完整藏文原文 · 德格版页 当前仅加载第 5 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོན་ཅན་དེ་དག་ཉིད་ལྷགས་ཀྱིས་ཚམ་ངམ་གྱིས་ཤིག་ཅེས་གཎྜཱི་འོན་ཅིག་ཅེས་གཎྜཱི་དེའི་ཐེའུ་དང་། དུས་ཀྱི་འཁོར་ལོ་དང་། སྣམ་སྦྱར་དང་། བདུན་པ་དང་། ལྔ་པ་དང་། གཏུར་བུ་དང་། རྒྱ་ཅང་དང་། ཤུར་བུ་དང་། ལྕག་པོད་དང་། ཤུར་བུ་ཕྲེའུ་འོན་
D3.005.0158a01.01ཅིག་ཅེས་ཚམ་ངམ་བྱ་བར་བརྩམས་པ་དང་། གཡོན་ཅན་དེ་དག་སྐྲག་སྟེ་འབྱེར་བར་བརྩམས་པ་ན་ལྷས་ཚིགས་སུ་བཅད་པ་སྨྲས་པ། ལེགས་གསུངས་རྐང་གཉིས་གཙོ་བོ་ཐུབ་པ་ཡིས། །ཉན་ཐོས་རྣམས་ཀྱི་ཚམ་ངམ་གང་བསྟན་པ། །ཚམ་ངམ་རབ་བརྩོན་པ་
D3.005.0158a02.01དག་མཆོག་ཡིན་གྱི། །གཡོན་ཅན་གཡུལ་ལ་སྔར་བ་གོ་གྱོན་པ། །ལྔ་བརྒྱ་དག་ནི་དེ་ལྟ་མ་ཡིན་ནོ། །གཡོན་ཅན་དེ་དག་ལ་དགེ་སློང་གི་རྒྱུས་ཤེས་པ་དེས་སྨྲས་པ། ཤེས་ལྡན་དག་ཁྱེད་ཅག་ཅིའི་ཕྱིར་འབྱེར་བར་བྱེད། དེ་དག་གིས་སྨྲས་པ། ཁྱེད་ཉིད་ན་རེ་འདི་ན་
D3.005.0158a03.01འཁོད་པའི་རབ་ཏུ་བྱུང་བ་དྲུག་བཅུ་པོ་དག་ནི་འཕོང་གི་སློབ་དཔོན་ཤ་སྟག་ཡིན་ནོ་ཞེས་ཟེར་བས་ཇི་ལྟར་མི་འབྲོས་སུ་རུང་། གཞན་ཡང་བདག་ཅག་གིས་གཎྜཱི་ཞེས་བྱ་བ་ལ་སོགས་པའི་མཚོན་དེ་ལྟ་བུ་དག་གི་མིང་ནི་སྔོན་ལན་འགའ་ཡང་མ་ཐོས་སོ། །དེས་སྨྲས་པ། དེ་དག་
D3.005.0158a04.01ནི་མཚོན་མ་ཡིན་ནོ། །འོ་ན་དེ་དག་ཅི་ཡིན། རེ་ཞིག་གཎྜཱི་ཞེས་བྱ་བ་ནི་དེ་དག་གི་བརྡུང་བའོ། །གཎྜཱིའི་ཐེའུ་ཞེས་བྱ་བ་ནི་གང་གི་རྡུང་བར་བྱེད་པའོ། །དུས་ཀྱི་འཁོར་ལོ་ཞེས་བྱ་བ་ནི་དུས་ཡོངས་སུ་གཅོད་པར་བྱེད་པའོ། །སྣམ་སྦྱར་དང་། བདུན་པ་དང་། ལྔ་པ་ཞེས་བྱ་བ་དེ་དག་ནི་ཆོས་གོས་
D3.005.0158a05.01དག་གི་མིང་ངོ་། །གཏུར་བུ་ཞེས་བྱ་བ་ནི་གང་དུ་དེ་དག་གཞུག་པའོ། །རྒྱ་ཅང་དང་། ཤུར་བུ་དང་། ལྕག་པོད་དང་། ཤུར་བུ་ཕྲེའུ་ཞེས་བྱ་བ་དེ་དག་ནི་སྐ་རགས་ཀྱི་མིང་ཡིན་གྱིས་ཁྱེད་ཅག་མ་སྡར་བར་ཡང་ཕྱིར་འདོང་ལ་གཞོམ་པར་བྱའོ་ཞེས་སྨྲས་ནས། དེ་དག་ཡང་ཕྱིར་ལོག་སྟེ་
D3.005.0158a06.01ཆོམ་རྐུན་པའི་དམག་དཔོན་གྱིས་ཡ་གད་བཙུགས་ཏེ་འཛེག་པར་བརྩམས་པ་དང་། དེ་ན་རྒན་ཞུགས་ཞིག་མེལ་ཙེ་བར་བཞག་པ་དེས་ཆོམ་རྐུན་པའི་དམག་དཔོན་འཛེག་པ་དེ་མཐོང་ནས་རྒན་ཞུགས་དེས་བསམས་པ། གཡོན་ཅན་འདི་དག་ནི་གང་དག་གིས་བདག་ཅག་ལྷུང་བཟེད་
D3.005.0158a07.01