完整藏文原文 · 德格版页 当前仅加载第 5 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་ཅིང་། གཞན་གྱི་ལ་གཏོང་བར་བྱེད་ན། གལ་ཏེ་དེའི་འབྱོར་པར་གྱུར་ཅིང་གཞན་གྱི་རྒུད་པར་གྱུར་ན་དེའི་འབྱོར་པའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་
D3.005.0068a01.01བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་བདག་གི་ལ་ཡང་གཏོང་བར་བྱེད་ཅིང་གཞན་གྱི་ལ་ཡང་གཏོང་བར་བྱེད་ན་ཉེས་པ་སྦོམ་པོར་འགྱུར་རོ། །སཱ་ལུའི་ལས་ཀྱི་མཐའ་ལ་ཇི་ལྟ་བ་བཞིན་དུ་བུ་རམ་ཤིང་གི་ལས་ཀྱི་མཐའ་དང་། ལན་
D3.005.0068a02.01ཚྭའི་ལས་ཀྱི་མཐའ་ལ་ཡང་དེ་བཞིན་ནོ། །གྲུ་ནི་གསུམ་སྟེ། བུམ་པའི་གྲུ་དང་། རྫ་མའི་གྲུ་དང་། ར་རྐྱལ་གྱིའོ། །ཟོང་ནི་བཞི་སྟེ། ཟོང་ལྕི་ཞིང་རིན་ལྕི་བ་ཡང་ཡོད། ཟོང་ཡང་ཞིང་རིན་ལྕི་བ་ཡང་ཡོད། ཟོང་ལྕི་ཞིང་རིན་ཡང་བ་ཡང་ཡོད། ཟོང་ཡང་ཞིང་རིན་ཡང་
D3.005.0068a03.01བ་ཡང་ཡོད་དོ། །ཟོང་ལྕི་ཞིང་རིན་ལྕི་བ་གང་ཞེ་ན། འདི་ལྟ་སྟེ། ནོར་བུ་དག་དང་། མུ་ཏིག་དང་། བཻ་ཌཱུརྱ་དང་། མན་ཤེལ་དཀར་པོ་དང་། བྱི་རུ་དང་། དངུལ་དང་། ས་ལེ་སྦྲམ་དང་། རྡོའི་སྙིང་པོ་དང་། སྤུག་དང་། དམར་པོ་དང་། གཡས་སུ་འཁྱིལ་པ་སྟེ། དེ་ནི་ཟོང་ལྕི་ཞིང་
D3.005.0068a04.01རིན་ལྕི་བ་ཡིན་ནོ། །ཟོང་ཡང་ཞིང་རིན་ལྕི་བ་གང་ཞེ་ན། འདི་ལྟ་སྟེ། དར་དག་དང་། སྲིན་བལ་དང་། གུར་ཀུམ་དང་། སུག་སྨེལ་ཏེ། དེ་ནི་ཟོང་ཡང་ཞིང་རིན་ལྕི་བ་ཡིན་ནོ། །ཟོང་ལྕི་ཞིང་རིན་ཡང་བ་གང་ཞེ་ན། འདི་ལྟ་སྟེ། ལྕགས་དང་། རྡོ་དང་། ཁྲོ་ཆུ་སྟེ། དེ་ནི་ཟོང་ལྕི་
D3.005.0068a05.01ཞིང་རིན་ཡང་བ་ཡིན་ནོ། །ཟོང་ཡང་ཞིང་རིན་ཡང་བ་གང་ཞེ་ན། འདི་ལྟ་སྟེ། བལ་དང་། ཤ་ན་དང་། རས་བལ་དང་། ན་མེ་རུ་སྟེ། དེ་ནི་ཟོང་ཡང་ཞིང་རིན་ཡང་བ་ཡིན་ནོ། །དེ་ལ་ཟོང་ལྕི་ཞིང་རིན་ལྕི་བ་གང་ཡིན་པ་དེ་དང་ཟོང་ཡང་ཞིང་རིན་ཡང་བ་གང་ཡིན་པ་དེ་གྲུ་
D3.005.0068a06.01གཅིག་ཏུ་བཅུག་པར་གྱུར་པ་ལས་དེ་དག་གི་གྲུ་དེ་རྒུད་པར་གྱུར་ཅིང་འབྱོར་པར་མ་གྱུར་ཏེ་ཟོང་འཕྱོ་བ་ན། ཤེས་ལྡན་དག་བྱིང་བ་གང་ཡིན་པ་དེ་ནི་ཁོ་བོ་ཅག་གི་ཡིན་ལ། འཕྱོ་བ་གང་ཡིན་པ་དེ་ནི་ཅི་བདེ་ཁོ་ནར་འབྱིན་ལ་རག་གོ་ཞེས་ཐོབ་རྒྱལ་དུ་སྒྲོགས་པར་བྱེད་པ་ན། དགེ་སློང་
D3.005.0068a07.01