完整藏文原文 · 德格版页 当前仅加载第 5 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་དག་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ། །ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་ལྔ་དང་རྐྱེན་ལྔ་ཡིན་ཏེ། ལྔ་གང་
D3.005.0196a01.01ཞེ་ན། འདི་ལྟར་སྤྲིན་ཀྱང་ཡོད། གློག་ཀྱང་འབྱུང་། སྤྲིན་ལས་འབྲུག་ཀྱང་གྲག །ཕྱོགས་བཞི་ནས་རླུང་བསིལ་བ་དག་ཀྱང་ལྡང་། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ས་གཞི་ཆེན་པོ་འདི་ལས་མེའི་ཁམས་མངོན་པར་འཕགས་
D3.005.0196a02.01ནས་དེས་ཆར་པ་དེ་བར་མ་དོར་ཁོ་ནར་སྐམས་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ། །ཞེས་སྟོན་ཀྱང་མི་རྟོགས་པ་ཐན་པ་ཆེན་པོའི་རྒྱུ་དང་པོ་དང་རྐྱེན་དང་པོ་ཡིན་ནོ། །གཞན་ཡང་སྤྲིན་ཡང་ཡོད། གློག་ཀྱང་འབྱུང་། སྤྲིན་ལས་འབྲུག་ཀྱང་གྲག །
D3.005.0196a03.01ཕྱོགས་བཞི་ནས་རླུང་བསིལ་བ་དག་ཀྱང་ལྡང་། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ནམ་མཁའ་ལ་མི་མཉམ་པའི་རླུང་དག་ལྡང་ཞིང་དེས་ཆར་པ་དེ་དཎྜ་ཀའི་དགོན་པ་དག་དང་། ཀ་ལིང་ཀའི་དགོན་པ་དག་དང་། མ་ཏང་ཀའི་དགོན་པ་དག་ཏུ་
D3.005.0196a04.01འབེབས་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོགས་པ་ཐན་པ་ཆེན་པོའི་རྒྱུ་གཉིས་པ་དང་། རྐྱེན་གཉིས་པ་ཡིན་ནོ། །གཞན་ཡང་སྤྲིན་ཡང་ཡོད། གློག་ཀྱང་འབྱུང་། སྤྲིན་ལས་འབྲུག་ཀྱང་གྲག །ཕྱོགས་བཞི་ནས་རླུང་བསིལ་བ་
D3.005.0196a05.01དག་ཀྱང་ལྡང་། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ། །ཞེས་སྟོན་མོད་ཀྱི་འོན་ཀྱང་ལྷའི་བུ་ཆར་གྱི་ཤུགས་ཅན་དག་རབ་ཏུ་མྱོས་པར་གནས་པ་དང་། བག་མེད་པར་གནས་ཤིང་དེ་དག་རབ་ཏུ་མྱོས་པར་གནས་པ་དང་། བག་མེད་པར་གནས་པས་ལྷས་དུས་དང་དུས་སུ་ཆུའི་
D3.005.0196a06.01རྒྱུན་ལེགས་པར་འབེབས་སུ་མི་སྟེར་ཏེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོགས་པ་ཐན་པ་ཆེན་པོའི་རྒྱུ་གསུམ་པ་དང་རྐྱེན་གསུམ་པ་ཡིན་ནོ། །གཞན་ཡང་སྤྲིན་ཡང་ཡོད། གློག་ཀྱང་འབྱུང་། སྤྲིན་ལས་འབྲུག་ཀྱང་གྲག །ཕྱོགས་
D3.005.0196a07.01