完整藏文原文 · 德格版页 当前仅加载第 5 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་སྟོན་ཅིག །གལ་ཏེ་ཁྱོད་ལ་དེ་དག་ན་རེ་ཚེ་དང་ལྡན་པ་མདོ་སྡེའི་མཐའ་ལ་གནོད་པ་མ་བྱེད་ཅིག །ཆོས་ཀྱི་ཁྲིད་བྱེད་རྣམ་པར་དཀྲུག་པ་མ་བྱེད་ཅིག །ཆོས་ཀྱི་མངལ་མ་རྟོལ་ཅིག །ཆོས་ཀྱི་རྒྱལ་མཚན་མ་རྟིབ་ཤིག །བདུད་ཀྱི་རྒྱལ་མཚན་མ་སྒྲེང་ཤིག །
D3.005.0174a01.01སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་ཅེས་ཟེར་ན། དེའི་ཚེ་ཁྱོད་ཀྱིས་ཚིག་གི་མཚོན་གྱིས་གདབ་པར་བྱ་སྟེ། དེ་དག་ནི་ལེགས་པ་མ་ཡིན་པ་བྱེད་པས་འཇིགས་པ་ཡིན་པས་ཅང་མི་སྨྲ་བར་འདུག་པར་འགྱུར་ཏེ། དེས་ན་འཇིག་རྟེན་དག་གི་མིག་ལམ་ན་ཚར་བཅད་
D3.005.0174a02.01དོ་སྙམ་དུ་ཤེས་པར་འགྱུར་རོ། །ཡུམ་ཐབས་དེ་ནི་བཟང་སྟེ། འོན་ཀྱང་དེའི་ཚེ་ཁྱོད་ཀྱང་ཡང་སྤྱོན་ཅིག །བུ་དེ་ལྟར་བྱ་སྟེ་ཁོ་མོ་ཡང་འོང་ངོ་། །ཇི་ཙམ་ན་ཡང་ཆོས་མཉན་པའི་སེང་གེའི་ཁྲི་བཤམས་ནས་སེར་སྐྱ་ལ་ཆོས་སྒྲོག་པར་གསོལ་བ་བཏབ་སྟེ་དུང་སྒྲིལ་མ་ཡང་བུས། རྔ་བོ་ཆེ་ཡང་
D3.005.0174a03.01བརྡུངས་ཤིང་རྒྱལ་པོ་དང་བཅས་པའི་འཁོར་འདུས་པ་དང་། སེར་སྐྱའི་མ་དེ་ཡང་སྔ་མ་བཞིན་དུ་འོངས་ཏེ་སེང་གེའི་ཁྲིའི་རྒྱབ་ལོགས་སུ་འདུག་གོ། །ཆོས་སྒྲོག་པ་སེར་སྐྱ་ཡང་སེང་གེའི་ཁྲི་ལ་འཛེགས་ཏེ་ཆོས་བསྟན་པར་བརྩམས་ནས། དེས་ཆོས་ཇི་ཙམ་པ་དེ་ཙམ་ཞིག་བསྟན་ནས་
D3.005.0174a04.01ཡང་ཆོས་མ་ཡིན་པ་བསྟན་པར་བརྩམས་པ་དང་། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་མདོ་སྡེའི་མཐའ་ལ་གནོད་པ་མ་བྱེད་ཅིག །ཆོས་ཀྱི་ཁྲིད་བྱེད་རྣམ་པར་དཀྲུག་པར་མ་བྱེད་ཅིག་ཆོས་ཀྱི་མངལ་མ་རྟོལ་ཅིག །ཆོས་ཀྱི་རྒྱལ་མཚན་མ་རྟིབ་ཤིག །བདུད་ཀྱི་རྒྱལ་
D3.005.0174a05.01མཚན་མ་སྒྲེང་ཤིག །སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག །སེར་སྐྱ་དེ་མས་བསླུས་པས་མི་བཟོད་པ་སྐྱེས་ནས་ཚིག་གི་མཚོན་གྱིས་གདབ་པར་བརྩམས་ཏེ། གླང་པོ་ཆེའི་མགོ་ཅན་ཁྱོད་ཀྱིས་རེ་ཞིག་ཆོས་སམ་ཆོས་མ་ཡིན་པའམ། འདུལ་བ་འམ་འདུལ་བ་མ་
D3.005.0174a06.01ཡིན་པ་ཅི་ཤེས། རྟའི་མགོ་ཅན། རྔ་མོའི་མགོ་ཅན། བོང་བུའི་མགོ་ཅན། བ་ལང་གི་མགོ་ཅན། སྤྲེའུ་མགོ་ཅན། སེང་གེའི་མགོ་ཅན། སྟག་མགོ་ཅན། དོམ་མགོ་ཅན། དྲེད་མགོ་ཅན། གུང་མགོ་ཅན། བྱི་ལའི་མགོ་ཅན། ར་མགོ་ཅན། ལུག་མགོ་ཅན། {རི་དགས་,རི་དྭགས་}ཀྱི་མགོ་ཅན། མ་ཧེའི་
D3.005.0174a07.01