完整藏文原文 · 德格版页 当前仅加载第 5 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་དུག་ཟོས་པ་ནི་བླའི། དེ་ལྟར་མི་མཐུན་པ་བྱེད་པ་ནི་མ་ཡིན་པས་བདག་གིས་དུག་བཟའོ་སྙམ་དུ་བསམས་ནས་དེ་ལངས་ཏེ་སྣོད་དུ་བརྟག་པར་བརྩམས་པ་དང་། དེས་བར་བུར་སྣོད་ན་དུག་གི་དུམ་བུ་མཐོང་ནས་དེས་དེ་ཟོས་པ་དང་། དེ་དུག་གིས་ཡོངས་སུ་འཁྲུགས་པར་
D3.005.0114b01.01གྱུར་པའི་སེམས་ཀྱིས་འཆི་བར་བརྩམས་ཏེ་ཁ་ཆུ་འཛག །མིག་འགྱུར་བཞིན་སྒྱུར་ཞིང་འདི་སྐད་ཅེས་བྲན་པ་ཁོ་བོ་ཤིའོ། །ཁོ་བོ་ཤིའོ་ཞེས་ཀྱང་ཟེར་རོ། །བྲན་པས་ཐོས་ནས་བརྟད་ཅིང་མྱུར་བ་མྱུར་བར་སྨྲས་པ། ཚེ་དང་ལྡན་པ་སྐྱོང་བ་ཅིའི་ཕྱིར་དེ་སྐད་ཀུ་ཅོ་འདོན་པར་བྱེད།
D3.005.0114b02.01སྐྱོང་བས་སྨྲས་པ། ཁྱོད་ན་རེ་ཚེ་དང་ལྡན་པ་སྐྱོང་བ་ཁོ་བོ་ལྷུང་བཟེད་ཟད་ཟད། ཆོས་གོས་དེངས་དེངས། དགེ་བའི་ཕྱོགས་ཉམས་ཉམས་སུ་ཁྱོད་ཀྱི་ནད་གཡོག་བྱེད་ན་ཁྱོད་དེ་ལྟར་མི་མཐུན་པ་བྱེད་པས་ཁྱོད་ཀྱིས་དུག་ཟོས་པར་གྱུར་པ་ནི་བླའི། ཁྱོད་ཀྱིས་དེ་ལྟར་མི་མཐུན་པ་
D3.005.0114b03.01ཟོས་པ་ནི་མ་ཡིན་ནོ་ཞེས་ཟེར་བས་བདག་ལ་བདག་གི་ཚངས་པ་མཚུངས་པར་སྤྱོད་པ་ཟེར་བ་བཟང་སྟེ། འདི་ལྷུང་བཟེད་ཟད་ཟད། ཆོས་གོས་དེངས་དེངས། དགེ་བའི་ཕྱོགས་ཉམས་ཉམས་སུ་བདག་གི་ནད་གཡོག་བྱེད་ན་བདག་དེ་ལྟར་མི་མཐུན་པ་བྱེད་པས་བདག་གིས་
D3.005.0114b04.01དུག་ཟོས་པར་གྱུར་པ་ནི་བླའི། དེ་ལྟར་མི་མཐུན་པ་ཟོས་པ་ནི་མ་ཡིན་པས་བདག་གིས་དུག་བཟའོ་སྙམ་པའི་བློ་སྐྱེས་ནས། བདག་གི་སྣོད་དུ་བརྟག་པར་བརྩམས་པ་དང་བར་བུར་སྣོད་ན་དུག་གི་དུམ་བུ་མཐོང་ནས་བདག་གིས་དེ་ཟོས་སོ། །བྲན་པས་ཡི་ཆད་པའི་བཞིན་གྱིས་
D3.005.0114b05.01སྨྲས་པ། ཚེ་དང་ལྡན་པ་ཁྱོད་ཀྱིས་མ་ལེགས་པ་བྱས་སོ་ཞེས་སྨྲས་ཏེ། སྨན་པའི་དྲུང་དུ་སོང་བ་དང་། དུག་དེ་རྣོན་པོ་ཞིག་ཡིན་པས་གཟུང་བར་མ་ནུས་ཏེ་དེ་དུས་ལ་བབ་བོ། །བྲན་པས་སྨན་པ་ཁྲིད་དེ་འོངས་པ་ན་དེ་དུས་ལ་བབ་པ་མཐོང་ནས་བྲན་པ་བདག་གིས་འཆིར་
D3.005.0114b06.01བཅུག་པར་མ་གྱུར་ཏམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་
D3.005.0114b07.01