完整藏文原文 · 德格版页 当前仅加载第 5 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། བཞིན་{བཟངས་,བཟང་}དག་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ལ་ནི་དུས་སྟོན་ཡོད་ན། ཁྱེད་ཅག་མཁར་ལེན་གྱི་འབྲས་བུས་འཚོ་བ་དག་དུས་སྟོན་ཅི་འདྲ་བ་དག་ཅིག་ཡོད། ཚུར་ཤེག་ལ་ལས་གྱིས་ཤིག་དང་། དེའི་ཕྱིར་གླ་ཉིས་གྱུར་དུ་སྦྱིན་ནོ། །དེ་དག་
D3.005.0146b01.01གིས་སྨྲས་པ། འཕགས་པ་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ལ་ནི་རྟག་པ་ཁོ་ནར་དུས་སྟོན་མཆིས་ཀྱི། བདག་ཅག་ནི་མཁར་ལེན་གྱི་འབྲས་བུས་འཚོ་བ་ལགས་པས་དེ་ཉིད་ཀྱིས་ན་བདག་ཅག་ལ་བརྒྱ་ལ་བརྒྱ་ལམ་ན་དུས་སྟོན་འབྱུང་བས་གལ་ཏེ་གླ་སུམ་
D3.005.0146b02.01གྱུར་དུ་སྩལ་དུ་ལགས་ཀྱང་བདག་ཅག་དེང་ནི་ལས་མི་བགྱིད་དོ་ཞེས་དེ་དག་མ་བཏུབ་སྟེ་དོང་ནས་བསོད་སྙོམས་པ་ཡང་སྙིང་ལས་ཆུང་ངུར་འདུག་གོ། །ཁྱིམ་བདག་གིས་བསམ་པ། བདག་གིས་སྦྱིན་པར་བྱ་བའི་ཆོས་དེ་ལ་ཇི་ཙམ་ནི་བྱས། ཇི་ཙམ་ནི་མ་བྱས་པ་དེ་(བལྟར་,ལྟར་)
D3.005.0146b03.01འགྲོའོ་སྙམ་ནས་དེ་ནང་པར་སྔར་ལངས་ཏེ་སོང་བ་དང་། འགའ་ཡང་ལས་མི་བྱེད་པ་མཐོང་ནས་དེ་བསོད་སྙོམས་པའི་དྲུང་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། འཕགས་པ་གླ་མི་དག་དེང་ལས་མི་བགྱིད་དམ། ཁྱིམ་བདག་མི་བྱེད་དོ། །ཅིའི་སླད་དུ་
D3.005.0146b04.01དེ་དག་ན་རེ་དེང་འཇིག་རྟེན་གྱི་དུས་སྟོན་ཡིན་པས་བདག་ཅག་ལས་མི་བྱེད་དོ་ཞེས་ཟེར་རོ། །ཁྱིམ་བདག་གིས་སྨྲས་པ། འཕགས་པ་དེ་དག་ནི་མཁར་ལེན་གྱི་འབྲས་བུས་འཚོ་བ་ལགས་པས་འཕགས་པ་དེ་དག་ལ་གླ་མ་སྩལ་བས་དེས་ན་མ་བཏུབ་གོར་མ་བཀུམ། བསོད་
D3.005.0146b05.01སྙོམས་པས་སྨྲས་པ། ཁྱིམ་བདག་ཁོ་བོས་གླ་ཉིས་གྱུར་བྱིན་ཡང་མ་གྲུབ་སྟེ། དེ་དག་ན་རེ་འཕགས་པ་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ལ་ནི་རྟག་པ་ཁོ་ནར་དུས་སྟོན་མཆིས་ཀྱི་བདག་ཅག་ནི་མཁར་ལེན་གྱི་འབྲས་བུས་འཚོ་བ་ལགས་པས་དེ་ཉིད་ཀྱིས་ན་
D3.005.0146b06.01བདག་ཅག་ལ་བརྒྱ་ལ་བརྒྱ་ལམ་ན་དུས་སྟོན་འབྱུང་བས་གལ་ཏེ་གླ་སུམ་གྱུར་དུ་སྩལ་དུ་ལགས་ཀྱང་བདག་ཅག་དེང་ནི་ལས་མི་བགྱིད་དོ་ཞེས་ཟེར་རོ། །ཁྱིམ་བདག་གིས་སྨྲས་པ། འཕགས་པ་བདག་ནི་བདག་གི་སླད་དུ་ཡང་བགྱིད་དུ་མི་སྩོལ་ལ། ཉེ་དུ་རྣམས་ཀྱི་སླད་དུ་ཡང་བགྱིད་
D3.005.0146b07.01