德格《甘珠尔》D3

གསར་བུ་དེ་དག་གིས་སྨྲས་པ། གནས་བརྟན་ཁྱོད་ལ་གཡན་པའི་སྙུན་བྱུང་ངམ། དེས་སྨྲས་པ། བཞིན་{བཟངས་,བཟང་}དག་དེ་དེ་བཞིན་ནོ། །དེ་དག་གིས་སྨྲས་པ། གནས་བརྟན་ཅིའི་སླད་དུ་སྨན་པ་ལ་རྨས་ཏེ་བྱ་བ་མི་མཛད། དེས་སྨྲས་པ། བཞིན་{བཟངས་,བཟང་}དག་སྐྱེ་བོ་

མང་པོ་མི་འདོད་པ་དང་། སྐྱེ་བོ་མང་པོ་མི་དགའ་བ་དང་། སྐྱེ་བོ་མང་པོ་ལ་མི་སྡུག་པ་དང་། སྐྱེ་བོ་མང་པོའི་ཡིད་དུ་མི་འོང་བ་འཇིག་རྟེན་ཐམས་ཅད་དང་ཐུན་མོང་བ་འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོང་བར་འགྱུར་ཞིང་དེས་ནད་འདི་དང་ཁོ་བོ་ཡང་འཇིག་རྟེན་འདི་ནས་འཇིག་རྟེན་

ཕ་རོལ་དུ་ཁྲིད་པར་འགྱུར་བས་བྱ་བ་བྱར་ཅི་ཡོད། དེ་དག་གིས་སྨྲས་པ། གནས་བརྟན་འོ་ན་བཅོམ་ལྡན་འདས་ཀྱིས་སྐྱེས་བུ་གང་ཟག་ཚུལ་ཁྲིམས་དང་ལྡན་པ་ཡུན་རིང་པོ་ཇི་སྲིད་དུ་འཚོ་བ་དེ་སྲིད་དུ་བསོད་ནམས་མང་པོ་འཕེལ་ཞིང་ཇི་སྲིད་དུ་བསོད་ནམས་མང་པོ་འཕེལ་བ་དེ་སྲིད་དུ་

ཡུན་རིང་པོར་མཐོ་རིས་དག་ཏུ་དགའ་བར་འགྱུར་རོ་ཞེས་མ་གསུངས་སམ། བཞུད་ལ་བྱ་བ་མཛོད་ཅིག །དེ་དེ་དག་གིས་ནན་གྱིས་མནན་པ་ན་སྨན་པའི་གན་དུ་སོང་བ་དང་། སྨན་པས་དེ་མཐོང་ནས་སྨྲས་པ། འཕགས་པ་ཁྱོད་ལ་གཡན་པའི་སྙུན་བྱུང་ངམ། དེས་སྨྲས་པ། བཞིན་{བཟངས་,བཟང་}

དེ་བཞིན་ཏེ། དེའི་དོན་ཁོ་ནར་ཁོ་བོ་འོངས་ཀྱིས་བདག་ལ་སྨན་སྟོན་ཅིག །འཕགས་པ་བཤོས་བསོད་པ་གསོལ་ལ་ཡུངས་མར་གྱིས་སྐུ་དག་བསྐུས་ཏེ་གདུགས་ལ་བཞུགས་ཤིག་དང་ཁྱོད་སོས་པར་འགྱུར་རོ། །བཞིན་{བཟངས་,བཟང་}ཁོ་བོ་ལ་ཡུངས་མར་སྩོལ་ཅིག །འཕགས་པ་བདག་ཅག་སྨན་

པ་དག་ནི་སྨན་སྟོན་པ་ལགས་ཀྱི་འབུལ་བ་ནི་མ་ལགས་ཏེ། གལ་ཏེ་རེ་རེ་ལ་ཡང་འབུལ་ན་བདག་ཅག་ལ་འཚལ་མ་ཡང་མ་མཆིས། རད་པ་ཡང་མ་མཆིས་པར་འགྱུར་རོ། །འདི་ལྟར་ཁྱིམ་བདག་ཆེ་གེ་མོ་ཞིག་ལ་བྲོ་ནད་འདི་ལྟ་བུ་བྱུང་བར་གྱུར་ནས། བདག་གིས་དེའི་གཡན་པའི་

ནད་རབ་ཏུ་ཞི་བར་འགྱུར་བའི་ཡུངས་མར་བསྐོལ་གྱིས་དེའི་གན་དུ་བཞུད་ལ་སློངས་ཤིག །བཞིན་{བཟངས་,བཟང་}མི་སྟེར་བར་འགྱུར་རོ། །འཕགས་པ་བཞུད་ཅིག་དང་དེ་དད་པ་ཅན་ལགས་པས་འབུལ་བར་འགྱུར་རོ། །བཞིན་{བཟངས་,བཟང་}ཨ་རོག་གྱ་དོན་གྱིས་ན་ཁྱོད་ཉིད་ཀྱིས་བྱིན་ནོ་ཞེས་སྨྲས་