完整藏文原文 · 德格版页 当前仅加载第 5 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྲོལ་བ་ཡིན་ནོ། །དེ་དག་གིས་སྨྲས་པ། འཕགས་པ་དག་ཁྱེད་ཀྱིས་ཡོན་ཏན་གྱི་ཚོགས་དེ་ལྟ་བུ་དག་ཐོབ་བམ། ཐོབ་བོ། །འཇིག་རྟེན་ནི་ཡོན་ཏན་ལ་དགའ་བ་ཡིན་པས་རེ་ཞིག་རང་གི་བུ་དག་ལས་ཀྱང་ཕྲོགས་ཏེ། དེ་དག་ལ་བསོད་སྙོམས་སྦྱིན་པ་དང་བྱ་བར་སེམས་སོ། །སངས་
D3.005.0180b01.01རྒྱས་བཅོམ་ལྡན་འདས་གསོན་ཞིང་བཞུགས་ཏེ་འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཟླ་བ་ཉ་ལའོ། །དེ་ལ་གང་དག་དབྱར་ཟླ་འབྲིང་
D3.005.0180b02.01པོའི་ཉ་ལ་དབྱར་ཉེ་བར་སྒྲུབ་པའི་ཚེ་གདམས་ངག་མནོས་ཏེ། གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དག་ཏུ་དབྱར་གནས་པར་ཁས་ལེན་པ་དེ་དག་ནི་སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས་ཇི་ལྟར་ཐོབ་པ་ནི་རྗོད་པར་བྱེད། མ་ཐོབ་པ་ནི་ཐོབ་པར་བྱ་བའི་ཕྱིར་
D3.005.0180b03.01འོག་ཏུ་འདྲི་བར་བྱེད་དོ། །དེ་ནས་དགེ་སློང་གང་དག་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་པ་དེ་དག་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་རིད་པ་དང་། ཉམ་ཆུང་བ་དང་། རྐེ་བ་དང་།
D3.005.0180b04.01སྐམ་པ་དང་། ལུས་མ་ཐོབ་པས་ལྷུང་བཟེད་དང་ཆོས་གོས་ཐོགས་ཏེ། འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན་མཐར་གྱིས་རྒྱུ་ཞིང་འདོང་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང་། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ་། །
D3.005.0180b05.01མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱི་ཚིག་གིས་བསུ་ནས་ལྷུང་བཟེད་དང་། ཆོས་གོས་དང་། ཁར་བ་དང་། གཏུར་བུ་དང་། རིལ་བ་སྤྱི་བླུགས་དང་། འབྲུ་མར་སྣོད་དང་། ཞྭ་དང་། ལྷམ་ཡུ་ཆད་དང་། མཆིལ་
D3.005.0180b06.01ལྷམ་ལེན་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག་འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ་བདག་ཅག་སྤོང་བྱེད་ཀྱི་གྲོང་ནས་
D3.005.0180b07.01