完整藏文原文 · 德格版页 当前仅加载第 5 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་ནས། དེས་དེའི་ཁྱིམ་ཕུབ་བོ། །ཇི་ཙམ་དུས་གཞན་ཞིག་ན་ཁྱིམ་བདག་སྟོབས་སྡེ་ན་བར་གྱུར་ནས། དེ་ལ་རྩ་བ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུའི་སྨན་དག་གིས་བསྙེན་བཀུར་བྱས་ཀྱང་ནད་དེ་ཉེ་བར་ཞི་བར་མ་གྱུར་
D3.005.0119a01.01ཅིང་ཉམ་དམས་ནས་དེས་སྡེ་པ་དང་། ཉེ་སྡེ་གཉིས་ལ་སྙིང་བཞོས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་
D3.005.0119a02.01ཆོས་དང་ལྡན་པར་གྱུར་ཏོ། །དེ་ཁྱེའུ་གཉིས་ཀྱིས་གོས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་གིས་ཁྱོགས་སྤྱིལ་བརྒྱན་ཏེ་དུར་ཁྲོད་དུ་བསྐྱལ་ནས་བསྲེགས་ཏེ། དེའི་འོག་ཏུ་མྱ་ངན་བསང་བ་བྱས་ནས་ཤིད་དག་བྱས་ཏེ་འཁོད་དོ། །སྡེ་པས་བསམས་པ།
D3.005.0119a03.01གང་གི་ཚེ་བདག་ཅག་ཕ་གསོན་པ་དེའི་ཚེ་ན་ནི་གཞན་གྱིས་སྲོག་གསོ་བར་བྱེད་ན། ད་ནི་དེ་དུས་ལ་བབ་པས་ཁྱིམ་གྱི་བྱ་བ་སྦྱར་བར་བྱ་དགོས་ཏེ། གལ་ཏེ་ཁྱིམ་གྱི་བྱ་བ་དམས་པ་ཡལ་བར་བོར་ན་ཉེ་དུ་རྣམས་ཀྱིས་ཁྲེལ་བར་འགྱུར་བས་བདག་ཟོང་ཐོགས་ཏེ་ཡུལ་གཞན་
D3.005.0119a04.01དུ་འགྲོའོ་སྙམ་དུ་རིག་ནས། ཉེ་སྡེ་ལ་སྨྲས་པ། ནུ་བོ་གང་གི་ཚེ་བདག་ཅག་ཕ་གསོན་པ་དེའི་ཚེ་ན་ནི་གཞན་གྱིས་སྲོག་གསོ་བར་བྱེད་ན་ད་དེ་དུས་ལ་བབ་པས་ཁྱིམ་གྱི་བྱ་བ་སྦྱར་བར་བྱ་དགོས་ཏེ། གལ་ཏེ་ཁྱིམ་གྱི་བྱ་བ་དམས་པ་ཡལ་བར་བོར་ན་ཉེ་དུ་རྣམས་ཀྱིས་ཁྲེལ་བར་
D3.005.0119a05.01འགྱུར་གྱིས། ཁྱོད་ནི་འདི་ཉིད་ན་ཁྱིམ་གྱི་བྱ་བ་གྱིས་ཤིག །ཁོ་བོ་ནི་ཟོང་ཐོགས་ཏེ་ཡུལ་གཞན་དུ་འགྲོའོ། །ཉེ་སྡེས་སྨྲས་པ། དེ་ལྟར་མཛོད་ཅིག་སྡེ་པ་ཟོང་མང་པོ་ཐོགས་ཏེ་ཡུལ་གཞན་དུ་སོང་བ་དང་། དེས་དེར་ཁེ་སྤོགས་མང་པོ་གྲུབ་ནས་སྡེ་པས་ནུ་བོ་ཉེ་སྡེ་ལ་
D3.005.0119a06.01ནུ་བོ་ཁོ་བོས་ཁེ་སྤོགས་མང་པོ་གྲུབ་སྟེ་རིང་པོར་མི་ཐོགས་པར་འོང་གིས་བརྟན་པ་དང་། སྤུངས་དང་སྤྲོ་བ་ཆེན་པོར་གྱིས་ཤིག་ཅེས་སྤྲིང་ཡིག་བསྐུར་རོ། །སྡེ་པས་ཕྱིར་ཞིང་ཡང་ཁེ་སྤོགས་མང་པོ་གྲུབ་ནས་དེས་ཕྱིས་ཀྱང་དེ་ཁོ་ན་བཞིན་དུ་སྤྲིང་ཡིག་བསྐུར་རོ། །ཡང་སྡེ་པས་
D3.005.0119a07.01