完整藏文原文 · 德格版页 当前仅加载第 5 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་དེ་ལྟ་བུའི་ཀླག་ཅོར་དག་བྱས་སོ། །དེ་དག་གང་གི་ཚེ་ཤོ་གམ་གྱི་གནས་ནས་འདས་པ་དེའི་ཚེ་སྣོད་དག་ལ་ནོམ་པར་བྱེད་ནས་དགེ་སློང་རྣམས་ཀྱིས་དེ་དག་ལ་སྨྲས་པ། བཞིན་{བཟངས་,བཟང་}དག་ཅིའི་ཕྱིར་སྣོད་དག་ལ་ནོམ་པར་བྱེད། དེ་དག་གིས་སྨྲས་པ། འཕགས་པ་དག་འདིར་བདག་
D3.005.0075b01.01ཅག་གི་ཤོ་གམ་གཞལ་འཚལ་བའི་རྫས་བཅུག་པ་འབྱིན་ཏོ། །དགེ་སློང་རྣམས་ཀྱིས་སྲུང་མའི་དགེ་སློང་དེ་གཉིས་ལ་ཁྱེད་གཉིས་འདིར་བཞག་པ་དག་གིས་ཁོ་བོ་ཅག་ལྟུང་བ་དང་བཅས་པར་བྱས་སོ། །ཞེས་གྱོད་རྨས་པ་དང་། དེ་གཉིས་ཀྱིས་བྱུང་བའི་མཐའ་ཇི་ལྟ་བ་བཞིན་དུ་བརྗོད་
D3.005.0075b02.01དོ། །དགེ་སློང་དེ་དག་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས་དེ་དག་གིས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D3.005.0075b03.01དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི། ཤོ་གམ་གཞལ་དགོས་པའི་རྫས་དེ་ཁྱིམ་པའམ། དགེ་ཚུལ་གྱིས་ཕྱུང་སྟེ་ཚོང་པ་དེ་དག་ལ་ཕྱིར་གཏད་པར་བྱའོ། །ཁྱིམ་པའམ། དགེ་ཚུལ་མེད་ན་རང་ཉིད་ཀྱིས་ཕྱུང་སྟེ་མདུན་དུ་གཞག་པར་བྱ་ཞིང་ཁྱེད་ཀྱི་རྫས་འདི་ཡིན་གྱིས་
D3.005.0075b04.01ཤེས་པར་གྱིས་ཤིག་ཅེས་ཀྱང་བརྗོད་པར་བྱའོ།། །།འདུལ་བ་རྣམ་པར་འབྱེད་པ། བམ་པོ་ལྔ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་
D3.005.0075b05.01འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལས་བུ་བྱུང་ནས་སྲིང་བར་བྱེད། སྐྱེད་པར་བྱེད་ཅིང་རྫིང་ན་
D3.005.0075b06.01གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ་ཞེས་བྱ་བའི་བར་དུ་སྔ་མ་བཞིན་ནོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་ལྗོངས་རྒྱུར་སོང་བས་རས་ཡུག་ཆེན་གཉིས་ཤིག་རྙེད་ནས། དེས་བཅོམ་ལྡན་འདས་ཀྱིས་
D3.005.0075b07.01