完整藏文原文 · 德格版页 当前仅加载第 5 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་དང་། ལྷན་ཅིག་དེ་ལྟ་དེ་ལྟར་བགྱིད་པ་དེ་དག་ནི་བདེ་བར་གྱུར་ཅིང་། མཐོ་རིས་ཐོབ་པ་ལགས་པས། ཁོ་མོས་ཡང་གལ་ཏེ་འཕགས་པ་དང་། ལྷན་ཅིག་དེ་དང་དེ་བགྱིས་ན་བདེ་བར་འགྱུར་ཞིང་མཐོ་རིས་ཀྱང་ཐོབ་པར་འགྱུར་རོ་ཞེས་ཟེར་བ་ན། དགེ་སློང་གིས་དྲལ་ཅིང་གྱུར་པའི་སེམས་
D3.005.0220b01.01ཀྱིས་དེའི་རོ་མྱོང་བར་བྱེད། ངེས་པར་རྟོགས་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་
D3.005.0220b02.01མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་སྨོན་པར་བྱེད་པས་སོ། །ཇི་ལྟར་གཤེ་བར་བྱེད་པས་ཤེ་ན། བུད་མེད་དམ། གཞོན་ནུ་མ་ལེགས་པར་སྨྲས་པ་དང་། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ་འདི་སྐད་ཅེས་རོ་ལྟ་བུ་
D3.005.0220b03.01ཞེས་བྱ་བ་ལ་སོགས་པས་སྤྱོ་བ་དག་གིས་སྤྱོ་བར་བྱེད་པ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱོང་བར་བྱེད། ངེས་པར་རྟོགས་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་
D3.005.0220b04.01ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་གཤེ་བར་བྱེད་པས་སོ། །ནུས་པ་ལ་དགེ་འདུན་ལྷག་མ་གང་ཡིན་པ་དེ་ནི་མི་ནུས་པ་ལ་ཉེས་པ་སྦོམ་པོའོ། །སྐྱེས་པ་དང་། ཟ་མ་དང་། མ་ནིང་
D3.005.0220b05.01དང་། མཚན་གཉིས་པ་ལ་ཉེས་པ་སྦོམ་པོའོ། །ནུས་པ་ལ་ཉེས་པ་སྦོམ་པོ་གང་ཡིན་པ་དེ་མི་ནུས་པ་ལ་ཉེས་བྱས་སོ། །སྐྱེས་པ་དང་། ཟ་མ་དང་། མ་ནིང་དང་། མཚན་གཉིས་པ་ལ་ཡང་ཉེས་བྱས་ཉིད་དོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །ནུས་པ་ལ་ཉེས་བྱས་གང་
D3.005.0220b06.01ཡིན་པ་དེ་མི་ནུས་པ་ལ་ཡང་ཉེས་བྱས་ཉིད་དོ། །སྐྱེས་པ་དང་། ཟ་མ་དང་། མ་ནིང་དང་། མཚན་གཉིས་པ་ལ་ཡང་ཉེས་བྱས་ཉིད་དོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །སྐད་ཀྱི་ངེས་པའི་ཚིག་དང་། ཡུལ་གྱི་ངེས་པའི་ཚིག་དང་། ལྗོངས་ཀྱི་ངེས་པའི་ཚིག་གིས་ནི་ལྟུང་བ་
D3.005.0220b07.01