完整藏文原文 · 德格版页 当前仅加载第 5 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཡོངས་སུ་གཙེས་པར་མ་གྱུར་ཏམ། དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་གིས་རེ་ཞིག་གཞན་དག་ཀྱང་དགའ་བར་བྱས་ན་བདག་ཅག་ལྟ་ཅི་སྨོས་ཏེ་སུས་ཀྱང་ཡོངས་སུ་གཙེས་པར་མ་གྱུར་ཏོ། །དགེ་སློང་དེ་དག་གིས་སྨྲས་པ། ཇི་ལྟར་གྱུར་དེ་དག་
D3.005.0074a01.01གིས་སྐབས་དེ་དགེ་སློང་དེ་དག་ལ་རྒྱས་པར་བརྗོད་དོ། །དགེ་སློང་དེ་དག་གིས་སྨྲས་པ། ཁྱེད་ཅག་གིས་སར་ཕྱིན་པའི་ཤོ་གམ་བཟླར་རུང་ངམ། དེ་དག་གིས་སྨྲས་པ། རུང་ཡང་སྲིད་མི་རུང་ཡང་སྲིད་དེ། འདི་ལྟར་བདག་ཅག་གིས་ནི་བཟླས་སོ། །དགེ་སློང་དེ་དག་བདག་ཅག་ལ་ཕམ་པར་
D3.005.0074a02.01འགྱུར་བའི་ལྟུང་བ་མ་བྱུང་ངམ། སྙམ་དུ་འགྱོད་པ་སྐྱེས་ནས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི་ཡང་དགེ་སློང་
D3.005.0074a03.01གིས་སར་ཕྱིན་པའི་ཤོ་གམ་བཟླ་བར་མི་བྱའོ། །དགེ་སློང་གིས་སར་ཕྱིན་པའི་ཤོ་གམ་བཟླ་བར་བྱེད་ན་འགལ་ཚབས་ཅན་དུ་འགྱུར་རོ་ཞེས་དེ་ལྟར་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་དོ། །ཇི་ཙམ་དུས་གཞན་ཞིག་ན་དགེ་སློང་རབ་ཏུ་མང་པོ་དག་ཚོང་པ་དོན་མཐུན་དང་ལྷན་ཅིག་
D3.005.0074a04.01ལྗོངས་རྒྱུར་འདོང་བ་ན་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང་ཚོང་པ་དེ་དག་གིས་དགེ་སློང་རྣམས་ཀྱི་རྐང་པ་གཉིས་ལ་གཏུགས་ཏེ་སྨྲས་པ། འཕགས་པ་དག་བདག་ཅག་གྲང་བ་ན་གྲང་བས་སྦྲེབས་བཞིན་པ་དང་། ཚ་བ་ན་ཚ་བས་གདུངས་བཞིན་པ་དང་། བཀྲེས་པ་དང་སྐོམ་པ་དག་གིས་
D3.005.0074a05.01གནོད་བཞིན་པ་དང་། ཤ་སྦྲང་དང་། སྦྲང་བུ་དང་། རླུང་དང་། ཉི་མ་དང་། སྡིག་སྦྲུལ་གྱི་རེག་པ་དག་གིས་ཉེན་བཞིན་དུ་ལོངས་སྤྱོད་དག་མངོན་པར་བསྒྲུབ་པའི་སླད་དུ་སྤྲོ་བར་བགྱིད། འབད་པར་བགྱིད། རྩོལ་བར་བགྱིད་པ་གང་ལགས་པ་དེ་དག་ཐམས་ཅད་སངས་རྒྱས་དང་།
D3.005.0074a06.01ཆོས་དང་། དགེ་འདུན་ལ་མཆོད་པ་དག་བགྱིའོ་སྙམ་པ་ལགས་པས། དེའི་སླད་དུ་བདག་ཅག་ལ་ཤོ་གམ་གཞལ་འཚལ་བའི་རྫས་མཆིས་པ་ཤོ་གམ་གྱི་གནས་ནས་བཟླས་ཏེ་སྩལ་བར་རིགས་སོ། །དགེ་སློང་དེ་དག་གིས་སྨྲས་པ། བཞིན་{བཟངས་,བཟང་}དག་བཅོམ་ལྡན་འདས་ཀྱིས་ཡང་
D3.005.0074a07.01