完整藏文原文 · 德格版页 当前仅加载第 5 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
བས་སྦས་ཀྱི་སྔས་ནས་བདག་ཉིད་ཀྱི་གཏུར་བུ་ཁྱེར་ཏེ་སོང་ངོ་། །ཇི་ཙམ་ན་མཚན་མོ་ནམ་ནངས་པར་གྱུར་པ་དང་། དེས་རེ་ཞིག་ཆོས་གོས་ཅི་འདྲ་བ་དག་གིས་བདག་ཕམ་པར་གྱུར་པའི་ལྟུང་བ་བྱུང་བ་བལྟའོ་སྙམ་དུ་བསམས་ནས། ཇི་ཙམ་ན་བདག་ཉིད་ཀྱི་རྙང་རྙིང་དག་
D3.005.0092b01.01མཐོང་ནས་ཡིད་མི་བདེ་བར་གྱུར་ཏེ། བདག་ཉིད་ཀྱི་ཆོས་གོས་དག་ཁོ་ནས་བདག་ཕམ་པར་གྱུར་གྱིས་ལྕགས་ཀྱི་ཐུ་ལུམ་འཆའ་བས་ཅི་བྱ། ཕྱིར་འབབས་པར་བྱའོ་སྙམ་མོ། །དེས་ཡང་ཇེ་བཅོམ་ལྡན་འདས་ཀྱི་སྤྱན་སྔར་འགྲོ་བར་བྱས་ཏེ། གལ་ཏེ་སྐལ་བ་ཡོད་པར་
D3.005.0092b02.01གྱུར་ན་ནི་བཅོམ་ལྡན་འདས་ཀྱི་དྲུང་དུ་ཚངས་པར་སྤྱོད་པ་སྤྱད་པར་བྱའོ། །འོན་ཏེ་སྐལ་བ་མེད་ན་ནི་ཕྱིར་འབབས་སོ་སྙམ་དུ་བསམས་ནས། དེ་བཅོམ་ལྡན་འདས་ག་ལ་བ་དེར་སོང་ངོ་། །དེའི་ཚེ་ན་བཅོམ་ལྡན་འདས་དགེ་སློང་བརྒྱ་ཕྲག་དུ་མའི་འཁོར་གྱི་མདུན་ན་ཆོས་སྟོན་
D3.005.0092b03.01པའི་ཕྱིར་བཞུགས་ཤིང་ཆོས་སྟོན་ཏོ། །བཅོམ་ལྡན་འདས་ཀྱིས་ཚེ་དང་ལྡན་པ་མི་ཕམ་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་ཐག་རིང་པོ་ཁོ་ན་ནས་འོང་བའི་དགེ་སློང་དེ་མཐོང་ངམ། བཙུན་
D3.005.0092b04.01པ་མཐོང་ངོ་། །དགེ་སློང་དག་མི་ཕམ་མི་གཏི་མུག་ཅན་འདི་ནི་རང་གི་ཆོས་གོས་རྙང་རྙིང་དག་གིས་ཉེས་པ་སྦོམ་པོའི་ལྟུང་བ་བྱུང་ངོ་། །དགེ་སློང་དག་དེ་ལྟར་རྐུ་སེམས་ལ་ནི་ཉེས་དམིགས་འདི་དང་གཞན་དག་ཀྱང་ཡོད་པས་དེའི་ཕྱིར་དགེ་སློང་གིས་རྐུ་སེམས་ཀྱིས་རང་གི་ལྷུང་
D3.005.0092b05.01བཟེད་དང་། ཆོས་གོས་ཀྱང་བླང་བར་མི་བྱའོ། །དགེ་སློང་གིས་རྐུ་སེམས་ཀྱིས་རང་གི་ལྷུང་བཟེད་དང་ཆོས་གོས་ལེན་ན་ཉེས་པ་སྦོམ་པོར་འགྱུར་རོ།། །།སྡོམ་ལ། སྣམ་སྦྱར་འཕྱང་བར་གྱུར་པ་དང་། །བགམ་ཕྱིར་འབྲུ་མར་སློང་བ་དང་། །ཁྱིམ་བདག་བུ་དང་
D3.005.0092b06.01ཚ་བོ་དང་། །ལྷ་འབངས་པི་ལིན་ད་ཡི་བུ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་ཤར་ནས་སྐྱེས་པ་དང་། ལྷོ་ནས་སྐྱེས་པ་གཉིས་ཤིག་འདུག་སྟེ། ཤར་ནས་
D3.005.0092b07.01