完整藏文原文 · 德格版页 当前仅加载第 5 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་ས་མཚམས་ཀྱི་བར་དུ་དོང་སྟེ་འཁོད་དོ། །ཐམས་ཅད་དུ་ཆོམ་རྐུན་པ་གང་དག་ཡུལ་མ་ག་དྷཱ་ན་གནས་པ་དག་དང་། ཆོམ་རྐུན་པ་གང་དག་ཡུལ་ཀོ་ས་ལ་ན་གནས་པ་དེ་དག་ས་མཚམས་ཀྱི་བར་དུ་དོང་སྟེ་འཁོད་ཅིང་དོན་མཐུན་འཇོམས་པར་བྱེད་དོ་ཞེས་བྱ་བའི་སྒྲ་དེ་ལྟ་བུས་ཀྱང་
D3.005.0150b01.01ཁྱབ་པར་གྱུར་ཏོ། །དེ་ཐོས་ནས་ཡུལ་མ་ག་དྷཱ་ནས་དོན་མཐུན་བསེལ་བ་དང་བཅས་པས་ཡུལ་ཀོ་ས་ལར་འགྲོ་བར་བརྩམས་ཤིང་ཡུལ་ཀོ་ས་ལ་ནས་ཀྱང་དོན་མཐུན་བསེལ་བ་དང་བཅས་པས་ཡུལ་མ་ག་དྷཱར་འགྲོ་བར་བརྩམས་སོ། །ཇི་ཙམ་དུས་གཞན་ཞིག་ན་ཡུལ་མ་ག་དྷཱ་ནས་དོན་
D3.005.0150b02.01མཐུན་བསལ་བ་དང་བཅས་པ་ཡུལ་ཀོ་ས་ལར་འཕགས་ནས་དེ་གང་གི་ཚེ་ས་མཚམས་ཀྱི་བར་ལས་འདས་ཏེ་ཡུལ་ཀོ་ས་ལར་ཞུགས་པ་དེའི་ཚེ་ན་དེད་དཔོན་གྱིས་སྨྲས་པ། ཤེས་ལྡན་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འདི་ནི་གཏུམ་པ། རྟུན་ངས་པ་དྲལ་ཤུལ་ཆེ་བ། དཔའ་བ།
D3.005.0150b03.01རྩལ་ཆེ་བ་ཞེས་གྲགས་པས། གལ་ཏེ་དོན་མཐུན་ཆོམ་རྐུན་པས་བཅོམ་པར་གྱུར་ན་ཡང་དེས་བདག་ཅག་ལ་རྐུན་རྫས་སྦྱིན་པར་ནུས་ཀྱིས་བསེལ་བ་ཕྱིར་ཐོང་ཤིག །དོན་མཐུན་དག་གིས་སྨྲས་པ། དེད་དཔོན་གལ་ཏེ་དེ་ལྟ་ན་དེ་ལྟ་བགྱིའོ་ཞེས་དེ་དག་གིས་བསེལ་བ་ཕྱིར་བཏང་ངོ་། །
D3.005.0150b04.01ཆོམ་རྐུན་པ་དེ་དག་གིས་བྱ་མ་རྟ་བཞག་སྟེ་འཁོད་པ་དང་། བྱ་མ་རྟ་དག་གིས་བསེལ་བ་ཕྱིར་བཏང་བ་དེ་མཐོང་ནས་དེ་དག་གིས་སྨྲས་པ། ཤེས་ལྡན་དག་བསེལ་བ་ཕྱིར་ལོག་གིས་དོན་མཐུན་གཞོམ་པར་བྱས་འདོང་ངོ་། །ཞེས་དེ་དག་གིས་དོན་མཐུན་སཱ་ལའི་དགོན་པར་
D3.005.0150b05.01ཞུགས་པ་བཅོམ་མོ། །དེ་ན་ཚོང་པ་ཁ་ཅིག་ནི་བསད། ཁ་ཅིག་ནི་བྱེར་རོ། །དེ་ན་གང་དག་བྱེར་བ་དེ་དག་མགོ་ས་རྡུལ་གྱིས་བཀང་སྟེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་དྲུང་དུ་དོང་ནས་སྨྲས་པ། ལྷ་བདག་ཅག་ཚོང་པ་རྣམས་ཁྱོད་ཀྱི་ཡུལ་དུ་ཚོང་པར་མི་རུང་བར་རྣམ་
D3.005.0150b06.01པར་བཀོད་དོ། །ཅི་ཞིག་བྱས། ལྷ་བདག་ཅག་ཆོམ་རྐུན་པ་དག་གིས་བཅོམ་མོ། །རྒྱལ་པོས་དམག་དཔོན་འཕགས་སྐྱེས་པོ་ལ་བསྒོ་བ། གཞོན་ནུ་སོང་ལ་ཆོམ་རྐུན་པ་དག་དང་རྐུན་རྫས་དག་མྱུར་དུ་ཁུག་ཅིག །དམག་དཔོན་འཕགས་སྐྱེས་པོས་ལྷ་བཀའ་
D3.005.0150b07.01