完整藏文原文 · 德格版页 当前仅加载第 5 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཀྭའེ་སེམས་ཅན་ཁྱོད་ཅིའི་ཕྱིར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན། ཀྭའེ་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག །སེམས་ཅན་དེས་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་
D3.005.0111a01.01མ་བྱིན་པར་བླངས་སོ། །སེམས་ཅན་གཞན་དེས་ཀྱང་སེམས་ཅན་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་པ་དེ་མཐོང་ངོ་། །མཐོང་ནས་ཀྱང་ཡང་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྭའེ་སེམས་ཅན་ཁྱོད་ཅིའི་ཕྱིར་
D3.005.0111a02.01རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་ཅེས་སེམས་ཅན་དེས་སེམས་ཅན་དེ་འདྲེན་པར་བྱེད། ཁྲིད་པར་བྱེད་ཅིང་འཁོར་གྱི་ནང་དུ་ཡང་ཤེས་ལྡན་དག་སེམས་ཅན་འདི་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་ཏོ་ཞེས་སྨོད་པའི་བར་དུ་བྱེད་དོ། །དེ་
D3.005.0111a03.01ནས་སེམས་ཅན་དེ་དག་གིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྭའེ་སེམས་ཅན་ཁྱོད་ཅིའི་ཕྱིར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན། ཀྭའེ་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག །དེ་ནས་སེམས་ཅན་མ་བྱིན་པར་ལེན་པ་
D3.005.0111a04.01དེས་སེམས་ཅན་དེ་དག་ལ་འདི་སྐད་ཅེས་སྨྲས་སོ། །ཤེས་ལྡན་དག་སེམས་ཅན་འདིས་ཁོ་བོ་ལ་སཱ་ལུའི་ཕྱིར་སྨྲས་ཏེ་འདྲེན་པར་བྱེད། ཁྲིད་པར་བྱེད་ཅིང་འཁོར་གྱི་ནང་དུ་སྨོད་པའི་བར་དུ་བྱེད་དོ། །དེ་ནས་སེམས་ཅན་དེ་དག་གིས་སེམས་ཅན་སཱ་ལུའི་ཕྱིར་སྨྲ་བ་དེ་ལ་འདི་སྐད་
D3.005.0111a05.01ཅེས་སྨྲས་སོ། །ཀྭའེ་སེམས་ཅན་ཁྱོད་ཅིའི་ཕྱིར་སཱ་ལུའི་ཕྱིར་སེམས་ཅན་ལ་སྨྲས་ཤིང་འདྲེན་པར་བྱེད། ཁྲིད་པར་བྱེད་ལ་འཁོར་གྱི་ནང་དུ་སྨད་པའི་བར་དུ་བྱེད། ཀྭའེ་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག །དེ་ནས་སེམས་ཅན་དེ་དག་འདི་སྙམ་དུ་ཤེས་ལྡན་
D3.005.0111a06.01དག་སཱ་ལུའི་ཕྱིར་འདྲེན་པར་བྱེད། ཁྲིད་པར་བྱེད་པ་ནས་འཁོར་གྱི་ནང་དུ་སྨོད་པར་བྱེད་པའི་བར་དག་སྣང་གིས། བདག་ཅག་འདུས་ཤིང་ལྷགས་ནས་བདག་ཅག་གི་ནང་ནས་སེམས་ཅན་གང་ཆེས་གཟུགས་བཟང་བ། ཆེས་བལྟ་ན་སྡུག་པ། ཆེས་མཛེས་པ། ཆེས་ལུས་ཆེ་
D3.005.0111a07.01