完整藏文原文 · 德格版页 当前仅加载第 5 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་བསྙེན་བཀུར་བྱས་ཟིན་གྱིས། ད་ནི་རྒྱལ་པོའི་ཁབ་ཏུ་བཅོམ་ལྡན་འདས་ལ་བསྙེན་བཀུར་བྱེད་དུ་འདོང་ངོ་། །དེ་ནས་ཚེ་དང་ལྡན་པ་གྱད་བུ་ནོར་གྱིས་དེ་དག་གི་གཏམ་འདྲི་བ་ཐོས་ནས་དེ་ལ་ཀྱེ་མ་བདག་གིས་ཀྱང་བཅོམ་ལྡན་འདས་བལྟའོ་སྙམ་པའི་
D3.005.0266b01.01འདོད་པ་སྐྱེས་ཤིང་རིག་ནས། ཚེ་དང་ལྡན་པ་རྟ་ཐུལ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག །བདག་
D3.005.0266b02.01གིས་བཅོམ་ལྡན་འདས་ཆོས་ཀྱི་སྐུའི་སྒོ་ནས་ནི་མཐོང་ན་གཟུགས་ཀྱི་སྐུའི་སྒོ་ནས་མ་མཐོང་བས་དེའི་སླད་དུ། བཅོམ་ལྡན་འདས་ཀྱི་གཟུགས་ཀྱི་སྐུ་བལྟ་བར་འཚལ་ན་མཆི་བར་ཅི་གནང་། ཚེ་དང་ལྡན་པ་རྟ་ཐུལ་གྱིས་སྨྲས་པ། བུ་མ་ཉེས་ཀྱིས་བལྟ་བར་གྱིས་
D3.005.0266b03.01ཤིག །བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། དེ་དག་འབྱུང་བ་ནི་འདི་ལྟ་སྟེ་དཔེར་ན་ཨུ་དུམ་བཱ་རའི་མེ་ཏོག་བཞིན་དུ་དཀོན་པ་ཡིན་གྱིས་དེ་བཞིན་གྱིས་ཤིག །དེ་ནས་ཚེ་དང་ལྡན་པ་གྱད་བུ་ནོར་མཁན་
D3.005.0266b04.01པོས་གནང་ནས། བཅོམ་ལྡན་འདས་ལ་བལྟ་བར་སྤྲོ་བའི་བློ་གྲོས་ཀྱིས་ཡིད་བདེ་བ་སྐྱེས་ནས། དེ་ཉིད་ཀྱི་མཚན་མོ་འདས་པ་དང་། སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། སྡིག་བྱུང་དུ་བསོད་སྙོམས་ལ་ཞུགས་སོ། །སྡིག་
D3.005.0266b05.01བྱུང་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་ནས་ལྷུང་བཟེད་དང་ཆོས་གོས་ཐོགས་ཏེ། མཁན་པོ་གཅིག་པ་དང་། སློབ་དཔོན་གཅིག་
D3.005.0266b06.01པ་དང་ལྷན་ཅིག་རྒྱལ་པོའི་ཁབ་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ཚེ་དང་ལྡན་པ་གྱད་བུ་ནོར་གྱིས་ལྷུང་བཟེད་དང་། ཆོས་གོས་མཁོས་སུ་ཕབ་སྟེ་རྐང་པ་གཉིས་བཀྲུས་ནས། བཅོམ་ལྡན་འདས་ག་
D3.005.0266b07.01