完整藏文原文 · 德格版页 当前仅加载第 5 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུ་ཞིང་གཤེགས་པ་ན་སྔོན་རྫ་མཁན་དགེ་སློང་ནོར་ཅན་གྱི་གཙུག་ལག་ཁང་ག་ལ་བ་དེར་གཤེགས་པ་དང་། བཅོམ་ལྡན་འདས་ཀྱིས་སྔོན་རྫ་མཁན་དགེ་སློང་ནོར་ཅན་གྱི་གནས་ཁང་ཚོས་པ་ཤིན་ཏུ་ཚོས་པ། གྲུབ་པ་མཆོག་ཏུ་གྲུབ་པ། དམར་བ། མདོག་དམར་བ། འོད་
D3.005.0053a01.01དམར་བ་འདི་ལྟ་སྟེ། དཔེར་ན་མེ་ཏོག་བན་དྷུ་ཛི་བ་ཀ་འདྲ་བ་གཟིགས་སོ། །གཟིགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་གནས་ཁང་འདི་སུའི་ཡིན། བཙུན་པ་སྔོན་རྫ་མཁན་དགེ་སློང་ནོར་ཅན་གྱི་ལགས་སོ། །དགེ་སློང་དག་ང་ལ་གཞི་འདིས་མུ་སྟེགས་ཅན་དག་དགེ་
D3.005.0053a02.01སྦྱོང་གཽ་ཏ་མ་འདུག་བཞིན་དུ་ཉན་ཐོས་རྣམས་ལ་ཟག་པའི་གནས་ལྟ་བུའི་ཆོས་ཁ་ཅིག་བྱུང་བར་གྱུར་ཏོ། །ཞེས་ཁ་ཟེར་བར་འགྱུར་གྱིས་གནས་ཁང་ཤིག་ཅིག་རྣམ་པར་དཀྲུགས་ཤིག །དགེ་སློང་དེ་དག་གིས་འདི་ལྟ་སྟེ། སྟོན་པའི་བཀའ་ལུང་གིས་གནས་ཁང་བཤིག་ཅིང་རྣམ་པར་དཀྲུགས་
D3.005.0053a03.01སོ། །བཅོམ་ལྡན་འདས་ཀྱང་གནས་ཁང་བཤིག་ཅིང་རྣམ་པར་དཀྲུགས་ནས་གཤེགས་སོ། །སྔོན་རྫ་མཁན་དགེ་སློང་ནོར་ཅན་འོངས་པ་དང་། སྔོན་རྫ་མཁན་དགེ་སློང་ནོར་ཅན་གྱིས་གནས་ཁང་བཤིག་ཅིང་རྣམ་པར་དཀྲུགས་པ་མཐོང་ངོ་། །མཐོང་ནས་དགེ་སློང་ཉེན་ཀོར་བ་རྣམས་ལ་
D3.005.0053a04.01སྨྲས་པ། ཚེ་དང་ལྡན་པ་དག་ཁོ་བོའི་གནས་ཁང་སུས་བཤིག་ཅིང་རྣམ་པར་དཀྲུགས། ཚེ་དང་ལྡན་པ་འདི་ལྟ་སྟེ། སྟོན་པའི་བཀའ་ལུང་གིས་དགེ་སློང་དག་གིས་སོ། །གལ་ཏེ་བཅོམ་ལྡན་འདས་ཆོས་ཀྱི་རྗེ་བདེ་བར་གཤེགས་པ་ཆོས་ཀྱི་རྗེས་བཤིག་ན་བཤིག་པ་ལེགས་སོ། །དེའི་ཚེ་ན་
D3.005.0053a05.01གྲོང་ཁྱེར་རྒྱལ་པོའི་ཁབ་ན། ཤིང་སྲུང་བའི་མི་སྣ་ཆེན་པོ་ལ་གཏོགས་པ་སྔོན་རྫ་མཁན་དགེ་སློང་ནོར་ཅན་གྱི་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཤིག་འདུག་གོ། །དེ་ནས་སྔོན་རྫ་མཁན་དགེ་སློང་ནོར་ཅན་འདི་སྙམ་དུ་སེམས་ཏེ། གྲོང་ཁྱེར་རྒྱལ་པོའི་
D3.005.0053a06.01ཁབ་ན་ཤིང་སྲུང་བའི་མི་སྣ་ཆེན་པོ་ལ་གཏོགས་པ་བདག་གི་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཤིག་ཡོད་ཀྱིས་བདག་གིས་གནས་ཁང་ཐམས་ཅད་ཤིང་ལས་བྱས་པ་ཞིག་བྱའོ་སྙམ་དུ་ཤེས་ཤིང་རིག་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་ག་ལ་
D3.005.0053a07.01