完整藏文原文 · 德格版页 当前仅加载第 5 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་ཆད་ཡིན་པས་བདག་ལ་གནོད་པར་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ། །སྤོས་འཚོང་གི་ཁྱེའུས་སྨྲས་པ། ཁོ་བོ་ཅག་སྤོས་འཚོང་གི་ཁྱེའུ་དག་ནི་སྨན་པའི་ཕྱིར་ཡིན་པས་ཁོ་བོས་རེ་ཞིག་མངལ་ན་གནས་པ་བླུགས་པར་བྱ་བ་དེ་ལྟ་བུ་དག་
D3.005.0121b01.01བྱིན་པར་གྱུར་ན་དེས་མངལ་ན་གནས་པ་དེ་དུམ་བུ་དུམ་བུར་ཞིག་པར་འགྱུར་བ་ཞིག་ན། ཁྱོད་ཀྱིས་ཁོ་བོ་ལ་ཅིའི་ཕྱིར་མ་སྨྲས། འདི་ལྟར་ད་ཡང་སྦྱིན་པར་བྱའོ། །ཉེ་སྡེས་དང་དུ་བླངས་སོ། །དེ་ནས་སྤོས་འཚོང་གི་ཁྱེའུ་(དས་,དེས་)རྫས་རྣོན་པོ་དག་ཕྱེ་མར་བྱས་
D3.005.0121b02.01ཏེ་བུ་མོ་ཞིག་གི་ལག་ཏུ་བྱིན་ནས་སྨྲས་པ། ཁྱོད་སོང་ལ་སྡེ་པའི་ཁྱིམ་དུ་སོང་སྟེ། སྡེ་པའི་ཆུང་མ་ལ་ཉེ་སྡེ་ན་རེ་ཕྱེ་མ་འདི་ཆུ་དྲོན་མོ་དང་སྦྱོར་ལ་འཐུང་ཤིག་དང་ཁྱོད་སོས་པར་འགྱུར་ཞེས་ཟེར་རོ་ཞེས་གྱིས་ཤིག །བུ་མོ་དེས་ཇོ་བོ་བཀའ་བཞིན་འཚལ་ཞེས་སྤོས་འཚོང་
D3.005.0121b03.01གི་ཁྱེའུ་ལས་མཉན་ནས་སྡེ་པའི་ཁྱིམ་ག་ལ་བ་དེར་སོང་སྟེ་ཕྱིན་ནས། སྡེ་པའི་ཆུང་མ་ལ་སྨྲས་པ། ཉེ་སྡེའི་ཞལ་ནས་ཕྱེ་མ་འདི་ཆུ་དྲོན་མོ་དང་སྦྱོར་ལ་འཐུང་ཤིག་དང་ཁྱོད་སོས་པར་འགྱུར་ཞེས་གསུང་ངོ་། །སྡེ་པའི་ཆུང་མ་དེས་ཕྱེ་མ་དེ་ཆུ་དྲོན་མོ་དང་སྦྱར་ཏེ་འཐུངས་
D3.005.0121b04.01པ་དང་། དེ་ནས་དེའི་མངལ་ན་གནས་པ་དེ་དུམ་བུ་དུམ་བུར་ཞིག་པར་གྱུར་ཅིང་མངལ་ན་གནས་པའི་མཚན་མ་དག་ཀྱང་མེད་པར་གྱུར་ཏོ། །ཡང་ན་ཟླ་དག་གིས་མཐོང་ནས་དེ་དག་གིས་སྨྲས་པ། ཁྱོད་ཀྱི་མངལ་ན་གནས་པ་དེ་གར་སོང་། སྡེ་པའི་ཆུང་མས་སྨྲས་
D3.005.0121b05.01པ། ཁོ་མོས་དང་པོ་ཉིད་ནས་ཁོ་མོ་ཚུལ་ཁྲིམས་དང་ལྡན་པ་ཉིད་ཡིན་གྱིས་ཁྱེད་ཅག་{བརྫུན་,རྫུན་}གྱི་སྐུར་པས་ཁོ་མོ་ལ་ཀུན་ཏུ་མ་སྤྱོད་ཅིག་ཅེས་མ་སྨྲས་སམ། དེའི་གྲོགས་མོ་ཆེས་མཛའ་བ་དེ་དེའི་གན་དུ་སོང་སྟེ་སྨྲས་པ། ཁྱོད་ཀྱིས་སྔར་འདི་སྐད་ཅེས་ཉེ་སྡེ་ལས་སོ་ཞེས་
D3.005.0121b06.01ཁོ་མོ་ལ་སྨྲས་པའི་མངལ་ན་གནས་པ་དེ་ད་གར་སོང་། སྡེ་པའི་ཆུང་མས་སྨྲས་པ། གང་ཁོ་ན་ལས་འོངས་པ་དེ་ཁོ་ནར་སོང་ངོ་། །ཇི་ལྟར་གྱུར། ཉེ་སྡེས་ཕྱེ་མ་རྣོན་པོ་དེ་ལྟ་བུ་བྱིན་པས་དེས་ན་མངལ་ན་གནས་པ་དེ་དུམ་བུ་དུམ་བུར་ཞིག་པར་གྱུར་ཏོ། །དེ་ཤཱཀྱའི་
D3.005.0121b07.01