完整藏文原文 · 德格版页 当前仅加载第 5 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
ཆས་ཉོས་པ་དང་། བཙན་ཕྲོགས་སུ་ཐོབ་པ་དང་། དང་སམ་དུ་འདུས་པ་དང་། གོས་ཟས་ཀྱིས་འཚོས་པ་དང་། ཁ་དུམ་པ་དང་། ཐང་འགའ་ཕྲད་པ་ནི་བདུན་པའོ། །དེ་ལ་ཆུ་ཚིགས་ཀྱིས་བྱིན་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་ཕ་མ་དག་གིས་སྐྱེས་
D3.005.0232a01.01པ་ལ་བྱིན་ནས། ཁྱོད་ཀྱི་ཆུང་མ་སྐྱེ་དགུའི་བདག་མོ་བྱོས་ཤིག་ཅེས་ཆུ་ཚིགས་ཀྱིས་བྱིན་ཞིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས། དེས་འདི་ལ་གཞན་དག་འདོད་པ་དག་གིས་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་ཆུ་ཚིགས་ཀྱིས་
D3.005.0232a02.01བྱིན་པའི་ཆུང་མ་ཞེས་བྱའོ། །རིན་ཆས་ཉོས་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་སྐྱེས་པས་འདི་བདག་གི་ཆུང་མ་སྐྱེ་དགུའི་བདག་མོ་བྱའོ་ཞེས་ཕ་མ་དག་ལས་རིན་ཆས་ཉོས་ཤིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་འདི་ལ་གཞན་དག་འདོད་པ་དག་གི་ཕྱིར་སྤྱོད་
D3.005.0232a03.01པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་རིན་ཆས་ཉོས་པའི་ཆུང་མ་ཞེས་བྱའོ། །བཙན་ཕྲོགས་སུ་ཐོབ་པའི་ཆུང་མ་གང་ཞེ་ན། འདི་ལྟ་སྟེ། རྒྱལ་པོ་རྒྱལ་རིགས་སྤྱི་བོར་དབང་བསྐུར་བས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། ཕ་
D3.005.0232a04.01རོལ་གྱི་ཡུལ་འཁོར་དང་། ཕ་རོལ་གྱི་ཡུལ་དུ་སོང་ནས་མ་ཕེབས་པ་ཕབ་ཅིང་། ཕེབས་པར་གནས་ནས་ཐོབ་རྒྱལ་དུ་སྒྲོགས་པར་བྱེད་པའི་ཚེ་དེ་ན་སྐྱེས་པས་རྒྱལ་པོ་རྒྱལ་མཚན་དུ་བྱས་ནས་བུད་མེད་དང་གཞོན་ནུ་མ་གང་ཡིན་པ་འདི་བདག་གི་ཆུང་མ་སྐྱེ་དགུའི་བདག་མོ་བྱའོ་ཞེས་ཕྲོགས་
D3.005.0232a05.01ཤིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ། དེ་ནི་བཙན་ཕྲོགས་སུ་ཐོབ་པའི་ཆུང་མ་ཞེས་བྱའོ། །གཞན་ཡང་བཙན་ཕྲོགས་སུ་ཐོབ་པའི་ཆུང་མ་གང་
D3.005.0232a06.01ཞེ་ན། འདི་ལྟ་སྟེ། ཆོམ་རྐུན་པ་དག་གིས་གྲོང་གཞོམ་པའམ། གྲོང་ཁྱེར་གཞོམ་པའམ། ལྗོངས་གཞོམ་པ་བྱས་ཏེ། རང་གི་མགོ་རྒྱལ་མཚན་དུ་བྱས་ནས། བུད་མེད་དམ་གཞོན་ནུ་མ་གང་ཡིན་པ་འདི་བདག་གི་ཆུང་མ་སྐྱེ་དགུའི་བདག་མོ་བྱའོ་ཞེས་ཕྲོགས་ཤིང་དེ་དེའི་ཆུང་མ་སྐྱེ་དགུའི་
D3.005.0232a07.01