完整藏文原文 · 德格版页 当前仅加载第 5 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་དག་ལ་མཆོད་པ་དག་བྱ་བར་བརྩམས་ཤིང་བཅོམ་ལྡན་འདས་ཀྱི་བསྟན་པ་རྒྱས་པར་གྱུར་པ་ན། དགེ་སློང་དེས་དགེ་སློང་འདུན་པ་ལས་བྱུང་བ་སློང་བ་མང་ཞིང་འདི་དག་ཟད་པར་གྱིས་མཉན་ཡོད་ཁྱབ་པར་གྱུར་གྱིས་བདག་ལྗོངས་སུ་འགྲོ་ཞིང་སོང་ནས་ཡང་
D3.005.0077a01.01དག་པར་སྦྱོར་དུ་གཞུག་གོ་སྙམ་དུ་ཤེས་ནས་དེ་ལྗོངས་སུ་སོང་བ་དང་། དེས་ལྗོངས་དག་ཏུ་སངས་རྒྱས་དང་། ཆོས་དང་། དགེ་འདུན་གྱི་ཕྱིར་གོས་ཁ་དོག་སྣ་ཚོགས་ཀྱིས་གང་བའི་གཏུར་བུ་གསུམ་ཡང་དག་པར་སྦྱོར་དུ་བཅུག་གོ། །དེ་ལྗོངས་སུ་ཅི་དགར་འདུག་ནས་ལྷུང་བཟེད་དང་
D3.005.0077a02.01ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་བ་ན་མཐར་གྱིས་རྒྱུ་ཞིང་འགྲོ་བའི་ཚེ་ཤོ་གམ་གྱི་གནས་སུ་ཕྱིན་པ་དང་། ཤོ་གམ་པས་སྨྲས་པ། འཕགས་པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མ་མཆིས་སམ། དགེ་སློང་དེས་སྨྲས་པ། བཞིན་{བཟངས་,བཟང་}
D3.005.0077a03.01མེད་དོ། །ཤོ་གམ་པས་སྨྲས་པ། བལྟས་བཞག་ཏུ་གསོལ་ཞེས་དེས་བརྟག་པར་བརྩམས་པ་དང་། ཇི་ཙམ་ན་གོས་ཁ་དོག་སྣ་ཚོགས་ཀྱིས་གང་བ་གཏུར་བུ་གསུམ་མཐོང་ནས། དེས་སྨྲས་པ། འཕགས་པ་གོས་ཁ་དོག་སྣ་ཚོགས་ཀྱིས་གང་བའི་གཏུར་བུ་གསུམ་པོ་འདི་
D3.005.0077a04.01དག་ནི་ཉུང་བས་གལ་ཏེ་རྔ་མོའི་ཁལ་ལངས་པར་གྱུར་ན་དེ་ལྟར་ན་ཁྱེད་ཀྱིས་ཤོ་གམ་གཞལ་དགོས་པར་འགྱུར་རོ། །དགེ་སློང་དེས་སྨྲས་པ། བཞིན་{བཟངས་,བཟང་}འདི་དག་ནི་ཁོ་བོ་མི་དབང་ངོ་འཕགས་པ་འོ་ན་སུ་དབང་། བཞིན་{བཟངས་,བཟང་}གཅིག་ནི་སངས་རྒྱས་ཀྱིའོ། །གཅིག་ནི་ཆོས་
D3.005.0077a05.01ཀྱིའོ། །གཅིག་ནི་དགེ་འདུན་གྱིའོ། །འཕགས་པ་བདག་གིས་སངས་རྒྱས་ཀྱང་མ་འཚལ། ཆོས་ཀྱང་མ་འཚལ། དགེ་འདུན་ཀྱང་མ་འཚལ་གྱིས་ཤོ་གམ་སྩོལ་ལ་བཞུད་ཅིག །དགེ་སློང་དེ་ཤོ་གམ་པ་དེས་ཡུན་རིང་ཞིག་བསྒྱངས་ཏེ་བཏང་ནས་དེ་མཐར་གྱིས་མཉན་ཡོད་དུ་ཕྱིར་ཕྱིན་པ་དང་།
D3.005.0077a06.01དེ་འགྱོད་པ་སྐྱེས་ནས་དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི་ཡང་དགེ་སློང་གིས་དེ་བཞིན་དུ་འགྲོ་བར་མི་བྱ་བར་འདི་ལྟར་ཤོ་གམ་
D3.005.0077a07.01