完整藏文原文 · 德格版页 当前仅加载第 5 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་འོངས་སོ། །བདག་ཅག་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་སྤོང་བྱེད་ཀྱི་གྲོང་དུ་བདེ་བ་ལ་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་
D3.005.0181a01.01ཀུན་དགའ་བོ་བདག་ཅག་སྤོང་བྱེད་ཀྱི་གྲོང་དུ་ཏེ་པོར་བདེ་བ་ལ་རེག་པར་དབྱར་གནས་པར་ཁས་བླངས་མོད་ཀྱི་བདག་ཅག་བསོད་སྙོམས་ཀྱིས་ངལ་བར་གྱུར་ཏོ། །ཚེ་དང་ལྡན་པ་དག་དེ་ཁོ་ན་ལྟར་སྣང་སྟེ་འདི་ལྟར་བསོད་སྙོམས་ཀྱིས་བྲེལ་བས་རིད་པ་དང་། ཉམ་ཆུང་བ་དང་། རྐེ་བ་དང་།
D3.005.0181a02.01སྐོམ་པ་དང་། ལུས་མ་ཐོབ་པ་དང་། པགས་པ་དང་། ཤ་དང་། ཁྲག་བྲི་བར་གྱུར་ཏོ། །དགེ་སློང་གང་དག་ཉ་པའི་གྲོང་གི་ཉེན་ཀོར་དུ་དབྱར་གནས་པར་ཁས་བླངས་པ་དེ་དག་ཀྱང་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་
D3.005.0181a03.01ཚོ་བ་དང་། པགས་པ་དང་། ཤ་དང་། ཁྲག་རྒྱས་པས་ལྷུང་བཟེད་དང་། ཆོས་གོས་ཐོགས་ཏེ་འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན། མཐར་གྱིས་རྒྱུ་ཞིང་འདོང་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང་། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་
D3.005.0181a04.01དག་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱི་ཚིག་གིས་བསུ་ནས་ལྷུང་བཟེད་དང་། ཆོས་གོས་དང་། ཁར་བ་དང་། གཏུར་བུ་དང་། རིལ་པ་སྤྱི་བླུགས་དང་། འབྲུ་མར་སྣོད་
D3.005.0181a05.01དང་། ཞྭ་དང་། ལྷམ་ཡུ་ཆད་དང་། མཆིལ་ལྷམ་ལེན་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག །འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་དབྱར་གང་དུ་གནས་པར་ཁས་བླངས་
D3.005.0181a06.01ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་ནས་འདིར་འོངས་སོ། །བདག་ཅག་ཉ་པའི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་ཉ་པའི་གྲོང་དུ་བདེ་བ་ལ་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་
D3.005.0181a07.01