང་རབ་ཏུ་འབྱུང་ངམ།
D3.005.0159a04.01འཕགས་པ་རབ་ཏུ་འབྱུང་ངོ་། །དགེ་སློང་དེ་ཁྱེའུ་དེ་འདོད་པས་དེ་བུ་དང་བཅས་ཏེ་རབ་ཏུ་ཕྱུང་ངོ་། །ཆོས་ཉིད་ཀྱིས་ན་རྒན་པའི་མཐའ་ནས་རྙེད་པ་འཐོབ་ལ། གཞོན་པའི་མཐའ་ནས་ལས་སུ་བསྐོ་བ་ཡིན་པས་རྒན་ཞུགས་ཀྱི་བུ་རྟག་ཏུ་ལས་སུ་སྐོ་བར་བྱེད་ནས། དེས་ཕ་ལ་སྨྲས་པ། ཡབ་
D3.005.0159a05.01བདག་ཅག་གཉིས་གང་ཅུང་ཟད་ཟིལ་གྱིས་ནོན་པ་དེ་ཐམས་ཅད་ཐོས་པ་ཉུང་བ་ལས་གྱུར་པ་ལགས་ཀྱིས་བཞེངས་ཤིག་དང་། སྐོལ་ཅག་གཉིས་ཡུལ་གཞན་དུ་བཞུད་ལ་ཐོས་པ་གཟུང་བར་བགྱིའོ། །རྒན་ཞུགས་ཀྱིས་སྨྲས་པ། བུ་ལེགས་ཀྱིས་འདོང་ངོ་ཞེས་དེ་གཉིས་ཡུལ་
D3.005.0159a06.01གཞན་དུ་དོང་ངོ་། །འོན་ཀྱང་གཞོན་པའི་མཐའ་ཉིད་ནས་ལས་སུ་སྐོ་བས་དེ་གཉིས་སོན་མ་ཐག་ཁོ་ནར་ལས་སུ་སྐོ་བར་བསྐོས་པ་དང་། བུས་རྒན་ཞུགས་ལ་སྨྲས་པ། ཡབ་མཉན་ཡོད་ན་ལས་སུ་སྐོ་བ་མཆིས་སུ་ལགས་ཀྱང་དེ་ན་བཅོམ་ལྡན་འདས་ཆོས་ཀྱི་རྗེ་མངོན་སུམ་དུ་བཞུགས་ཤིང་དུས་དང་།
D3.005.0159a07.01