完整藏文原文 · 德格版页 当前仅加载第 5 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
སེར་སྐྱས་སྨྲས་པ། ཡབ་བདག་གིས་རི་ཙ་ཞེས་བགྱི་བ་འདིའི་དོན་དེ་འཚལ་ཏོ། །བྲམ་ཟེ་སེར་སྐྱ་ཞི་བས་བསམས་པ། འདི་ལྟར་ཕས་བུ་ལ་བདག་དང་མཉམ་པའམ་ཁྱད་པར་དུ་འཕགས་པ་དེ་ནི་འདོད་པར་བྱ་བ་ཡིན་པས་དེའི་ཕྱིར་འདི་བདག་པས་ཆེས་ཁྱད་པར་དུ་འཕགས་པ་ཡིན་གྱིས་
D3.005.0170b01.01བདག་གིས་འདི་ལ་བྲམ་ཟེའི་ཁྱེའུ་ལྔ་བརྒྱ་པོ་འདི་དག་གཏད་པར་བྱའོ་སྙམ་དུ་རིག་ནས་བྲམ་ཟེའི་ཁྱེའུ་སེར་སྐྱ་ལ་སྨྲས་པ། བུ་འདི་ལྟར་ཕས་བུ་ལ་བདག་དང་མཉམ་པའམ་ཁྱད་པར་དུ་འཕགས་པ་དེ་ནི་འདོད་པར་བྱ་བ་ཡིན་པས་དེའི་ཕྱིར་ཁྱོད་ཁོ་བོ་བས་ཆེས་ཁྱད་པར་དུ་འཕགས་པ་ཡིན་གྱིས།
D3.005.0170b02.01ཁྱོད་ཀྱིས་བྲམ་ཟེའི་ཁྱེའུ་ལྔ་བརྒྱ་པོ་འདི་དག་བྲམ་ཟེའི་གསང་ཚིག་དག་འདོན་དུ་ཆུག་ཤིག །སེར་སྐྱས་སྨྲས་པ། བཀའ་བཞིན་འཚལ་འདོན་དུ་སྩལ་ཏོ་ཞེས་དེས་བྲམ་ཟེའི་ཁྱེའུ་ལྔ་བརྒྱ་པོ་དེ་དག །བྲམ་ཟེའི་གསང་ཚིག་དག་འདོན་དུ་གཞུག་པར་བརྩམས་སོ། །བྲམ་ཟེ་སེར་སྐྱ་ཞི་བ་ཡང་
D3.005.0170b03.01བྱ་བ་མེད་ཅིང་ཅི་དགར་འགྲོ་བ་དང་། སྤྱོད་པས་དགའ་མགུར་སྤྱོད་པར་བརྩམས་སོ། །དེ་དུས་གཞན་ཞིག་ན་དྲང་སྲོང་སྨྲ་བར་སོང་སྟེ་དེར་དགེ་སློང་ཞིག་གི་གན་དུ་སོང་ནས་སྨྲས་པ། སློབ་དཔོན་ཚིག་འདིའི་དོན་ཅི་ལགས། དགེ་སློང་དེས་སྨྲས་པ། ཚེ་དང་ལྡན་པ་དྲི་བ་དེ་ནི་དེ་སྐད་
D3.005.0170b04.01དྲི་བར་མི་བྱ་སྟེ། དྲི་བ་དེ་དེ་སྐད་དྲིས་ན་ཡོངས་སུ་རྫོགས་པར་མི་འགྱུར་རོ། །འདི་ལྟར་དྲི་བ་དེ་ནི་འདི་སྐད་དྲི་བར་བྱ་སྟེ། དྲི་བ་དེ་འདི་སྐད་དྲིས་ན་ཚིག་འདིའི་དོན་ཡིན་ནོ་ཞེས་ཡོངས་སུ་རྫོགས་པར་འགྱུར་རོ། །བྲམ་ཟེ་སེར་སྐྱ་ཞི་བས་བསམས་པ། བདག་གིས་འདི་དག་ལ་དྲི་བ་ཡང་
D3.005.0170b05.01འདྲི་བར་མི་ནུས་ན་བདག་གིས་འདི་དག་དང་ལྷན་ཅིག་ཅི་ལྟར་སྨྲ་བ་བྱ་བར་འགྱུར་སྙམ་ནས། དེ་དགེ་སློང་རྣམས་ལ་ཤིན་ཏུ་མངོན་པར་དད་པར་གྱུར་ནས་དུས་དང་དུས་སུ་དགེ་སློང་དག་མགྲོན་དུ་བོས་ཏེ་ཁྱིམ་གཞན་དུ་ཟས་སྦྱིན་པར་བྱེད་དོ། །དེ་དུས་གཞན་ཞིག་ན་ན་བར་གྱུར་ནས་དེས་ཤེད་བུ་
D3.005.0170b06.01སེར་སྐྱ་ལ་སྨྲས་པ། བུ་ཇི་ཙམ་ན་ཉི་མ་འཆར་བ་དང་། ཇི་ཙམ་ན་ནུབ་པ་དེའི་བར་དུ་ཁྱོད་དང་འདྲ་བའི་སྨྲ་བ་གཞན་མེད་ཀྱིས། དེའི་ཕྱིར་ཁྱོད་ཀྱིས་ཁོ་བོ་འདས་ནས་སྨྲ་བ་ཐམས་ཅད་དང་། ལྷན་ཅིག་འཇིགས་པ་མེད་པ་དང་། བག་ཚ་བ་མེད་པར་སྨྲ་བར་བྱའོ། །འོད་སྲུང་གི་དགེ་
D3.005.0170b07.01