完整藏文原文 · 德格版页 当前仅加载第 5 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་བྱུང་བས་ཀྱང་ཕ་མ་དག་ལ་མཁོ་བ་བསྟབས་པར་བྱའོ་ཞེས་གསུངས་པས་དེའི་ཕྱིར་གཅིག་ནི་ཕ་ལ་དབུལ་ལོ། །ཅིག་ཤོས་ནི་མ་ལ་དབུལ་ལོ་སྙམ་དུ་ཤེས་ནས། དེ་ཇི་དགའ་བར་ལྗོངས་སུ་འདུག་ནས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་ག་ལ་བ་
D3.005.0076a01.01དེར་རྒྱུ་ཞིང་འགྲོ་བ་ན་མཐར་གྱིས་རྒྱུ་ཞིང་འགྲོ་བའི་ཚེ་ཤོ་གམ་གྱི་གནས་སུ་ཕྱིན་པ་དང་། ཤོ་གམ་པས་སྨྲས་པ། འཕགས་པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མ་མཆིས་སམ། དགེ་སློང་དེས་སྨྲས་པ། བཞིན་{བཟངས་,བཟང་}མེད་དོ། །ཤོ་གམ་པས་སྨྲས་པ། བལྟས་
D3.005.0076a02.01གཞག་ཏུ་གསོལ་ཞེས་དེས་བརྟག་པར་བརྩམས་པ་དང་ཇི་ཙམ་ན་རས་ཡུག་ཆེན་གཉིས་མཐོང་ནས་དེས་སྨྲས་པ། འཕགས་པ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བས་རས་ཡུག་ཆེན་གཉིས་ཙམ་གྱི་སླད་དུ་{བརྫུན་,རྫུན་}དུ་སྨྲ་བ་གསུང་ངམ། དགེ་སློང་དེས་སྨྲས་པ། བཞིན་
D3.005.0076a03.01{བཟངས་,བཟང་}འདི་གཉིས་ནི་ཁོ་བོ་མི་དབང་ངོ་། །འཕགས་པ་འོ་ན་སུ་དབང་། བཞིན་{བཟངས་,བཟང་}གཅིག་ནི་ཕའི་འོ། །ཅིག་ཤོས་ནི་མའི་འོ། །འཕགས་པ་བདག་གིས་ཡབ་ཀྱང་མ་འཚལ་ཡུམ་ཡང་མ་འཚལ་གྱིས་ཤོ་གམ་སྩོལ་ལ་བཞུད་ཅིག །དགེ་སློང་དེ་ཤོ་གམ་པ་དེས་ཡུན་རིང་ཞིག་
D3.005.0076a04.01བསྒྱངས་ཏེ་བཏང་ནས་དེ་མཐར་གྱིས་མཉན་ཡོད་དུ་ཕྱིར་ཕྱིན་པ་དང་། དེ་འགྱོད་པ་སྐྱེས་ནས་དེ་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་
D3.005.0076a05.01ཀྱི། ཡང་དགེ་སློང་གིས་དེ་བཞིན་དུ་འགྲོ་བར་མི་བྱ་བར་འདི་ལྟར་ཤོ་གམ་པའི་མདུན་དུ་ཕ་མའི་བསྔགས་པ་བརྗོད་པར་བྱ་སྟེ། བཞིན་{བཟངས་,བཟང་}བཅོམ་ལྡན་འདས་ཀྱིས་དགེ་སློང་དག་བུའི་ཕ་མ་བསྙོད་པར་བྱེད་པ། གསོ་བར་བྱེད་པ། སྐྱེད་པར་བྱེད་པ། ནུ་མ་སྣུན་པར་བྱེད་པ། འཛམ་
D3.005.0076a06.01བུའི་གླིང་སྣ་ཚོགས་སྟོན་པར་བྱེད་པ་གཉིས་ནི་བྱ་དཀའ་བ་བྱེད་པ་དག་ཡིན་ཏེ། བུས་ཕྲག་པ་གཅིག་གིས་ནི་ཕ། ཅིག་ཤོས་ཀྱིས་ནི་མ་ལོ་བརྒྱ་ཐམ་པར་ཡོངས་སུ་པང་བ་བྱས་སམ། ས་ཆེན་པོ་འདིར་ནོར་བུ་དང་། མུ་ཏིག་དང་། བཻ་ཌཱུརྱ་དང་། མན་ཤེལ་དཀར་པོ་དང་། བྱི་རུ་
D3.005.0076a07.01