完整藏文原文 · 德格版页 当前仅加载第 5 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
རི་མ་རྒྱུར་བགྱིས་ཏེ། མཉན་ཡོད་ཐམས་ཅད་ཁྱབ་པར་བགྱིས་པས་ཕམ་པར་གྱུར་པ་དག་གིས་ལྟོ་གང་ངོ་། །དགེ་སློང་མ་དེ་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་མ་རྣམས་ལ་བརྗོད་དོ། །དགེ་སློང་མ་རྣམས་
D3.005.0095b01.01ཀྱིས་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། སངས་རྒྱས་བཅོམ་ལྡན་འདས་ཀྱིས་དགེ་སློང་མ་དེ་ལ་རྨས་པ། དགེ་སློང་མ་ཁྱོད་ཀྱིས་བསམ་པ་ཇི་ལྟ་བུས་འབྲུ་མར་བསླངས། བཅོམ་ལྡན་འདས་བགམ་པའི་བསམས་
D3.005.0095b02.01པས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་བགམ་པའི་བསམ་པ་ཅན་འདི་ལ་ནི་ལྟུང་བ་མེད་དེ། ཡང་དགེ་སློང་ངམ། དགེ་སློང་མས་ནད་པ་ལ་མ་དྲིས་པར་སྨན་སྦྱོར་དུ་གཞུག་པར་མི་བྱ་བར་འདི་ལྟར་དགེ་འདུན་གྱི་ནད་པའི་སྨན་ཁང་ནས་
D3.005.0095b03.01བསླང་བར་བྱ་བའམ། འོན་ཏེ་དད་པ་ཅན་ལས་སམ། ཉེ་དུའམ། ཉེ་དུ་མང་བ་ཉིད་ཡིན་ན་ཡང་གང་སྦྱོར་དུ་གཞུག་ཅེས་ནད་པ་ལ་དྲི་བར་བྱ་ཞིང་། དེས་གང་བརྗོད་པ་དེ་ལས་བསླང་བར་བྱའོ། །དགེ་སློང་ངམ་དགེ་སློང་མས་ནད་པ་ལ་མ་དྲིས་པར་སྨན་སྦྱོར་དུ་འཇུག་ན།
D3.005.0095b04.01འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་
D3.005.0095b05.01དུ་བསོད་སྙོམས་ལ་ཞུགས་ནས་མཐར་གྱིས་བསོད་སྙོམས་ལ་རྒྱུ་ཞིང་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་ག་ལ་བ་དེར་སོང་ངོ་། །དེའི་ཚེ་ན་ཁྱིམ་བདག་མགོན་མེད་ཟས་སྦྱིན་གྱི་བུ་དག་ཕྱི་རོལ་གྱི་བསྟན་བཅོས་དག་ཀློག་གོ། །ཚེ་དང་ལྡན་པ་མཽད་གལ་གྱི་བུ་ཆེན་པོས་ཁྱིམ་
D3.005.0095b06.01བདག་མགོན་མེད་ཟས་སྦྱིན་གྱི་བུ་དག་ཕྱི་རོལ་གྱི་བསྟན་བཅོས་དག་ཀློག་པ་མཐོང་ངོ་། །མཐོང་ནས་ཀྱང་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱེའུ་དག་ཅི་ཀློག །འཕགས་པ་སླད་རོལ་གྱི་བསྟན་བཅོས་དག་གོ། །ཁྱིམ་བདག་ཕྱི་
D3.005.0095b07.01