完整藏文原文 · 德格版页 当前仅加载第 5 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ་བ་འམ། གཞི་ནས་མགུ་བར་བྱ་བ་འམ། འབྱིན་པར་མི་བགྱིད་དེ། འདི་ལྟར་ཚེ་དང་ལྡན་པ་མཽད་གལ་གྱི་བུ་ཆེན་པོས་འདྲུམས་པ་ལྟུང་བས་བཅོམ་ལྡན་འདས་ཀྱི་བསྟན་པ་འདྲལ་བར་བགྱིད་དེ། ལྷུང་བཟེད་ནག་པོས་འཚོ་བར་མི་བགྱིད་པས་དེས་ན་མིའི་
D3.005.0194a01.01ཆོས་བླ་མ་དམ་འཆའ་ཞིང་ཀུན་ཤེས་པ་བརྡ་སྤྲོད་པར་བགྱིད་དེ། དེ་ཡང་འབྲས་བུ་མ་མཆིས་པར་གྱུར་ནས་དེས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་དེ། དེ་ལ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས་དེ་ལྟུང་བ་མ་མཐོང་བའི་སླད་དུ་གནས་ནས་
D3.005.0194a02.01དབྱུང་བའི་ལས་བགྱིའོ། །ཚེ་དང་ལྡན་པ་དག་དགེ་སློང་གནས་བརྟན་ལ་ཐོ་མ་བཙམས་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་
D3.005.0194a03.01པར་མཛད་པ་ཡིན་གྱིས་དེའི་སྤྱན་སྔར་དོང་ལ་དོན་འདི་ཞུས་ཤིག །བཅོམ་ལྡན་འདས་ཀྱིས་ཁྱེད་ལ་ཇི་སྐད་ལུང་སྟོན་པ་དེ་དེ་ཁོ་ན་བཞིན་དུ་ཟུང་ཤིག །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D3.005.0194a04.01གཡུལ་ངོར་དང་པོར་མི་མ་ཡིན་པ་དག་གཡུལ་འགྱེད་ཅིང་། དེའི་འོག་ཏུ་མི་རྣམས་གཡུལ་འགྱེད་དེ། གང་དུ་མི་མ་ཡིན་པ་རྣམས་རྒྱལ་བར་འགྱུར་བ་དེར་མི་རྣམས་ཀྱང་རྒྱལ་བར་འགྱུར་བས་དེའི་ཕྱིར་དགེ་སློང་མཽད་གལ་གྱི་བུ་ཆེན་པོས་ཡངས་པ་ཅན་གྱི་ལིཙྪ་བཱི་རྣམས་ལ་ལུང་བསྟན་
D3.005.0194a05.01པ་དེའི་ཚེ་ན་ཡངས་པ་ཅན་པའི་མི་མ་ཡིན་པ་རྣམས་ཀྱིས་རྒྱལ་པོའི་ཁབ་པའི་མི་མ་ཡིན་པ་རྣམས་ཕམ་པར་བྱས་སོ། །གང་གི་ཚེ་དེ་དག་གང་གཱའི་འགྲམ་དུ་ཕྱིན་པ་དེའི་ཚེ་རྒྱལ་པོའི་ཁབ་པའི་མི་མ་ཡིན་པ་དག་གིས་ཡངས་པ་ཅན་པའི་མི་མ་ཡིན་པ་དག་ཕམ་པར་བྱས་སོ། །གལ་ཏེ་
D3.005.0194a06.01དགེ་སློང་མཽད་གལ་གྱི་བུ་ཆེན་པོ་ལ་དེ་ཡང་དྲིས་པར་གྱུར་ན། དགེ་སློང་མཽད་གལ་གྱི་བུ་ཆེན་པོས་དེ་ཡང་ལུང་སྟོན་པར་འགྱུར་རོ། །དགེ་སློང་དག་དགེ་སློང་མཽད་གལ་གྱི་བུ་ཆེན་པོས་འདུ་ཤེས་དེ་ལྟ་བུས་ལུང་བསྟན་པ་ལ་ལྟུང་བ་མེད་དོ། །ཇི་ལྟར་ཡངས་པ་ཅན་པ་དག་གིས་སྔར་རྒྱལ་
D3.005.0194a07.01