完整藏文原文 · 德格版页 当前仅加载第 5 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ལུ་བླངས་པར་བྱའོ་སྙམ་ནས། དེས་ཉི་མ་གཉིས་ཀྱི་དང་། ཉི་མ་གསུམ་གྱི་དང་། ཉི་མ་བདུན་གྱི་བར་གྱི་སཱ་ལུ་བླངས་པར་གྱུར་ཏོ། །དེ་ནས་སེམས་ཅན་ཞིག་གིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྭའེ་སེམས་ཅན་ཚུར་ཤོག་སཱ་ལུའི་ཕྱིར་འདོང་ངོ་། །སེམས་
D3.005.0109b01.01ཅན་དེས་སྨྲས་པ། ཀྭའེ་སེམས་ཅན་ཁྱོད་རང་གི་སཱ་ལུའི་ཕྱིར་སོམས་ཤིག །བདག་གིས་ཉི་མ་གཉིས་ཀྱི་དང་། ཉི་མ་གསུམ་གྱི་དང་། ཉི་མ་བདུན་གྱི་སཱ་ལུ་བླངས་ཟིན་ཏོ། །དེ་ནས་སེམས་ཅན་དེ་འདི་སྙམ་དུ། ཀྱེ་མ་དེ་ནི་ལེགས་སོ། །ཀྱེ་མ་དེ་ནི་བཟང་ངོ་། །
D3.005.0109b02.01བདག་གིས་ཀྱང་ཟླ་བ་ཕྱེད་ཀྱི་དང་། ཟླ་བ་གཅིག་གི་སཱ་ལུ་བླངས་པར་བྱའོ་སྙམ་ནས། དེས་ཟླ་བ་ཕྱེད་ཀྱི་དང་། ཟླ་བ་གཅིག་གི་སཱ་ལུ་བླངས་པར་གྱུར་ཏོ། །གང་གི་ཕྱིར་སེམས་ཅན་དེ་དག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་སོགས་འཇོག་གི་ཡོངས་སུ་སྤྱོད་པས་ཟོས་
D3.005.0109b03.01པར་གྱུར་པ་དེའི་ཕྱིར་སཱ་ལུ་དེ་ལ་སོ་བ་དང་། སྦུན་པ་དང་། འབྲས་ཀུན་ནས་དཀྲིས་པར་གྱུར་ཅིང་བརྔས་སོ་ཅོག་ཀྱང་ཕྱིར་མི་སྐྱེ་ལ། བརྔས་པར་ཡང་མངོན་ཞིང་། སཱ་ལུ་བྱིངས་དང་བྱིངས་མ་ཡིན་པ་དག་ན་རྣམ་པར་གནས་སོ། །དེ་ནས་སེམས་ཅན་དེ་དག་འདུས་ཤིང་ལྷགས་
D3.005.0109b04.01ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང་ཤེས་ལྡན་དག་བདག་ཅག་སྔོན་གཟུགས་ཅན་ཡིད་ལས་བྱུང་བ་མ་ཚང་བ་མེད་པ། དབང་པོ་མ་ཉམས་པ། ཡན་ལག་དང་ཉིང་ལག་ཐམས་ཅད་དང་ལྡན་པ། བཟང་བ། ཁ་དོག་དང་ལྡན་པ། རང་ལས་འོད་
D3.005.0109b05.01འབྱུང་བ། ནམ་མཁའ་ལ་འགྲོ་བ། དགའ་བ་ཟ་བ། དགའ་བའི་ཟས་དང་ལྡན་པ། ཚེ་རིང་ཞིང་ཡུན་རིང་དུ་གནས་པ་ན་བདག་ཅག་ལ་སའི་བཅུད་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ནས། གང་གི་ཕྱིར་བདག་
D3.005.0109b06.01ཅག་གིས་སའི་བཅུད་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར་བདག་ཅག་གི་ལུས་ལ་སྲ་བ་ཉིད་དང་། ལྕི་བ་ཉིད་བྱུང་ཞིང་བདག་ཅག་གི་མདོག་གསལ་བ་བཟང་པོ་གང་ཡིན་པ་དེ་ཡང་མེད་པར་གྱུར། འཇིག་རྟེན་དུ་མུན་པ་ཡང་བྱུང་བར་གྱུར་ཏོ། །བདག་ཅག་
D3.005.0109b07.01