完整藏文原文 · 德格版页 当前仅加载第 5 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཏུ་ཟོང་བཙུད་དེ་འདུག་གོ། །དེའི་ཚེ་ན་མཉན་ཡོད་ན་གཟུགས་འཚོང་མ་བཟང་མོ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེས་བུ་དགའ་བ་ཞིག་འདུག་སྟེ། དེ་ཀཱར་ཥཱ་པ་ཎ་ལྔ་བརྒྱས་སྐྱེས་པ་དང་ལྷན་ཅིག་དགའ་མགུར་སྤྱོད་པར་བྱེད་དོ། །དེས་འཕགས་རྒྱལ་ན་
D3.005.0040b01.01དེད་དཔོན་དགའ་བོ་ཞེས་བྱ་བ་འདུག་པ་དེའི་བུ་མཛེས་དགའ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ་དེ་ཚོང་པ་ལྔ་བརྒྱ་དང་ལྷན་ཅིག་ཏུ་འདིར་ཕྱིན་ནས་མཛོད་ཆེ་གེ་མོ་ཞིག་ཏུ་ཟོང་མཁོས་སུ་ཕབ་སྟེ་འདུག་གོ་ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། གལ་
D3.005.0040b02.01ཏེ་བདག་གིས་དེའི་ཟོང་ཐམས་ཅད་མ་ཕྲོགས་ན་བཟང་མོ་ཞེས་བྱ་བའི་མིང་མི་གཟུང་ངོ་སྙམ་མོ། །དེས་བུ་མོ་མངག་གཞུག་མ་ལ་སྨྲས་པ། བུ་མོ་དེད་དཔོན་མཛེས་དགའ་ཞེས་བྱ་བ་འབྱོར་པ་རྒྱ་ཆེན་པོ་དང་ལྡན་པས། ཟོང་ཁྱེར་ཏེ་འོངས་ནས་མཛོད་ཆེ་གེ་མོ་ཞིག་ཏུ་བཙུད་ཀྱིས། དྲི་དང་། ཕྲེང་
D3.005.0040b03.01བ་རྒྱུ་ཐོགས་ཏེ་དེའི་དྲུང་དུ་སོང་ལ་འདི་སྐད་ཅེས་ཇོ་མོ་བཟང་མོ་ཁྱོད་ཀྱི་ཞབས་ལ་ཕྱག་འཚལ་ཞིང་། རྗེའི་སྲས་ཀྱིས་ཅིའི་སླད་དུ་རང་གི་ཕོ་བྲང་སྤངས་ཏེ་མི་ཕལ་པ་བཞིན་དུ་མཛོད་ན་བཞུགས། འདི་ནི་ཁྱོད་ཉིད་ཀྱི་ཕོ་བྲང་ལགས་ཀྱིས་ཚུར་སྤྱོན་ཅིག་ཅེས་ཀྱང་མཆིའོ་ཞེས་གྱིས་ཤིག །ཇོ་མོ་
D3.005.0040b04.01བཀའ་བཞིན་འཚལ་ཞེས་བུ་མོ་མངག་གཞུག་མ་དེས་གཟུགས་འཚོང་མ་བཟང་མོ་ལས་མཉན་ཏེ། དྲི་དང་། ཕྲེང་བ་རྒྱུ་ཐོགས་ནས་དེད་དཔོན་མཛེས་དགའ་ག་ལ་བ་དེར་སོང་སྟེ་ཕྱིན་ནས་དེད་དཔོན་མཛེས་དགའ་ལ་འདི་སྐད་ཅེས་སྨྲས་སོ། །ཇོ་མོ་བཟང་མོ་ཁྱོད་ཀྱི་ཞབས་ལ་ཕྱག་
D3.005.0040b05.01འཚལ་ཞིང་། དྲི་དང་། ཕྲེང་བ་རྒྱུ་འདི་ཡང་བསྐུར། རྗེའི་སྲས་ཀྱིས་ཅིའི་སླད་དུ་ཕོ་བྲང་སྤངས་ཏེ་མི་ཕལ་པ་བཞིན་དུ་མཛོད་ན་བཞུགས། འདི་ནི་ཁྱོད་ཀྱི་ཕོ་བྲང་ལགས་ཀྱིས་ཚུར་སྤྱོན་ཅིག་ཅེས་ཀྱང་མཆིའོ། །མཛེས་{དགའས་,དགས་}སྨྲས་པ། བུ་མོ་སོང་ཤིག་དང་། ཁོ་བོ་དྲི་དང་།
D3.005.0040b06.01ཕྲེང་བ་རྒྱུ་འདི་བཏགས་ཏེ་འོང་ངོ་། །དེ་ནས་བུ་མོ་མངག་གཞུག་མ་དེ་གཟུགས་འཚོང་མ་བཟང་མོ་ག་ལ་བ་དེར་སོང་སྟེ་ཕྱིན་ནས། དེས་དེད་དཔོན་མཛེས་དགའ་དང་ལྷན་ཅིག་སྐབས་ཀྱི་གཏམ་ཇི་སྙེད་བྱས་པར་གྱུར་པ་དེ་དག་ཐམས་ཅད་གཟུགས་འཚོང་མ་བཟང་མོ་ལ་བསྙད་དོ། །དེ་
D3.005.0040b07.01