完整藏文原文 · 德格版页 当前仅加载第 5 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
བ་འདི་ལགས་སོ། །རྒྱལ་པོས་དེ་ལ་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་ཏུ་སྤྱད་ནས་སྨྲས་པ། མཁན་པོའི་བུ་བྲམ་ཟེ་སྨྲ་བར་འདོད་པ་ཡུལ་ཐ་དད་པ་ན་གནས་པ་འདི་དག་ངའི་དྲུང་དུ་ལྷགས་ན། ཁྱོད་འདི་དག་དང་ལྷན་ཅིག་སྨྲ་བ་བྱེད་པར་ནུས་སམ། རྔོ་ཅི་ཐོག་གིས་ལྷ་དགྱེས་པར་བགྱིའོ། །དེ་
D3.005.0171b01.01ནས་རྒོལ་བའི་དཀྱིལ་འཁོར་བཤམས་ཤིང་ཕྱོགས་དང་གཞན་གྱི་ཕྱོགས་དག་རྣམ་པར་བཞག་སྟེ་དེ་དག་ཕྱོགས་སྔ་མ་བྱེད་དུ་བཅུག་པ་དང་། སྨྲ་བ་དེ་དག་བྲམ་ཟེ་སེར་སྐྱ་དང་ལྷན་ཅིག་གཞི་གང་དང་གང་ལ་སྨྲ་བ་དེ་དང་དེ་དག་ལ་བྲམ་ཟེ་སེར་སྐྱས་སྤོབས་པ་མེད་པར་བྱས་ནས་དེ་དག་ཅང་མི་སྨྲ་བར་འཁོད་དོ། །
D3.005.0171b02.01ཚར་གཅད་པའི་གནས་རྣམས་ཀྱི་ནང་ན་འདི་ལྟ་སྟེ། ལན་ལ་སྤོབས་པ་མེད་པ་ཉིད་ནི་ཐ་ཅད་ཡིན་ནོ། །རྒྱལ་པོ་ངོ་མཚར་སྐྱེས་ཏེ། ཨེ་མ་ན་ཚོད་གཞོན་ལ་ཤེས་རབ་ཀྱི་སྤོབས་པ་འདི་དང་འདི་ལྟ་བུ་ཡོད་དོ་ཞེས་ངོ་མཚར་སྐྱེས་ནས་དེའི་འོག་ཏུ་མངོན་པར་དད་པས་གླང་པོ་ཆེའི་གཤུལ་དུ་བསྐྱོན་ཏེ་སྨྲ་
D3.005.0171b03.01བའི་རྒྱལ་སྲིད་ལ་དབང་བསྐུར་ཏོ། །སེར་སྐྱ་དེའི་མ་སེམས་ཁོང་དུ་ཆུད་ཅིང་རྣམ་པར་རྟོག་པ་བཟང་པོ་མ་ཡིན་པ་དག་ལ་རྣམ་པར་རྟོག་པར་བྱེད་དེ། སེར་སྐྱ་དེས་ཧབ་ཤུར་གྱིས་རྒོལ་བའི་ལོངས་སྤྱོད་འཕྲོག་ཏུ་བཅུག་སྟེ། འོང་བར་མི་འགྱུར་རམ་སྙམ་དུ་དེ་དེ་ལྟར་སེམས་ཁོང་དུ་ཆུད་
D3.005.0171b04.01ཅིང་རྣམ་པར་རྟོག་པ་བཟང་པོ་མ་ཡིན་པ་དག་ལ། རྣམ་པར་རྟོག་པར་བྱེད་ཅིང་འདུག་པ་ན་ཤེད་བུ་སེར་སྐྱ་སྨྲ་བའི་རྒྱལ་སྲིད་ལ་དབང་བསྐུར་བས་དབང་བསྐུར་ཏེ། སྐྱེ་བོ་མཁས་པས་ཡོངས་སུ་བསྐོར་ནས་རང་གི་སྡུམ་པར་འོངས་སོ། །དེ་ནས་དེའི་མས་གུས་པར་བསྒྲིམ་པ་དང་བཅས་པས་སྨྲས་
D3.005.0171b05.01པ། བུ་ཁྱོད་ཀྱིས་སྨྲ་བ་ཐམས་ཅད་ཚར་བཅད་དམ། སེར་སྐྱས་སྨྲས་པ། ཡུམ་ཚར་བཅད་དེ་འོད་སྲུང་གི་དགེ་སྦྱོང་རྣམས་ནི་མ་གཏོགས་སོ། །སེར་སྐྱའི་མ་དེ་བཞིན་སྒྱུར་བར་བྱེད། ལག་མཐིལ་གཉིས་འདྲིལ་བར་བྱེད་དོ། །ཤེད་བུ་སེར་སྐྱས་སྨྲས་པ། ཡུམ་ཁྱོད་ཅིའི་སླད་དུ་བཞིན་
D3.005.0171b06.01སྒྱུར་བར་མཛད། ལག་མཐིལ་གཉིས་འདྲིལ་བར་མཛད། མས་སྨྲས་པ། བུ་ད་དུང་ཡང་ཁྱོད་འགྲན་ཟླ་དང་བཅས་པ་ཡིན་པས། འོད་སྲུང་གི་དགེ་སྦྱོང་དེ་དག་གིས་རྒོལ་བའི་ལོངས་སྤྱོད་དག་ཕྲོགས་པར་འགྱུར་བའི་གནས་དེ་ལྟ་བུ་ཡོད་ཀྱིས་སོང་ལ་དེ་དག་ཚར་ཆོད་ཅིག །སེར་སྐྱས་སྨྲས་པ།
D3.005.0171b07.01