完整藏文原文 · 德格版页 当前仅加载第 5 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
འོན་ཀྱང་བདག་ཅག་བསོད་སྙོམས་ལ་ཞུགས་པ་དག་གི་གཏུར་བུ་དག་དང་། ཆོས་གོས་ཀྱི་སྣོད་དག་དང་། བར་བུར་སྣོད་དག་ཏུ་ཚོང་པ་དག་གིས་ཤོ་གམ་གཞལ་དགོས་པའི་རྫས་བཅུག་པ་དེ་བདག་ཅག་གིས་མ་ཤེས་ནས་ཤོ་གམ་གྱི་གནས་ནས་བཟླས་པས་དེའི་
D3.005.0075a01.01ཕྱིར་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་སོ། །དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི། ཡང་དགེ་སློང་
D3.005.0075a02.01གིས་སྣོད་དག་ཡལ་བར་བོར་ཏེ་འགྲོ་བར་མི་བྱ་བར་སྲུང་མ་དགེ་སློང་གཞག་པར་བྱའོ། །དེ་དག་གིས་དགེ་སློང་བཞག་སྟེ་བསོད་སྙོམས་ལ་ཞུགས་པ་ན་དགེ་སློང་དེ་གང་གི་ཚེ་བཤང་བའམ། གཅི་བའམ། ཆུ་འཚག་ཏུ་འགྲོ་བ་དེའི་ཚེ་ཚོང་པ་དེ་དག་གིས་དེ་ཁོ་ན་བཞིན་དུ་ཤོ་གམ་གཞལ་
D3.005.0075a03.01དགོས་པའི་རྫས་དག་གཏུར་བུ་དག་དང་། ལྷུང་བཟེད་ཀྱི་སྣོད་དག་དང་། བར་བུར་སྣོད་དག་ཏུ་འཛུད་པར་བྱེད་ཅིང་དེ་ཁོ་ན་བཞིན་དུ་ཤོ་གམ་གྱི་གནས་ནས་འདས་པ་དེའི་ཚེ་ཚོང་པ་དག་དགེ་སློང་དེ་དག་གི་སྣོད་དག་ལ་ནོམ་པར་བྱེད་ནས་དགེ་སློང་དག་འགྱོད་པར་གྱུར་པ་ན་དགེ་སློང་རྣམས་ལ་
D3.005.0075a04.01བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི་འོན་ཀྱང་སྲུང་མ་དགེ་སློང་གཉིས་གཞག་པར་བྱའོ། །དགེ་སློང་རབ་ཏུ་མང་པོ་དག་ཚོང་པ་དོན་མཐུན་དང་ལྷན་
D3.005.0075a05.01ཅིག་འདོང་བ་ན་སྲུང་མ་དགེ་སློང་གཉིས་བཞག་སྟེ་བསོད་སྙོམས་ལ་ཞུགས་པ་དང་། དེ་གཉིས་ལས་གཅིག་ཇི་སྲིད་དུ་བཤང་བ་དང་། གཅི་བའམ། ཆུ་འཚག་ཏུ་སོང་བ་དེ་སྲིད་དུ་ཚོང་པ་དེ་དག་གིས་ཅིག་ཤོས་དེའི་ལག་པ་ལ་འཇུ་བར་བྱེད། རྐང་པ་ལ་འཇུ་བར་བྱེད་ཅིང་། གཞན་
D3.005.0075a06.01གྱིས་སྣོད་དག་ཏུ་འཛུད་པར་བྱེད་དོ། །དགེ་སློང་དེས་ཚངས་པ་མཚུངས་པར་སྤྱོད་པ་ལྷགས་པ་རྣམས་ལ་བཟླ་བར་བྱའོ་སྙམ་དུ་ཤེས་ནས་དགེ་སློང་དེ་དག་ཀྱང་སྤྱོད་ཡུལ་ནས་ལྷགས་པ་དང་། ཚོང་པ་རྣམས་ཀྱིས་ཇི་ནས་ཀྱང་དགེ་སློང་དེ་གཉིས་ཀྱིས་དགེ་སློང་དེ་དག་ལ་བརྗོད་མི་ནུས་པར་
D3.005.0075a07.01