完整藏文原文 · 德格版页 当前仅加载第 5 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
པས་ནང་མི་དག་ལ་སྨྲས་པ། ཤེས་ལྡན་དག་ཁོ་བོའི་གཙུག་ལག་ཁང་དུ་དགེ་སློང་གི་དགེ་འདུན་བྱོན་པ་དེ་དག་ལེགས་པར་སྦྱར་བའི་བཏུང་བས་ཚིམ་པར་བྱས། བུ་རམ་དང་། ཧྭགས་དང་། ལི་ཁར་དང་། དགུན་དང་། བལ་པོ་སེའུ་ལོང་ཤིག་ཅེས་ཁྱིམ་བདག་
D3.005.0154a01.01དེས་ལེགས་པར་སྦྱར་བའི་བཏུང་བ་སྦྱར་ནས་གཙུག་ལག་ཁང་དུ་སོང་བ་དང་། དགེ་སློང་དག་ཀྱང་ཆུ་བཙགས་ཏེ་རང་རང་གི་སྤྱོད་ལམ་གྱིས་འཁོད་དོ། །ཁྱིམ་བདག་དེས་དགེ་སློང་དེ་དག་ཐག་རིང་པོ་ཁོ་ན་ནས་མཐོང་སྟེ། དེས་གཙུག་ལག་ཁང་དེ་མཚོ་པད་མས་གང་
D3.005.0154a02.01བ་བཞིན་དུ་མཐོང་ནས་རྒྱ་ཆེར་དད་པའི་ཤུགས་ཀྱིས་བསྒྱུར་བའི་རྒྱུད་ཀྱིས་ཚིགས་སུ་བཅད་པ་སྨྲས་པ། གྲོང་ངམ་ཡང་ན་དགོན་པའང་རུང་། །གཤོང་ངམ་ཡང་ན་ཐང་ཡང་རུང་། །གང་ན་འོས་པ་གནས་པ་ཡི། །ས་གཞི་དེ་ནི་དགའ་བྱེད་ཡིན། །དེ་ནས་ལེགས་པར་སྦྱར་
D3.005.0154a03.01བའི་བཏུང་བ་སྟ་གོན་བྱས་ཏེ་རང་གི་ལག་ནས་དགེ་སློང་གི་དགེ་འདུན་དེ་ཚིམ་པར་བྱས་ནས་རང་ཉིད་ཀྱིས་པོག་ཕོར་ཐོགས་ཏེ་དགེ་སློང་གི་དགེ་འདུན་དང་ལྷན་ཅིག་མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་ཞུགས་ཏེ། རྒན་པའི་མཐའ་ལོགས་སུ་འདུག་གོ། །དགེ་འདུན་གྱི་
D3.005.0154a04.01གནས་བརྟན་གྱིས་ཡོན་བཤད་ནས་ཁྱིམ་བདག་དེས་རྐང་པ་གཉིས་ལ་ཕྱག་འཚལ་ཏེ་སང་བདག་གི་སྡུམ་པར་འཕགས་པའི་དགེ་འདུན་གྱིས་གདུགས་ཚོད་གསོལ་བར་ཅི་གནང་ཞེས་སྨྲས་པ་དང་། དགེ་སློང་རྣམས་ཀྱིས་ཀྱང་དང་དུ་བླངས་ནས་ཁྱིམ་བདག་དེས་རྐང་པ་གཉིས་ལ་
D3.005.0154a05.01ཕྱག་འཚལ་ཏེ་སོང་ངོ་། །ཁྱིམ་བདག་དེས་ཕྱི་དེ་ཉིན་པར་ཟས་བསོད་པས་དགེ་སློང་དག་ཚིམ་པར་བྱས་ཤིང་དུས་མ་ཡིན་པར་ཡང་བཏུང་བ་བླུད་ནས་དགེ་སློང་རྣམས་ཀྱིས་ཀྱང་ཆོས་བསྟན་ཏོ། །ཕྱིས་ཀྱང་དེ་ཁོ་ན་བཞིན་དུ་དགེ་འདུན་གྱི་གནས་བརྟན་གྱིས་ཡོན་བཤད་པ་དང་། ཁྱིམ་བདག་དེ་
D3.005.0154a06.01རྒན་པའི་མཐའ་ལོགས་སུ་འདུག་སྟེ་སྨྲས་པ། འཕགས་པ་དག་བདག་གིས་གཙུག་ལག་ཁང་འདི་བདག་ཉིད་ཀྱི་སླད་དུ་ཡང་བགྱིད་དུ་མ་སྩལ་ཉེ་དུ་རྣམས་ཀྱི་སླད་དུ་ཡང་བགྱིད་དུ་མ་སྩལ་གྱི། འདི་ལྟར་འཕགས་པ་རྣམས་ཀྱི་སླད་དུ་བགྱིད་དུ་སྩལ་བ་ལགས་ཀྱིས་འདི་ཉིད་དུ་དབྱར་གནས་པར་
D3.005.0154a07.01