完整藏文原文 · 德格版页 当前仅加载第 5 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
མཚའ་དག་གམ། སྤྱང་ཀི་དག་གིས་ཟོས་པར་གྱུར་པས་སམ། རླུང་དང་ཉི་མ་དག་གིས་ཡོངས་སུ་སྐམ་པ་དང་། ཡོངས་སུ་ཟད་པ་དང་། ཡོངས་སུ་གཏུགས་པར་གྱུར་པས་སམ། བཀྲེས་པ་དང་སྐོམ་པའི་ཉམ་ཆུང་བས་དཀྲིས་པས་དུས་བྱེད་པར་གྱུར་ཅིག་སྙམ་པས་
D3.005.0142a01.01ཆང་གིས་མྱོས་པར་བྱེད་དུ་འཇུད་ཅིང་། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་
D3.005.0142a02.01པ་སྦོམ་པོར་འགྱུར་རོ། །ཆང་གིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། རྒྱལ་པོའམ། བློན་པོ་འམ། ཆོམ་རྐུན་པ་དག་གིས་སམ། གཡོན་ཅན་དག་གིས་སམ། ཐོང་མི་པ་དག་གིས་སམ། དགྲ་བོ་དག་གིས་སམ།
D3.005.0142a03.01ཕས་ཀྱི་དགྲ་དག་གིས་དུས་བྱེད་པར་གྱུར་ཅིག་སྙམ་པས་བཅོས་པའི་ཆང་གིས་སམ། འབྲུའི་ཆང་དང་། བཅོས་པའི་ཆང་གིས་སམ། རྩ་བའི་བཏུང་བས་སམ། སྡོང་བུའི་བཏུང་བས་སམ། འདབ་མའི་བཏུང་བས་སམ། མེ་ཏོག་གི་བཏུང་བས་སམ། འབྲས་བུའི་བཏུང་
D3.005.0142a04.01བས་མྱོས་པར་བྱེད་དུ་འཇུད་དམ། གསང་སྔགས་དག་གམ། སྨན་དག་གམ། རིག་སྔགས་དག་གིས་སེམས་འཁྲུགས་པར་བྱེད་དམ། གཉིད་ལོག་པར་བྱེད་ཅིང་། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་
D3.005.0142a05.01ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་། བུད་མེད་དང་། མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་
D3.005.0142a06.01དུས་བྱེད་པར་གྱུར་ཅིག་སྙམ་པས་བྲང་དུ་འདེབས་པ་སྦྱོར་བར་བྱེད་ཅིང་། སྐྱེས་པ་འམ། བུད་མེད་དམ། མ་ནིང་ཆེ་གེ་མོ་ཞིག་འོང་བར་འགྱུར་བ་དེའི་ལག་པ་འམ། རྐང་པ་འམ། གདོང་ངམ། ཡན་ལག་དང་། ཉིང་ལག་གང་ཡང་རུང་བ་གཅོད་པར་གྱུར་ཅིག་སྙམ་
D3.005.0142a07.01