完整藏文原文 · 德格版页 当前仅加载第 5 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་གཅེར་བུ་པ་དག་མ་ཡིན་ནོ། །འོ་ན་ཁྱེད་སུ་ཡིན། དགེ་སློང་དག་གོ། །འདི་ལྟ་བུ་དག་དགེ་སློང་ཡིན་ནམ། གང་དག་ཆོམ་རྐུན་པ་དག་གིས་བཅོམ་པ་དེ་དག་ཇི་ལྟ་བུ་ཡིན། ཁྱེད་ཅག་མིང་ཅི། སངས་རྒྱས་འཚོའོ། །ཆོས་འཚོའོ། །དགེ་འདུན་འཚོའོ། །
D3.005.0157a01.01ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཞེས་དེ་དག་གིས་སྒོ་ཕྱེ་ནས་དགེ་སློང་དེ་དག་འཇུག་ཏུ་བཅུག་སྟེ། དེ་དག་ལ་ལ་ལས་ནི་ཆོས་གོས་བྱིན། ལ་ལས་ནི་ཤམ་ཐབས་བྱིན། ལ་ལས་ནི་རྡུལ་གཟན་བྱིན། ལ་ལས་ནི་ལྷུང་བཟེད་བྱིན། ལ་ལས་ནི་ཆུ་ཚགས་བྱིན་ཏེ། བགོ་བཤའ་ཇི་ལྟ་བ་
D3.005.0157a02.01བཞིན་དུ་ཐམས་ཅད་བགོ་བཤའ་བྱས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མི་ཤེས་པ་ལ་གཙུག་ལག་ཁང་གི་སྒོ་གྱ་ཚོམ་དུ་དབྱེ་བར་མི་བྱ་སྟེ། གལ་ཏེ་འགའ་ཞིག་མཚན་མོ་སྒོ་འདོད་ན་དེའི་མིང་དང་
D3.005.0157a03.01རིས་དྲི་བར་བྱ་ཞིང་གལ་ཏེ་ངོ་ཤེས་ན་སྒོ་དབྱེ་བར་བྱ་ཞིང་། ངོ་མི་ཤེས་ན་སྒོ་དབྱེ་བར་མི་བྱའོ། །གཞན་ཡང་ཆོས་མཉན་པ་ལ་བབ་པའི་ཚེ་དགེ་སློང་མེལ་ཙེ་བ་གཞག་པར་བྱ་ཞིང་། གལ་ཏེ་ཆོམ་རྐུན་པ་འོངས་ན་གཎྜཱི་འོན་ཅིག །གཎྜཱིའི་ཐེའུ་འོན་ཅིག །དུས་ཀྱི་འཁོར་ལོ་
D3.005.0157a04.01འོན་ཅིག །སྣམ་སྦྱར་དང་། བདུན་པ་དང་། ལྔ་པ་དང་། གཏུར་བུ་དང་། རྒྱ་ཅང་དང་། ཤུར་བུ་དང་། ལྕག་པོད་དང་། ཤུར་བུ་ཕྲེའུ་འོན་ཅིག་ཅེས་ཚམ་ངམ་བྱའོ། །གཞན་ཡང་ངས་དགེ་སློང་དགེ་འདུན་གྱི་གནས་བརྟན་གྱིས་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ།
D3.005.0157a05.01དགེ་སློང་དགེ་འདུན་གྱི་གནས་བརྟན་གྱིས་ཆོས་མཉན་པ་ལ་བབ་པའི་ཚེ་དགེ་སྐོས་ལ་ཚེ་དང་ལྡན་པ་ཁྱོད་ཀྱིས་གཙུག་ལག་ཁང་གི་སྒོ་བཅད་དམ། སོ་སོར་བརྟགས་སམ། ཆོས་སྨྲ་བ་ལ་གསོལ་བ་བཏབ་བམ། བཤང་བ་དང་གཅི་བའི་སྐྱབས་བྱི་དོར་བྱས་སམ་ཞེས་དྲི་བར་བྱའོ། །
D3.005.0157a06.01དགེ་སློང་དགེ་འདུན་གྱི་གནས་བརྟན་གྱིས་ཀུན་དུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་ཆོམ་རྐུན་པས་བཅོམ་པའི་དགེ་སློང་དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཁོ་བོ་ཅག་
D3.005.0157a07.01