完整藏文原文 · 德格版页 当前仅加载第 5 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་གྱི་བསྟན་བཅོས་དག་ནི་ལྕགས་ཀྱི་སེའུ་དང་འདྲ་སྟེ་རྟོགས་པར་དཀའ་ཞིང་། རྟོགས་ན་ཡང་དེ་དག་གིས་ངེས་པ་ལ་འཇུག་པར་ཡང་མི་འགྱུར། ཟག་པ་ཟད་པར་ཡང་མི་འགྱུར་རོ། །སངས་རྒྱས་ཀྱི་བཀའ་ནི་ཐོག་མ་དང་། བར་མ་དང་། ཐ་མར་
D3.005.0096a01.01དགེ་བ། མངོན་པར་ཤེས་པ་དང་། རྫོགས་པར་བྱང་ཆུབ་པ་དང་། མྱ་ངན་ལས་འདའ་བར་འགྱུར་བ་ཡིན་ན་ཅིའི་ཕྱིར་དེ་མི་ཀློག །འཕགས་པ་སུས་དེ་ཀློག་ཏུ་སྩོལ། ཁོ་བོས་ཀློག་ཏུ་གཞུག་གོ། །འཕགས་པ་མ་ནོངས་ཀྱིས་ཀློག་ཏུ་སྩོལ་ཅིག །ཁྱིམ་བདག་
D3.005.0096a02.01མགོན་མེད་ཟས་སྦྱིན་གྱིས་ཁྱེའུ་དེ་དག་ལ་སྨྲས་པ། ཁྱེའུ་དག་འཕགས་པའི་དྲུང་དུ་རྒྱལ་བྱེད་ཀྱི་ཚལ་དུ་དེང་ལ་སངས་རྒྱས་ཀྱི་བཀའ་ཀློགས་ཤིག །ཁྱེའུ་དེ་དག་ཉི་མ་རེ་རེ་ཞིང་རྒྱན་གྱིས་བཀླུབས་ཏེ། ཁྱེའུ་མངག་གཞུག་པ་དག་གིས་ཡོངས་སུ་བསྐོར་ནས་རྒྱལ་བྱེད་
D3.005.0096a03.01ཀྱི་ཚལ་དུ་དོང་སྟེ། ཚེ་དང་ལྡན་པ་མཽད་གལ་གྱི་བུ་ཆེན་པོ་ལས་སངས་རྒྱས་ཀྱི་བཀའ་བཀླག་པར་བརྩམས་སོ། །མཉན་ཡོད་ན་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་ཞེས་བྱ་བ་ཆོམ་རྐུན་པ་དག་གི་ཀུན་ཏུ་སྤྱོད་པ་ནི་དེ་དག་དགག་དབྱེ་བྱས་མ་ཐག་ཏུ་ཤེས་ལྡན་དག་བདག་ཅག་གིས་
D3.005.0096a04.01ལས་ཅི་ཞིག་བྱས་ན་དེས་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་ལ་ཁྱིམ་བདག་མགོན་མེད་ཟས་སྦྱིན་གྱི་བུ་དག་ཉི་མ་རེ་རེ་ཞིང་རྒྱན་ཐམས་ཅད་ཀྱིས་བཀླུབས་ཏེ་ཁྱེའུ་མངག་གཞུག་པ་དག་གིས་བསྐོར་ནས།
D3.005.0096a05.01རྒྱལ་བྱེད་ཀྱི་ཚལ་དུ་འདོང་ཞིང་འཕགས་པ་མཽད་གལ་གྱི་བུ་ཆེན་པོ་ལས་སངས་རྒྱས་ཀྱི་བཀའ་ཀློག་པར་བྱེད་ཀྱིས་ལམ་གྱི་བར་དུ་བསྡད་དེ་དེ་དག་བཟུང་ན་འཕགས་པ་མཽད་གལ་གྱི་བུ་ཆེན་པོས་ཁྱེའུ་དག་ཁྱིམ་ན་འཁོད་དོ་སྙམ་དུ་ཤེས་ལ། ཁྱིམ་བདག་གིས་ཀྱང་འཕགས་པ་མཽད་
D3.005.0096a06.01གལ་གྱི་བུ་ཆེན་པོའི་དྲུང་ན་འཁོད་དོ་སྙམ་དུ་ཤེས་པས་གལ་ཏེ་ཁྱེའུ་དག་དབྲོག་པར་ནུས་ན་ནི་བདག་ཅག་གི་འཚོ་བའི་བར་གྱི་འཚོ་བ་ཡོད་ལ། ཇི་སྟེ་མ་ནུས་ན་རྒྱན་དབྲོག་པར་བྱས་ཏེ། དེས་ཀྱང་བདག་ཅག་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་
D3.005.0096a07.01