完整藏文原文 · 德格版页 当前仅加载第 5 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
གྱོ་དུམ་དག་ཀྱང་འཕེན་པར་བྱེད་ཅིང་། འདི་སྐད་ཅེས་སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། ཀྭའེ་སེམས་ཅན་ཁྱོད་ཅིའི་ཕྱིར་སེམས་ཅན་སུན་པར་བྱེད་ཅེས་ཀྱང་ཟེར་རོ། །དགེ་སློང་དག་
D3.005.0109a01.01དེ་ལྟར་ན་སྔོན་ཆོས་མ་ཡིན་པར་གྲགས་པ་གང་ཡིན་པ་དེ་ནི་དེང་སང་ཆོས་སུ་གྲགས་ལ། སྔོན་འདུལ་བ་མ་ཡིན་པར་གྲགས་པ་གང་ཡིན་པ་དེ་ནི་དེང་སང་འདུལ་བར་གྲགས། སྔོན་སྨད་པར་བྱ་བ་གང་ཡིན་པ་དེ་ནི་དེང་སང་བསྟོད་པར་བྱ་བ་ཡིན་ནོ། །དེ་ཉི་མ་གཅིག་ཙམ་སྤོང་
D3.005.0109a02.01བར་བྱེད། ཉི་མ་གཉིས་སམ། གསུམ་མམ། བདུན་ཙམ་སྤོང་བར་བྱེད་དོ། །གང་གི་ཕྱིར་སེམས་ཅན་དེ་དག་སྡིག་པ་ཅན་དམ་པ་མ་ཡིན་པའི་ཆོས་དེ་ལ་ཤིན་ཏུ་ལྟུང་བར་བྱེད་པས་བརྟུལ་ཞུགས་ལ་ཞུགས་པ་དེའི་ཕྱིར་དེ་དག་ཁྱིམ་བརྩིག་པ་ལ་ཞུགས་ཏེ། བདག་ཅག་གིས་
D3.005.0109a03.01འདིར་བྱ་བ་མ་ཡིན་པ་བྱའོ། །བདག་ཅག་གིས་འདིར་བྱ་བ་མ་ཡིན་པ་བྱའོ་ཞེས་ཟེར་བ་ལས་ཁྱིམ་ཁྱིམ་ཞེས་བྱ་བའི་མིང་བྱུང་ངོ་། །དགེ་སློང་དག་འདི་ནི་ཁྱིམ་གྱི་ལས་ཀྱི་མཐའ་དག་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱིས་ཆོས་མ་ཡིན་པས་
D3.005.0109a04.01ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དེ་དག་དགོངས་ཀར་ཡང་དགོངས་ཀ་ཟ་འདོད་པས་སཱ་ལུའི་དོན་དུ་འདོང་བར་བྱེད་ནང་པར་ཡང་ནང་པར་ཟ་འདོད་པས་སཱ་ལུའི་དོན་དུ་འདོང་བར་བྱེད་དོ། །དེ་ནས་སེམས་ཅན་ལེ་ལོའི་
D3.005.0109a05.01རང་བཞིན་ཅན་ཞིག་གིས་དགོངས་ཀ་དང་ནང་པར་གྱི་སཱ་ལུ་གཅིག་ཅར་བླངས་པར་གྱུར་ཏོ། །སེམས་ཅན་ཞིག་གིས་སེམས་ཅན་དེ་ལ་སྨྲས་པ། ཀྭའེ་སེམས་ཅན་ཚུར་ཤོག་སཱ་ལུའི་ཕྱིར་འདོང་ངོ་། །སེམས་ཅན་དེས་སྨྲས་པ། ཀྭའེ་སེམས་ཅན་ཁྱོད་རང་གི་སཱ་ལུའི་
D3.005.0109a06.01ཕྱིར་སོམས་ཤིག །བདག་གིས་དགོངས་ཀ་དང་། ནང་པར་གྱི་སཱ་ལུ་གཅིག་ཅར་བླངས་ཟིན་ཏོ། །དེ་ནས་སེམས་ཅན་དེ་འདི་སྙམ་དུ་ཀྱེ་མ་དེ་ནི་ལེགས་སོ། །ཀྱེ་མ་དེ་ནི་བཟང་ངོ་། །བདག་གིས་ཀྱང་ཉི་མ་གཉིས་ཀྱི་དང་། ཉི་མ་གསུམ་གྱི་དང་། ཉི་མ་བདུན་གྱི་བར་གྱི་སཱ་
D3.005.0109a07.01