完整藏文原文 · 德格版页 当前仅加载第 5 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
མཽད་གལ་གྱི་བུ་ཆེན་པོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་སོ། །དེ་མཐར་གྱིས་བསོད་སྙོམས་ལ་རྒྱུ་བ་ན་དེའི་ཁྱིམ་དུ་ཞུགས་པ་དང་། དེས་བསམས་པ། འཕགས་པ་མཽད་གལ་གྱི་བུ་
D3.005.0197a01.01ཆེན་པོ་འདི་ནི་མཆོག་གསུམ་པ་སྟེ། འདིས་མི་ཤེས་པའམ། མ་མཐོང་བའམ། མ་རིག་པའམ། རྣམ་པར་མི་ཤེས་པ་ཅུང་ཟད་ཀྱང་མེད་དོ་ཞེས་གྲག་གིས་བདག་གིས་འདི་ལ་བདག་གི་ཆུང་མ་སྦྲུམ་པ་འདི་ལས་ཁྱེའུའམ། བུ་མོའམ་ཅི་ཞིག་སྐྱེ་བར་འགྱུར་བ་གསུངས་
D3.005.0197a02.01ཤིག་ཅེས་དྲི་བར་བྱའོ་སྙམ་དུ་རིག་ནས། ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་བདག་གི་མཆིས་འབྲང་འདི་སྦྲུམ་ན་ཅི་འདིའི་མངལ་ན་ཁྱེའུ་མཆིས་སམ། འོན་ཏེ་བུ་མོ་མཆིས། དེས་སྨྲས་པ། བཞིན་{བཟངས་,བཟང་}ཁྱེའུའོ། །
D3.005.0197a03.01འཇིག་རྟེན་ནི་འབྱོར་པ་འདོད་པས་དེས་རངས་པ་དང་། དགའ་བ་དང་། རབ་ཏུ་དགའ་བས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཟའ་བ་དང་། བཅའ་བ་གཙང་བ་བསོད་པས་ལྷུང་བཟེད་བཀང་སྟེ་བྱིན་ནས་སྨྲས་པ། འཕགས་པ་ཡང་གཤེགས་སུ་གསོལ། ཚེ་དང་ལྡན་པ་
D3.005.0197a04.01མཽད་གལ་གྱི་བུ་ཆེན་པོས་ཨ་རོག་གྱ་ཞེས་སྨྲས་ཏེ་སོང་ངོ་། །དེའི་ཁྱིམ་དང་ཧ་ཅང་མི་རིང་བ་ན་གཅེར་བུ་པ་ཞིག་འདུག་པ་དེས་ཚེ་དང་ལྡན་པ་མཽད་གལ་གྱི་བུ་ལྷུང་བཟེད་བཀང་སྟེ་སོང་བ་མཐོང་ནས་དེས་བསམས་པ། བདག་གི་སློང་མོ་སྟེར་བའི་ཁྱིམ་གཅིག་པུ་ཡོད་པ་གང་ཡིན་པ་དེར་ཤཱཀྱའི་བུའི་
D3.005.0197a05.01དགེ་སྦྱོང་དག་རྒྱུ་བར་འགྱུར་བ་ནི་མ་ལེགས་ཀྱིས་དེའི་ཕྱིར་ཇེ་ཁྱིམ་བདག་དེའི་གན་དུ་སོང་ལ་དེས་ཁྱིམ་བདག་དང་ལྷན་ཅིག་གཏམ་ཅི་ཞིག་བྱས་པར་གྱུར་པ་དྲིའོ་སྙམ་ནས་དེ་མྱུར་བ་མྱུར་བར་ཁྱིམ་བདག་གི་གན་དུ་སོང་སྟེ་སྨྲས་པ། ཁྱིམ་བདག་དགེ་སྦྱོང་མཽད་གལ་གྱི་བུ་ཆེན་པོ་འོངས་སམ།
D3.005.0197a06.01འོངས་སོ། །ཁྱེད་ཀྱིས་ཅུང་ཟད་དྲིས་སམ། དྲིས་སོ། །ཅི་དྲིས། བདག་གི་མཆིས་འབྲང་འདི་སྦྲུམ་ན་ཅི་འདིའི་མངལ་ན་ཁྱེའུ་མཆིས་སམ། འོན་ཏེ་བུ་མོ་མཆིས་ཞེས་དྲིས་པ་དང་། དེ་ན་རེ་ཁྱེའུའོ་ཞེས་ཟེར་རོ། །གཅེར་བུ་པ་དེ་རྟོག་གེའི་ཤེས་པ་ལ་མཁས་པས་བརྩི་བར་བརྩམས་པ་དང་
D3.005.0197a07.01