完整藏文原文 · 德格版页 当前仅加载第 5 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་དོན་མཐུན་སླར་མཆི་བ་དག་ལས་ཐོས་ན་དེ་ན་གོས་དཀར་པོ་ཅན་ཆོམ་རྐུན་པ་ལྟ་བུ་ཤོ་གམ་དང་། ལ་གཅན་དང་། གྲུ་བཙས་ཀྱི་ལྕེ་རྟེན་གྱིས་བདེན་པས་མི་མགུ་བ་དག་འཁོད་པས་རྫས་ཐམས་ཅད་འཕྲོག་པར་བགྱིད་པས་ཤོ་གམ་དང་། ལ་གཅན་དང་།
D3.005.0083a01.01གྲུ་བཙས་ཀྱིས་ཡོངས་སུ་ཡི་ཆད་པར་འགྱུར་རོ་ཞེས་མཆིའོ། །དྲུག་སྡེ་དག་གིས་སྨྲས་པ། བཞིན་{བཟངས་,བཟང་}དག་གང་དག་ལ་ཁོ་བོ་ཅག་བཤེས་སུ་བདོག་པ་ཁྱེད་ཀྱང་སེམས་ཁོང་དུ་ཆུད་ཅིང་འཁོད་དམ། འཕགས་པ་དག་ཅི་ལགས་ཁྱེད་ཀྱིས་བདག་ཅག་གི་སླད་དུ་རྒྱལ་
D3.005.0083a02.01པོ་ལ་གསོལ་བ་བགྱིའམ། བཞིན་{བཟངས་,བཟང་}དག་རྒྱལ་པོ་ལ་ནི་གསོལ་བ་མི་བྱེད་དེ། འོན་ཀྱང་མཉན་ཡོད་ནི་ཀུན་ཤེས་པའི་ཤོ་གམ་ཅན་ཡིན་ལ། དེ་ལ་སྒོ་ནི་{བཅྭ་,བཅོ་}བརྒྱད། སྒེའུ་ཆུང་ནི་སུམ་བཅུ་རྩ་དྲུག་ཡོད་པས་ཁྱེད་ཅག་སྒེའུ་ཆུང་ནས་འཇུག་ཏུ་གཞུག་གིས་ལོངས་ཤིག་
D3.005.0083a03.01འདོང་ངོ་། །ཚོང་པ་དེ་དག་ཡོངས་སུ་མགུ་ནས་འཕགས་པ་དང་། མཉན་ཡོད་དང་ཧ་ཅང་མི་རིང་བའི་རི་བྲག་ཞིག་ཏུ་ཕྱིན་ནས། དྲུག་སྡེ་དག་གིས་སྨྲས་པ། བཞིན་{བཟངས་,བཟང་}དག་རེ་ཞིག་ངལ་བསོས་ལ་མཉན་ཡོད་དུ་མཚན་མོ་འཇུག་པར་བྱས། རྔ་མོ་དང་། གླང་དང་། བོང་
D3.005.0083a04.01བུ་དག་ཐོང་ཤིག །ཚོང་པ་དེ་དག་གིས་དེ་དག་བཏང་ནས། ཇི་ཙམ་ན་ཉི་མ་ནུབ་པར་འགྱུར་བའི་ཚེ་དུས་ཡིན་ནོ་ཞེས་རེ་ཞིག་ངལ་བསོ་བར་བྱེད་དོ། །མཉན་ཡོད་ན་ཤོ་གམ་པ་དག་གིས་བྱང་ལམ་ནས་དོན་མཐུན་ཕུན་སུམ་ཚོགས་པ་འོངས་སོ། །ཞེས་ཐོས་ནས། དེ་དག་གིས་
D3.005.0083a05.01གནོད་སྦྱིན་ལ་གཏོར་མ་བྱས་ཏེ་སྒོ་དག་མནན་ཏེ། སྡོད་དོ། །དྲུག་སྡེ་དག་གིས་སྨྲས་པ། ཤེས་ལྡན་དག་མིག་ལམ་ཆད་ཀྱིས་ལོངས་ཤིག་འདོང་ངོ་། །ཡོངས་སུ་མི་ཤེས་པར་སྒེའུ་ཆུང་ནས་བདེ་བར་འཇུག་ཏུ་གཞུག་གོ། །དེ་དག་འཕགས་ཏེ་མཐར་གྱིས་བོང་བུ་དང་། རྔ་མོ་
D3.005.0083a06.01དང་། གླང་དག་འདེབས་ཤིང་། སྒེའུ་ཆུང་ནས་མཉན་ཡོད་དུ་ཞུགས་ནས་མཚན་མོ་ནམ་ནངས་པ་དང་། སྲང་དུ་དོང་སྟེ་བྱང་ལམ་པའི་ཟོང་བཀྲམ་ནས་བཙོང་བར་བརྩམས་སོ། །མི་ཞིག་དོན་མཐུན་དེ་ཉིད་དང་བྲལ་བ་སྒོ་ནས་ཞུགས་པ་ཤོ་གམ་པ་དག་གིས་མཐོང་ནས་སྨྲས་པ།
D3.005.0083a07.01