完整藏文原文 · 德格版页 当前仅加载第 5 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
སྲས་ཀྱི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། འདི་ལྟར་མངལ་ན་གནས་པ་ཡང་བླུགས་པར་བྱེད་དོ། །ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །ཉེ་སྡེས་སྡིག་པའི་ལས་འདི་
D3.005.0122a01.01དང་འདི་ལྟ་བུ་བྱས་སོ་ཞེས་བྱ་བའི་སྒྲ་དེ་ཡང་མཉན་ཡོད་ཀུན་དུ་གྲགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཉེ་སྡེ་ལ་རྨས་པ། ཉེ་སྡེ་ཁྱོད་ཀྱིས་སྡིག་པའི་ལས་དེ་ལྟ་བུ་དེ་
D3.005.0122a02.01བྱས་པ་བདེན་ནམ། བཙུན་པ་མ་བགྱིས་ཏེ། འདི་ལྟར་བདག་གིས་རྗེས་སུ་ཡི་རངས་པར་ནི་བགྱིས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཉེ་སྡེ་ལ་ནི་ལྟུང་བ་མེད་དོ། །ཡང་དགེ་སློང་གིས་གནས་དེ་ལྟ་བུ་ལ་རྗེས་སུ་ཡི་
D3.005.0122a03.01རངས་པར་མི་བྱའོ། །དགེ་སློང་གནས་དེ་ལྟ་བུ་ལ་རྗེས་སུ་ཡི་རངས་པར་བྱེད་ན་འགལ་ཚབས་ཅན་དུ་འགྱུར་རོ། །དེའི་བར་སྐབས་སུ་སྡེ་པ་དོན་ལེགས་པར་གྲུབ་སྟེ་མཉན་ཡོད་དང་ཉེ་བར་ཕྱིན་ཏོ། །འཇིག་རྟེན་ནི་འབྱོར་པ་འདོད་ལ། རྒུད་པ་དང་མི་མཐུན་པ་ཡིན་
D3.005.0122a04.01པས་ཁ་ཅིག་གིས་མྱུར་བ་མྱུར་བར་དོང་སྟེ་སྡེ་པའི་ཆུང་མ་ལ་སྨྲས་པ། ཁྱོད་ཀྱི་ཁྱིམ་ཐབ་དོན་ལེགས་པར་གྲུབ་སྟེ་མཉན་ཡོད་དང་ཉེ་བར་འོངས་ཀྱིས་སྤྲོ་བ་སྐྱེད་ཅིག །བུད་མེད་ཀྱི་ཡུལ་ནི་མ་བསླབས་པར་མཁས་པ་ཡིན་པས་སྡེ་པའི་ཆུང་མ་དེ་ཡི་ཆད་པའི་སེམས་
D3.005.0122a05.01ཀྱིས་གོས་དྲི་མ་ཅན་དག་བགོས་ཏེ། ཁྲི་ཞིག་པ་ལ་འདུག་ཅིང་འདུག་གོ། །ཅི་ཙམ་ན་སྡེ་པ་མཉན་ཡོད་དུ་ཞུགས་ནས་ཟོང་མཛོད་དུ་མཁོས་སུ་ཕབ་སྟེ་རང་གི་ཁྱིམ་དུ་འོངས་པ་དང་། ཁྱིམ་མ་བྱུགས། བྱི་དོར་མ་བྱས། གསལ་བ་མེད་པ་མཐོང་ནས་དེས་བུ་མོ་མངག་
D3.005.0122a06.01གཞུག་མ་ལ་དྲིས་པ། ཁྱིམ་བདག་གི་ཆུང་མ་གར་སོང་། བུ་མོས་སྨྲས་པ། རྗེའི་སྲས་སྤྱོད་ལམ་བཅད་དེ་ཁྲི་ཞིག་པ་ལ་མཆིས་ཤིང་མཆིས་སོ། །དེ་ནས་སྡེ་པ་ཡིད་མི་བདེ་བ་སྐྱེས་ཏེ་ཆུང་མའི་གན་དུ་སོང་ནས་སྨྲས་པ། བཟང་མོ་ཁྱོད་ཁོ་བོ་འོངས་པས་མི་བདེ་འམ།
D3.005.0122a07.01