完整藏文原文 · 德格版页 当前仅加载第 5 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། མཽད་གལ་གྱི་བུ་ཁྱེད་ཀྱིས་བསམ་པ་ཇི་ལྟ་བུས་རྫུ་འཕྲུལ་རྣམ་པར་བསྟན་བཙུན་པ་བདག་འདི་སྙམ་བགྱིད་དེ། གལ་ཏེ་ཁྱེའུ་དག་ལ་མ་བསམས་ན་རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང་། ཕ་མ་དག་ཀྱང་
D3.005.0098b01.01བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་དག་གིས་ཀྱང་གླགས་རྙེད་པར་འགྱུར་ཞིང་། དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་འཕྲོགས་པར་བྱེད་ན། ཕྱིན་ཆད་སུ་ཞིག་རྒྱལ་བྱེད་ཀྱི་ཚལ་
D3.005.0098b02.01དུ་འགྲོ་བར་འགྱུར་ཞེས་གཞན་དུ་འགྱུར་གྱིས། བདག་གིས་རྫུ་འཕྲུལ་རྣམ་པར་བསྟན་པར་བགྱིའོ་སྙམ་དུ་བསམས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མཽད་གལ་གྱི་བུས་བསམ་པ་དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ། །
D3.005.0098b03.01སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེ་ནས་ཚེ་དང་ལྡན་པ་པི་ལིན་དའི་བུ་སྔ་དྲོ་ཤམས་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས་མཐར་གྱིས་
D3.005.0098b04.01བསོད་སྙོམས་ལ་རྒྱུ་ཞིང་དམག་པའི་ཁྱིམ་ག་ལ་བ་དེར་སོང་ངོ་། །དེའི་ཚེ་ན་ཚེ་དང་ལྡན་པ་པི་ལིན་དའི་བུའི་ཚ་བོ་དག་ཕྱི་རོལ་གྱི་བསྟན་བཅོས་དག་ཀློག་གོ། །ཚེ་དང་ལྡན་པ་པི་ལིན་དའི་བུས་ཚ་བོ་དག་ཕྱི་རོལ་གྱི་བསྟན་བཅོས་དག་ཀློག་པར་མཐོང་ངོ་། །མཐོང་ནས་ཀྱང་
D3.005.0098b05.01དམག་པ་ལ་འདི་སྐད་ཅེས་སྨྲས་སོ། །ཚ་བོ་ཁྱེའུ་དག་ཅི་ཀློག །འཕགས་པ་སླད་རོལ་གྱི་བསྟན་བཅོས་དག་གོ། །ཚ་བོ་ཕྱི་རོལ་གྱི་བསྟན་བཅོས་དག་ནི་ལྕགས་ཀྱི་སེའུ་དང་འདྲ་སྟེ་རྟོགས་པར་དཀའ་ཞིང་རྟོགས་ན་ཡང་དེ་དག་གིས་ངེས་པ་ལ་འཇུག་པར་ཡང་མི་
D3.005.0098b06.01འགྱུར། ཟག་པ་ཟད་པར་ཡང་མི་འགྱུར་རོ། །སངས་རྒྱས་ཀྱི་བཀའ་ནི་ཐོག་མ་དང་། བར་མ་དང་། ཐ་མར་དགེ་བ། མངོན་པར་ཤེས་པ་དང་། རྫོགས་པར་བྱང་ཆུབ་པ་དང་། མྱ་ངན་ལས་འདའ་བར་འགྱུར་བ་ཡིན་ན་ཅིའི་ཕྱིར་དེ་མི་ཀློག །འཕགས་པ་སུས་
D3.005.0098b07.01