完整藏文原文 · 德格版页 当前仅加载第 5 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་པ་བྱ་དགོས་སོ། །གཏུམ་མོས་སྨྲས་པ། འཕགས་པ་གལ་ཏེ་དེ་ལྟ་ལགས་ཏེ་དང་དུ་མི་བཞེད་ན། བདག་གིས་འཕགས་པའི་སླད་དུ་དྲང་སྲོང་གི་གདན་བཤམ་པར་བགྱིས། ཁྱོད་ཀྱིས་བསོད་སྙོམས་བརྒྱུས་ནས་དྲང་སྲོང་གི་གདན་ལ་ལོངས་སྤྱད་དེ་གཤེགས་པར་རིགས་སོ། །
D3.005.0148b01.01ཚེ་དང་ལྡན་པ་འཆར་ཀས་སྨྲས་པ། སྲིང་མོ་དེ་བཞིན་བྱའོ་ཞེས་ཚེ་དང་ལྡན་པ་འཆར་ཀ་ཉི་མ་རེ་རེ་ཞིང་བསོད་སྙོམས་བརྒྱུས་ནས་གཏུམ་མོའི་ཁྱིམ་དུ་དྲང་སྲོང་གི་སྟན་ལ་ལོངས་སྤྱད་དེ་འགྲོའོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་འཆར་ཀ་ལ་ལྗོངས་སུ་བྱ་བ་ཞིག་བྱུང་ནས་ཚེ་དང་ལྡན་
D3.005.0148b02.01པ་འཆར་ཀས་བསམས་པ། བདག་ཇེ་སོང་ལ་སྲིང་མོ་བལྟ་བར་བྱའོ་སྙམ་ནས། ཚེ་དང་ལྡན་པ་འཆར་ཀ་གཏུམ་མོའི་གན་དུ་སོང་སྟེ་སྨྲས་པ། སྲིང་མོ་ཁོ་བོ་ལྗོངས་རྒྱུར་འགྲོ་ཡིས། ཁྱོད་ཀྱིས་ཆོས་ཀྱི་ལུས་ལ་བག་གྱིས་ཤིག །གཏུམ་མོས་སྨྲས་པ། འཕགས་པ་མྱུར་དུ་སླར་གཤེགས་
D3.005.0148b03.01པའི་རིགས་ཏེ། དེར་བཞུགས་པར་མི་མཛད་ཅིང་དེར་དགྱེས་པ་མི་བསྐྱེད་དུ་གསོལ། ཚེ་དང་ལྡན་པ་འཆར་ཀས་གཏུམ་མོ་བལྟས་ཏེ་ལྗོངས་རྒྱུར་འཕགས་པ་དང་། ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ལྗོངས་རྒྱུར་གཤེགས་
D3.005.0148b04.01ཀྱིས། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག །ཚེ་དང་ལྡན་པ་འཆར་ཀས་ཐོས་ནས་བསམས་པ། སངས་རྒྱས་ཀྱི་རྒྱུ་བ་ལ་ནི་ཕན་ཡོན་{བཅྭ་,བཅོ་}བརྒྱད་ཡོད་དེ། རྒྱལ་པོའི་འཇིགས་པ་མེད་པ་དང་། ཆོམ་རྐུན་གྱི་
D3.005.0148b05.01འཇིགས་པ་མེད་པ་དང་། མེའི་འཇིགས་པ་མེད་པ་དང་། མིའི་འཇིགས་པ་མེད་པ་དང་། མི་མ་ཡིན་པའི་འཇིགས་པ་མེད་པ་དང་། ཀླུའི་འཇིགས་པ་མེད་པ་དང་། གདུག་པའི་འཇིགས་པ་མེད་པ་དང་། སེང་གེའི་འཇིགས་པ་མེད་པ་དང་། སྟག་གི་འཇིགས་པ་མེད་པ་དང་། གུང་གི་
D3.005.0148b06.01འཇིགས་པ་མེད་པ་དང་། ཕ་རོལ་གྱི་དམག་ཚོགས་ཀྱི་འཇིགས་པ་མེད་པ་དང་། སྤྱང་ཀིའི་འཇིགས་པ་མེད་པ་དང་། ཤོ་གམ་གྱི་འཇིགས་པ་མེད་པ་དང་། ལ་གཅན་གྱི་འཇིགས་པ་མེད་པ་དང་། གྲུ་བཙས་ཀྱི་འཇིགས་པ་མེད་པ་དང་། དུས་དང་དུས་སུ་ལྷའི་གཟུགས་དག་མཐོང་ཞིང་ལྷའི་སྒྲ་དག་
D3.005.0148b07.01