德格《甘珠尔》D3

འཇོག་པར་བྱེད་ཅིང་དེ་དག་གིས་གང་གི་ཚེ་ཆད་པས་གཅད་པ་དག་ཁྲིད་དེ། དེ་དག་གི་རྐང་པའམ། ལག་པ་བུམ་པ་དེ་དག་གི་ནང་དུ་འཛུད་པར་བྱེད་ཅིང་། དེ་དག་དེ་དག་གིས་ཟིན་པ་ན་མྱུར་དུ་དབྱ་དང་། གསུག་མང་པོ་འཇལ་བར་བྱེད་དེ། དེ་ལྟར་གནོད་བྱེད་

དག་གིས་སོ། །ཇི་ལྟར་གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་གིས་ཤེ་ན། འདི་ལྟར་གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་གིས་སྲོག་ཆགས་རྐང་{མངས་,མང་}དག་གིས་བུམ་པ་སོ་མ་བཏང་བ་བཀང་སྟེ། འཇོག་པར་བྱེད་ཅིང་དེ་དག་གིས་གང་གི་ཚེ་ཕ་རོལ་གྱི་དཔུང་

འོང་བ་དེའི་ཚེ་དེ་དང་ལྷན་ཅིག་གཡུལ་སྤྲོད་པར་བྱེད་པ་ན། གལ་ཏེ་དེ་དག་གིས་འཇོམས་པར་ནུས་ན་དེ་ལྟ་ན་ལེགས། གལ་ཏེ་མི་ནུས་ན་སྲོག་ཆགས་རྐང་{མངས་,མང་}དག་གིས་བཀང་བའི་བུམ་པ་སོ་མ་བཏང་བ་ར་བ་ལ་གནས་པ་འཕེན་པར་བྱེད་ཅིང་དེ་དག་སྲོག་ཆགས་རྐང་{མངས་,མང་}

དག་གིས་ཟིན་པ་ན་འབྱེར་བར་འགྱུར་ཏེ། དེ་ལྟར་གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་གིས་སོ། །ཇི་ལྟར་རྒྱ་མཚོའི་ཚོང་པ་དག་གིས་ཤེ་ན། འདི་ལྟར་རྒྱ་མཚོའི་ཚོང་པ་དག་གིས་སྲོག་ཆགས་རྐང་{མངས་,མང་}དག་གིས་བུམ་པ་སོ་མ་བཏང་བ་བཀང་སྟེ། རྒྱ་མཚོའི་

གྲུ་སྦྱར་ནས་ནོར་སྒྲུབ་པ་དག་རྒྱ་མཚོ་ཆེན་པོ་རྒལ་བ་ན་དེར་དེ་དག་ལ་ཆོམ་རྐུན་པ་རྟགས་མཚན་སྔོན་པོའམ། ནག་པོ་ཅན་དག་འོང་ཞིང་། གྲུ་འཇོམས་པར་བྱེད་པ་ན་ཚོང་པ་དག་གིས་དེ་དག་དང་། ལྷན་ཅིག་གཡུལ་སྤྲོད་པར་བྱེད་པ་ན། གལ་ཏེ་དེ་དག་གིས་འཇོམས་

པར་བྱེད་ནུས་ན་དེ་ལྟ་ན་ལེགས། གལ་ཏེ་མི་ནུས་ན་སྲོག་ཆགས་རྐང་{མངས་,མང་}དག་གིས་བཀང་བའི་བུམ་པ་སོ་མ་བཏང་བ་འཕེན་པར་བྱེད་ཅིང་། དེ་དག་སྲོག་ཆགས་རྐང་{མངས་,མང་}དག་གིས་ཟིན་པ་ན། འབྱེར་བར་འགྱུར་ཏེ། དེ་ལྟར་རྒྱ་མཚོའི་ཚོང་པ་དག་གིས་སོ། །དགེ་

སློང་གིས་སྲོག་ཆགས་རྐང་{མངས་,མང་}དག་རྐུ་བར་བྱེད་ན། སྲོག་ཆགས་རྐང་{མངས་,མང་}དག་གི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ།། །།སྡོམ་ལ། གདོལ་པ་དང་ནི་བག་རྫངས་ཅན། །སྣམ་སྦྱར་རེ་ཞིག་དུས་དང་