完整藏文原文 · 德格版页 当前仅加载第 5 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལས་བུ་བྱུང་ནས་དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །ཇི་ཙམ་
D3.005.0160b01.01དུས་གཞན་ཞིག་ན་རི་བྲགས་དེར་དུས་སྟོན་བྱུང་ནས་དེ་ལ་གོས་བཀྲུ་བཤལ་བྱ་བ་མང་པོ་དག་བྱུང་བ་དང་དེས་བུ་ལ་སྨྲས་པ། བུ་གོས་མང་པོ་དག་བཀྲུ་བཤལ་བྱ་དགོས་པས་ཁོ་བོ་ཁྱིམ་དུ་སོང་སྟེ་ཟན་ཟ་མི་ནུས་ཀྱིས་ཚུར་ཤོག་གོས་དག་ཁྱེར་ཏེ་འདོང་ངོ་། །ཕྱིར་སོང་ལ་ཟན་ཁྱེར་ཏེ་ཤོག་ཤིག །
D3.005.0160b02.01དེ་བུ་དང་ལྷན་ཅིག་གོས་དག་ཁྱེར་ཏེ་སོང་ངོ་། །བུ་ཕྱིར་སོང་སྟེ་ཟན་ཁྱེར་ཏེ་འོངས་ནས་དེས་ཟན་ཟོས་ཏེ་སྨྲས་པ། བུ་ཁོ་བོ་ངལ་གྱིས་ཉལ་ལོ། །ཁྱོད་རེ་ཞིག་གོས་དག་བཀྲུ་བཤལ་གྱིས་ཤིག །བུས་སྨྲས་པ། དེ་ལྟར་བགྱིའོ། །བཙོ་བླག་མཁན་དེ་ཕྱོགས་གཅིག་ཏུ་གློས་ཕབ་སྟེ་
D3.005.0160b03.01གཉིད་ལོག་གོ། །དེ་སྤྱི་ཅེར་ཞིག་ཡིན་པས་དེའི་མགོ་ལ་སྦྲང་བུ་ཆགས་སོ། །ཇི་ཙམ་ན་བཙོ་བླག་མཁན་གྱི་བུ་དེས་གོས་དག་བཀྲུ་བཤལ་བྱས་ནས་ཕའི་གན་དུ་སོང་བ་དང་ཕའི་མགོ་ལ་སྦྲང་བུ་ཆགས་པ་མཐོང་ནས་དེས་བསྐྲད་པར་བརྩམས་པ་དང་། སྦྲང་བུ་ཁྲག་གིས་མྱོས་པ་འཕུར་
D3.005.0160b04.01དུ་མ་བཏུབ་ནས་བུ་དེ་མི་བཟོད་པ་སྐྱེས་ཏེ་བསམས་པ། སྦྲང་བུ་འདིས་བདག་གི་ཕ་གསོན་བཞིན་དུ་ཁྲག་འཐུང་བར་བྱེད་ཀྱིས་གསད་པར་བྱའོ་སྙམ་ནས། བུ་དེས་དེ་ལ་སྤང་ལེབ་ཀྱིས་བསྣུན་པ་དང་། སྦྲང་བུ་དེ་ནི་བྲོས་ཏེ་སོང་གི་ཕའི་ཀླད་པ་ཞོམ་ནས་དེས་དུས་ལ་བབ་པ་དང་། ལྷས་ཚིགས་
D3.005.0160b05.01སུ་བཅད་པ་སྨྲས་པ། དགྲ་བོ་བློ་གྲོས་ལྡན་པ་མཆོག་ཡིན་ཏེ། །མཛའ་བཤེས་བློ་གྲོས་བྲལ་བ་དེ་ལྟ་མིན། །བློ་གྲོས་ཆུང་ངུས་སྦྲང་བུ་གསད་སྙམ་ནས། །ཐོ་བས་ཕ་ཡི་ཀླད་པ་བཅོམ་པར་གྱུར། །དགེ་སློང་དག་ཇི་སྙམ་དུ་སེམས། །དེའི་ཚེ་དེའི་དུས་ན་བཙོ་བླག་མཁན་གང་
D3.005.0160b06.01ཡིན་པ་དེ་ནི་རྒན་ཞུགས་འདི་ཉིད་ཡིན་ནོ། །དེའི་ཚེ་དེའི་དུས་ན་བཙོ་བླག་མཁན་གྱི་བུ་གང་ཡིན་པ་དེ་ནི་རྒན་ཞུགས་ཀྱི་བུ་འདི་ཉིད་ཡིན་ཏེ། འདིས་དེའི་ཚེ་ཡང་ཕ་སྲོག་དང་ཕྲལ་ཡང་མཚམས་མེད་པའི་ཁ་ན་མ་ཐོ་བས་མ་རེག་ལ། འདིས་ད་ལྟར་ཡང་ཕ་སྲོག་དང་ཕྲལ་ཡང་མཚམས་མེད་པའི་
D3.005.0160b07.01