完整藏文原文 · 德格版页 当前仅加载第 5 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
པ་གང་བྱེད་དེས་སྨྲས་པ། མཁན་པོ་ཀློག་པའོ། །བུ་ལེགས་ཀྱིས་ཁྱོད་ཀྱིས་སྡེ་སྣོད་གསུམ་པོ་དག་བཀླག་པར་བྱའོ། །དེས་བསམས་པ། གཞུང་མང་ལ་མཁན་པོ་རྗེས་སུ་བསྲུང་དགོས་པས། འདི་ན་བདག་ལ་ཀློག་ཏུ་འཛུད་པ་མེད་ཀྱིས་ཡུལ་གཞན་
D3.005.0130a01.01དུ་འགྲོའོ་སྙམ་ནས་དེ་ཡུལ་གཞན་དུ་སོང་ངོ་། །དེས་དེར་སྡེ་སྣོད་གསུམ་པོ་དག་བཀླགས་ཤིང་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་གྲོལ་བའི་སྤོབས་པ་ཅན་དུ་གྱུར་ཏོ། །དེས་བསམས་པ། བཅོམ་ལྡན་འདས་ཀྱིས་དགེ་སློང་དག་བུའི་ཕ་མ་སྙོད་
D3.005.0130a02.01པར་བྱེད་པ། གསོ་བར་བྱེད་པ། སྐྱེད་པར་བྱེད་པ་ནུ་མ་སྣུན་པར་བྱེད་པ། འཛམ་བུའི་གླིང་སྣ་ཚོགས་སྟོན་པར་བྱེད་པ་གཉིས་ནི་དཀའ་བ་བྱེད་པ་དག་ཡིན་ཏེ། བུས་ཕྲག་པ་གཅིག་གིས་ནི་ཕ། ཅིག་ཤོས་ཀྱིས་ནི་མ་ལོ་བརྒྱ་ཐམ་པར་ཡོངས་སུ་པང་བ་བྱས་སམ། ས་ཆེན་
D3.005.0130a03.01པོ་འདིར་ནོར་བུ་དང་། མུ་ཏིག་དང་། བཻ་ཌཱུརྱ་དང་། མན་ཤེལ་དཀར་པོ་དང་། བྱི་རུ་དང་། དངུལ་དང་། ས་ལེ་སྦྲམ་དང་། རྡོའི་སྙིང་པོ་དང་། སྤུག་དང་། དམར་པོ་དང་། གཡས་སུ་འཁྱིལ་པ་དང་། དེ་ལྟ་བུའི་དབང་ཕྱུག་གི་བདག་པོ་ལ་བཀོད་པར་གྱུར་པ་གང་ཡིན་པ་དེ་
D3.005.0130a04.01ཙམ་གྱིས་ནི་བུས་ཕ་མ་གཉིས་ལ་བྱས་པ་དང་། ཉེ་བར་བྱས་པར་མི་འགྱུར་གྱི། དེས་ཕ་མ་མ་དད་པ་གཉིས་དད་པ་ཕུན་སུམ་ཚོགས་པ་ཡང་དག་པར་འཛིན་དུ་འཇུད། འདུལ་བར་བྱེད། འཛུད་པར་བྱེད། རབ་ཏུ་འགོད་པར་བྱེད་པ་དང་། ཚུལ་ཁྲིམས་འཆལ་པ་གཉིས་
D3.005.0130a05.01ཚུལ་ཁྲིམས་ཕུན་སུམ་ཚོགས་པ་དང་། སེར་སྣ་ཅན་གཉིས་གཏོང་བ་ཕུན་སུམ་ཚོགས་པ་དང་། ཤེས་རབ་འཆལ་པ་གཉིས་ཤེས་རབ་ཕུན་སུམ་ཚོགས་པ་ཡང་དག་པར་འཛིན་དུ་འཇུད། འདུལ་བར་བྱེད། འཛུད་པར་བྱེད། རབ་ཏུ་འགོད་པར་(བྱད་,བྱེད་)ན། དེ་ཙམ་གྱིས་ནི་བུས་
D3.005.0130a06.01ཕ་མ་གཉིས་ལ་བྱས་པ་དང་ཉེ་བར་བྱས་པར་འགྱུར་རོ། །ཞེས་གསུངས་པས་བདག་གི་ཕ་དེ་ཡང་མ་དད་པ་ཡིན་གྱིས་བདག་སོང་ལ་དེ་ལ་ཆོས་བསྟན་པར་བྱའོ་སྙམ་ནས་དེ་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་བ་ན་མཐར་གྱིས་མཉན་ཡོད་
D3.005.0130a07.01