完整藏文原文 · 德格版页 当前仅加载第 5 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་མཽད་གལ་གྱི་བུས་དེ་ཡང་ལུང་སྟོན་པར་འགྱུར་རོ། །དགེ་སློང་དག་དགེ་སློང་མཽད་གལ་གྱི་བུས་འདུ་ཤེས་དེ་ལྟ་བུས་ལུང་བསྟན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །རྒྱལ་
D3.005.0199a01.01པོའི་ཁབ་ན་ཁྱིམ་བདག་ཅིག་འདུག་པ་དེས་གང་དགེ་སློང་གི་དགེ་འདུན་ལ་སོ་སོར་རིག་པར་མ་བྱས་པར་ཟས་སྦྱིན་པ་དེ་འཕྲལ་ཁོ་ན་ལ་ལོངས་སྤྱོད་དག་གིས་མངོན་པར་འཕེལ་ལོ་ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། དེ་ནི་ནོར་སྒྲུབ་པའི་ཐབས་བཟང་པོ་ཡིན་གྱིས། བདག་
D3.005.0199a02.01གིས་ཀྱང་དགེ་སློང་གི་དགེ་འདུན་ལ་སོ་སོར་རིག་པར་མ་བྱས་པར་ཟས་སྦྱིན་པར་བྱའོ་སྙམ་ནས་དེས་སྲང་དུ་སོང་སྟེ། ཤ་མང་པོ་ཉོས་ནས་དེའི་འོག་ཏུ་ཟངས་ཀྱི་ནང་དུ་ཞུན་མར་མང་པོ་དང་སྦྱར་བའི་ཐུག་པ་བསྐོལ་ནས་གྲོང་ཁྱེར་གྱི་སྒོར་སྒོ་བ་ལ་ཀྱེ་ནང་རྗེ་དགེ་སློང་གང་ལ་ལ་ཞིག་བསོད་སྙོམས་
D3.005.0199a03.01ལ་འཇུག་ན་ཁོ་བོའི་ཁྱིམ་དུ་ཐོང་ཤིག་ཅེས་སྤྲིང་བ་དང་། སྒོ་བ་དེས་སྨྲས་པ། ཁྱིམ་བདག་དེ་བཞིན་དུ་བཏང་ངོ་ཞེས་དེས་དགེ་སློང་བསོད་སྙོམས་ལ་འཇུག་པ་གང་མཐོང་བ་དེ་ལ་འཕགས་པ་ཁྱིམ་བདག་ཆེ་གེ་མོ་ཞིག་དེང་དགེ་སློང་རྣམས་ལ་བསོད་སྙོམས་འབུལ་གྱིས་དེའི་སྡུམ་པར་བཞུད་ཅིག་
D3.005.0199a04.01ཅེས་སྨྲས་པ་དང་། དེ་དེའི་ཁྱིམ་དུ་སོང་ངོ་། །དེ་བཞིན་དུ་སྒོ་བས་བསོད་སྙོམས་པ་ཐམས་ཅད་ལ་བསྒོ་བ་དང་། བསོད་སྙོམས་པ་ཐམས་ཅད་ཁྱིམ་བདག་དེའི་ཁྱིམ་དུ་དོང་ངོ་། །དེ་ནས་ཁྱིམ་བདག་དེས་ཤིན་ཏུ་སྣུམ་པའི་ཤའི་ཐུག་པ་དག་གིས་དེ་དག་སོ་སོའི་ལྷུང་བཟེད་བཀང་སྟེ་བྱིན་ནོ། །
D3.005.0199a05.01དེའི་ཉིན་མོ་ནམ་མཁའ་སྤྲིན་གྱིས་ཁེབས་ཤིང་ཡུལ་ངན་བྱུང་བར་གྱུར་ནས་དགེ་སློང་དག་ཟན་ཟོས་ནས་ལྷུང་བཟེད་སྣུམ་པོ་འདི་དག་རྩུབ་པར་བྱ་མི་ནུས་ཀྱིས་དེ་ན་ཆུ་དྲོན་ཡོད་ཀྱིས་ཆུ་དྲོན་གྱི་གན་དུ་སོང་སྟེ་བཀྲུ་བར་བྱའོ་ཞེས་དེ་དག་ཆུ་དྲོན་གྱི་གན་དུ་སོང་སྟེ་བཀྲུ་བར་བརྩམས་པ་དང་། ཇི་ཙམ་ན་དགེ་སློང་
D3.005.0199a06.01གཞོན་ནུ་ཞིག་ལ་ཆུ་དྲོན་འདི་གང་ནས་འོང་སྙམ་པའི་ཚུལ་བཞིན་ཡིད་ལ་བྱེད་པ་བྱུང་ནས་དེ་དང་ཧ་ཅང་མི་རིང་བ་ན་ཚེ་དང་ལྡན་པ་ཉེ་དགའ་ལྷུང་བཟེད་འཁྲུ་བར་བྱེད་དེ། དེ་དེའི་གན་དུ་སོང་ནས། བཙུན་པ་ཉེ་དགའ་ཆུ་དྲོན་འདི་གང་ནས་འོང་ཞེས་དྲིས་པ་དང་། དེ་དང་ཡང་ཧ་ཅང་མི་རིང་བ་ན་ཚེ་དང་ལྡན་
D3.005.0199a07.01