完整藏文原文 · 德格版页 当前仅加载第 5 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་དུ་གཞུག་པར་བྱ། གདུལ་བར་བྱ། གཟུང་བར་བྱ། རབ་ཏུ་དགོད་པར་བྱའོ་ཞེས་གསུངས་པས་དེའི་ཕྱིར་འདི་དག་དགེ་བ་ལ་ངེས་པར་སྦྱར་བར་བྱ། རྣམ་པ་ཐམས་ཅད་དུ་བསྟན་པར་བྱའོ་སྙམ་དུ་རིག་ནས་དེས་མེ་ཏོག་དང་། བདུག་སྤོས་ལ་སོགས་པ་མཆོད་པ་
D3.005.0207a01.01རྣམ་པ་སྣ་ཚོགས་ཐོགས་ཏེ་པོག་ཕོར་ལག་ཏུ་བླངས་ནས་{གོ་རིམས་,གོ་རིམ་}ཇི་ལྟ་བ་བཞིན་དུ་བསྟན་པར་བརྩམས་ཏེ། སྲིང་མོ་དག་འདི་ནི་བཅོམ་ལྡན་འདས་ཀྱི་དྲི་གཙང་ཁང་སྟེ། གང་དུ་བཅོམ་ལྡན་འདས་ཉིན་ལན་གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་
D3.005.0207a02.01གཟིགས་ནས་གང་ནི་ཉམས་པར་འགྱུར། གང་ནི་འཕེལ་བར་འགྱུར། གང་ནི་གནོད་པར་གྱུར། གང་ནི་ཉམ་ང་བར་གྱུར། གང་ནི་མི་བདེ་བར་གྱུར། གང་ནི་གནོད་པ་དང་། ཉམ་ང་བ་དང་། མི་བདེ་བར་གྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་
D3.005.0207a03.01ནི་ངན་སོང་ལ་བབ། ངས་གང་ནི་ངན་སོང་གི་ལམ་ནས་བསླངས་ཏེ་མཐོ་རིས་དང་། ཐར་པ་དང་། འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི་དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི་འཕགས་པའི་ནོར་གྱི་དབང་ཕྱུག་ལ་གཞག་
D3.005.0207a04.01པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་ནི་འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་བསྐྱེད་པ་ནི་བསྐྱེད་པར་བྱ། དགེ་བའི་རྩ་བ་དག་བསྐྱེད་པ་གང་ནི་ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི་རྣམ་པར་གྲོལ་བར་བྱ་ཞེས་མཁྱེན་པ་དང་།
D3.005.0207a05.01གཟིགས་པ་འཇུག་ཅིང་འདི་ལྟར། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །དེ་བཞིན་གཤེགས་
D3.005.0207a06.01པའང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡི། །བཞོན་མ་གདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །ཞེས་བྱ་བ་འཇུག་
D3.005.0207a07.01